ޗައިނާ ކުންފުންޏާއެކު ހެދި އެމްއޯޔޫއަށް ހުރުމަތްތެރިކޮށް ނުހިތާ ލ. މެރިޓައިމް ހަބު ތަރައްގީ ކުރާނެ ބަޔަކު އަލުން ހޯދަނީ

ލ. މެރިޓައިމް ހަބުގެ މަޝްރޫއު ކުުރިއަށް ގެންދަން އެމްޕީއެލް އިން ޗައިނާ ކުންފުންޏާއެކު އެމްއޯޔޫގައި ސޮއިކުރަނީ ---- ފޮޓޯ: ރައީސް އޮފީސް

ލ. މެރިޓައިމް ހަބުގެ މަޝްރޫއު ކުުރިއަށް ގެންދަން އެމްޕީއެލް އިން ޗައިނާ ކުންފުންޏާއެކު އެމްއޯޔޫގައި ސޮއިކުރަނީ ---- ފޮޓޯ: ރައީސް އޮފީސް

ޓްރާންސްޝިޕްމަންޓު ބަނދަރަކާއި ބަންކަރިންގެ ހިދުމަތް ހިމެނޭ ގޮތަށް މީގެ ދޮޅު އަހަރު ކުރިން ޗައިނާގެ ކުންފުންޏަކާ ތަރައްގީކުރަން ހަވާލުކޮށްފައި އޮތް ލ. މެރިޓައިމް ހަބު މަޝްރޫއުގެ އެމްއޯޔޫއަށް ހުރުމަތްތެރިކޮށް ނުހިތާ އެ މަސައްކަތް ކުރާނެ ބަޔަކު އަލުން ހޯދަމުންދާ ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ.

މިދިޔަ އަހަރުގެ އެޕްރީލް މަހު މުއިއްޒު ލ. އަތޮޅަށް ކުރެއްވި ދަތުރުގެ ތެރެއިން ފޮނަދޫ ރައްޔިތުންނާއެކު ބޭއްވި ބައްދަލުވުމުގައި މި މަޝްރޫއު ކުރިއަށް ގެންދިޔުމަށް ސަރުކާރުން އެމްއޯޔޫއެއްގައި ސޮއިކުރީ ޗައިނާ ސީއޭއެމްސީ އިންޖިނިއަރިން ކޮމްޕެނީ ލިމިޓެޑް (ސީއޭއެމްސީއީ) އާއެކު އެވެ.

އެޕްރީލް 11، 2024، ގައި ސަރުކާރުގެ ކުންފުނި އެމްޕީއެލްގެ ފަރާތުން މި ފަހުމުނާމާގައި ސޮއިކުރެއްވީ އެ ކުންފުނީގެ ސީއީއޯ މުހައްމަދު ވަޖީހު އިބްރާހިމް އެވެ. ނަމަވެސް، މަޝްރޫއުގެ އެއްވެސް ކަމެއް މި ފާއިތުވި ދޮޅު އަހަރުގެ ތެރޭ ކުރިއަށް ނުދެ އެވެ.

Advertisement

ރޭ ދެއްކެވި ވާހަކައިގައި މުއިއްޒު ވިދާޅުވީ އެ މަޝްރޫއު ކުރިއަށް ގެންދާނެ ބަޔަކު ހޯދަން މަސައްކަތް ކުރަމުންދާ ކަމަށެވެ. އިކޮނޮމިކް މިނިސްޓްރީން އެ އިއުލާނު ކުރީ ޖުލައި 8، ގަ އެވެ.

"އަޅުގަނޑުމެން މިހާރު އެކްސްޕްރެޝަން އޮފް އިންޓަރެސްޓް އަށް ހުޅުވާލައިގެން، އެކި ފަރާތްތައް ކުރިމަތިލައިގެން އޭގެތެރެއިން އެންމެ ރަނގަޅު ފަރާތަކާއި މޯލްޑިވްސް ޕޯޓްސް ލިމިޓެޑާ އެކީގަ އެއްބަސްވުމަކަށް އައުމަށްޓަކައި ކުރަންޖެހޭ މަސައްކަތް ވެސް އެބަ ހިނގާ. ވަރަށް ބާރަށް،" މުއިއްޒު ވިދާޅުވި އެވެ.

ކުރިން ސޮއިކުރި އެމްއޯޔޫ އާއި އެ ކުންފުނީގެ ވާހަކަ ނަން ވެސް މުއިއްޒު ނުގަންނަވަ އެވެ.

މި ކުންފުންޏަކީ ބައިނަލްއަގުވާމީ ބޮޑެތި ބޭންކުތަކުން ބްލެކްލިސްޓު ކޮށްފައިވާ ކުންފުންޏެއްކަން ކަށަވަރުވެ އެ ހަބަރު ވެސް މި ނޫހުން ވާނީ މީގެ ކުރިން ގެނެސްދީފަ އެވެ. ދެ އެ ކުންފުންޏަށް ހަވާލުކުރި ކައްދޫ އެއާޕޯޓު ތަރައްގީ ކުރުމުގެ މާޝްރޫއު ރޭ ވަނީ އެމްއޭސީއެލް އާއި ހަވާލުކޮށްފަ އެވެ.

މި މަޝްރޫއު ކުރިއަށް ގެންދަނީ ފޮނަދޫ އަދި ހިމާޔަތްކޮށްފައިވާ ލ. ގާދޫގަ އެވެ. މަޝްރޫއުގައި އަމަލީ އެއްވެސް ސިފައެއް ޖެހިފައި ނުވަނީސް، ގާދޫ އަދި އިހަވަންދިއްޕޮޅުގައި ތަރައްގީކުރާ ޓްރާންޝިޕްމަންޓު ބަނދަރު ތަރައްގީކުރުމަށް އެކުގައި މަސައްކަތް ކުރަން ރާއްޖެ އަދި އިންޑިއާއިން ވަނީ އެއްބަސްވެފަ އެވެ.

ގާދޫ އިންޓަގްރޭޓެޑް މެރިޓައިމް ހަބުގައި ޓްރާންސްޝިޕްމަންޓު ބަނދަރުގެ އިތުރުން ކްރޫޒް ޓާމިނަލަކާއި ޔޮޓު މެރީނާއެއްގެ އިތުރުން އީކޯ ރިސޯޓެއް ވެސް ތަރައްގީކުރާނެކަން ސަރުކާރުން ކުރިން އިއުލާންކުރި އެވެ.

ގާދޫގައި މި މަޝްރޫއު ކުރިއަށް ގެންދާތީ ތިމާވެށީގެ ހައްގުގައި ވަކާލާތުކުރާ ގިނަ ބަޔަކު މީގެ ކުރިން ވަނީ ކަންބޮޑުވުން ފާޅުކޮށްފަ އެވެ.

އެ ރަށުގެ ދެކުނު