އަގުހެޔޮކޮށް މަސް ގަތް ނަމަވެސް މިފްކޯއަށް ސަރުކާރުން އަދިވެސް ބޮޑު ސަބްސިޑީއެއް

ފިޝަރީޒް މިނިސްޓަރު އަހުމަދު ޝިޔާމް: ވިދާޅުވެފައި އޮތީ ދުނިޔޭގެ ބާޒާރުގައި ހުރި އަގު

ފިޝަރީޒް މިނިސްޓަރު އަހުމަދު ޝިޔާމް: ވިދާޅުވެފައި އޮތީ ދުނިޔޭގެ ބާޒާރުގައި ހުރި އަގު

ދައުލަތުގެ މަސް ކުންފުނި މިފްކޯއިން މަސް ގަންނަ އަގު ހެޔޮ ކުރި ނަމަވެސް އަންނަ އަހަރު ވެސް ސަރުކާރުން އެ ކުންފުންޏަށް ބޮޑު ސަބްސިޑީއެއް ދޭން ނިންމައިފި އެވެ.

ސަރުކާރުން އަންނަ އަހަރަށް ހުށަހެޅި ބަޖެޓުގައިވާ ގޮތުން މަސްވެރިންގެ އަތުން ގަންނަ މަހުގެ އަގު ހިފެހެއްޓުމަށްޓަކައި މިފްކޯއަށް 280 މިލިއަން ރުފިޔާ ދިނުމަށް ވަނީ ނިންމައިފަ އެވެ. އެއީ މި އަހަރު މިފްކޯއަށް ދިން ސަބްސިޑީއާ އަޅާބަލާއިރު 61.8 މިލިއަން ރުފިޔާ [18 ޕަސެންޓު] މަދު އަދަދެކެވެ.

މި ސަރުކާރު ވެރިކަމަށް އައިއިރު މަސް މިފްކޯއަށް މަސް ކިލޯއެއް ގަތީ 22 ރުފިޔާއަށެވެ. އެކަމަކު ޖޫން، 2024، ގައި ސަރުކާރުން ވަނީ ގަނޑުކުރި މަސް ކިލޯއެއް ގަންނަ އަގު 16 ރުފިޔާއަށް ތިރިކޮށްފަ އެވެ.

Advertisement

އެހެންކަމުން، މަސް ގަންނަ އަގު 27 ޕަސެންޓު ކުޑަވި ނަމަވެސް މިފްކޯއަށް ސަރުކާރުން ދޭ ސަބްސިޑީ ކުޑަވީ އެންމެ 18 ޕަސެންޓެވެ. މިފްކޯއަށް ދޭ 280 މިލިއަން ރުފިޔާގެ ސަބްސިޑީއަކީ މުޅި ސަބްސިޑީ ބަޖެޓުގެ 9.6 ޕަސެންޓެވެ. ހުރިހާ ސަބްސިޑީއަކަށް ސަރުކާރުން 2.8 ބިލިއަން ރުފިޔާ ހަރަދު ކުރަން ބަޖެޓުކޮށްފައި އެބަ އޮތެވެ.

ފިޝަރީޒް މިނިސްޓަރު އަހުމަދު ޝިޔާމް ވިދާޅުވީ، މަހުގެ އަގު ކުޑަކުރުމުގެ އެންމެ ބޮޑު ބޭނުމަކީ ދުނިޔޭގެ ބާޒާރުގައި ހުންނަ އަގަށް މަސް ގަތުމާއި މިފްކޯއަށް ސަރުކާރުން ދޭ ސަބްސިޑީ ކުޑަ ކުރުން ކަމަށެވެ.

"މަހުގެ އަގު އެއީ ދުނިޔޭގެ ބާޒާރާ ގުޅިގެން ކަނޑައެޅޭ އަގަކަށް ވާންޖެހޭ. އެހެންނޫނިއްޔާމު ދެމެހެއްޓެނިވި ގޮތަކަށް ދިވެހިރާއްޖޭގައި މަސްވެރި ސިނާއަތެއް ނޯންނާނެ. މަހުގެ އަގަށް އޭރު އަޅުގަނޑުމެން ބަދަލު ނުގެނައި ނަމަހީ ދިވެހިރާއްޖޭގައި މި ސިނާއަތެއް މިއަދު ނޯންނާނެ،" އޮކްޓޯބަރު، 2024، ގައި މަޖިލީހުގައި ވާހަކަ ދައްކަވަމުން ޝިޔާމް ވިދާޅުވި އެވެ.

"[ދުނިޔޭގެ ބާޒާރުގައި ހުންނަ އަގަށް މަހުގެ އަގު ތިރިނުކޮށްފި ނަމަ] މިފްކޯ ކިޔާ ކުންފުންޏެއް ދިވެހި ރައްޔިތުންގެ ހުރިހާ ފައިސާއެއް، ދިވެހި ރައްޔިތުންގެ ހުރިހާ ޓެކްސް ފައިސާއެއް، މިފްކޯ ހިންގަން ހޭދަކޮށްގެން އަޅުގަނޑުމެން ތިބެންޖެހޭނީ އިތުރު އެއްވެސް ކަމެއް މަސްވެރި ސިނާއަތަށް ނުކޮށް.

އަންނަ އަހަރަށް ސަރުކާރުން ހުށަހެޅި ބަޖެޓުގައި މިފްކޯއަށް 280 މިލިއަން ދޭން ނިންމިއިރު، ބަޖެޓުގައިވާ ގޮތުން އޭގެ ކުރިއަށް އޮތް ދެ އަހަރު ވެސް މިފްކޯއަށް ފައިސާ ދޭނީ ހަމަ އެ އަދަދަށެވެ. އެކަމަކު މަހުގެ އަގު އަނެއްކާ ވެސް 20 ރުފިޔާއަށް ވުރެ ބޮޑު ކުރަން ސަރުކާރުން ވަނީ ނިންމައިފަ އެވެ. މަހުގެ އަގު ބޮޑުކޮށްފި ނަމަ މިފްކޯއަށް ސަރުކާރުން ދޭ ސަބްސިޑީ ވެސް އިތުރު ކުރަންޖެހޭނެ އެވެ.

މަހުގެ އަގު ބޮޑު ކުރައްވާނެ ކަމަށް އިއުލާނު ކުރެއްވީ ރައީސް މުހައްމަދު މުއިއްޒު މ. ދިއްގަރުގައި ސެޕްޓެމްބަރު 22، ގައި ވާހަކަ ދައްކަވަމުންނެވެ. އެމަނިކުފާނު ވިދާޅުވީ މަހުގެ އަގު 20 ރުފިޔާއަށް ވުރެ ކުޑަނުވެ، ސްޓޭބަލް އަގުތަކެއްގައި އަބަދު ހުންނާނެ ގޮތެއް ހަދަން މަސައްކަތް ކުރައްވަމުން ގެންދަވާ ކަމަށެވެ.

"ހަމަ އެގޮތަށް، މި 20 ރުފިޔާގެ ކަންތައް ވެސް މިދަނީ ތަރުތީބު ކުރަމުން. އިރާދަކުރެއްވިއްޔާ އެކަން ވެސް ހަމަޖެހިގެންދާނެ. ހަމަޖައްސަން މި މަސައްކަތް ކުރަނީ، މެދުނުކެނޑި ދެން ދާނެ ގޮތަކަށް،" މުއިއްޒު ވިދާޅުވި އެވެ.

މަހުގެ އަގު ބޮޑު ކުރައްވަން ރައީސް މަސައްކަތް ކުރައްވާއިރު، އެމަނިކުފާނުގެ ވެރިކަމެއްގައި މަހުގެ އަގު 20 ރުފިޔާއަށްވުރެ ކުޑަ ނުކުރައްވާނެ ކަމަށް 2023 ވަނަ އަހަރުގެ ރިޔާސީ އިންތިހާބުގެ ކެމްޕެއިނުގެ ތެރޭގައި އެމަނިކުފާނު ވިދާޅުވި އެވެ. އެއީ މަސްވެރިކަމުގެ ދާއިރާއަށް އެމަނިކުފާނު ވެވަޑައިގެންނެވި އެންމެ މުހިންމު ވައުދެވެ.

އަޅުގަނޑުމެންގެ ސިޔާސަތަކަށް ވާނ،ީ އަޅުގަނޑުމެން ގަސްތުކުރާ ގޮތަކ،ީ ރާއްޖޭގައި މަސް ގަންނ،ަ ރޯމަސް ގަންނަ އެންމެ ދަށް އަގު 20 ރުފިޔާއަށް ހެދުން. އެއީ އަޅުގަނޑުމެން ގަސްދުކުރާ ގޮތް ކަން އަޅުގަނޑު އިއުލާންކުރަން،" އޯގަސްޓު 19، 2023، ގައި މ. ދިއްގަރުގައި ވާހަކަ ދައްކަވަމުން މުއިއްޒު ވިދާޅުވެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox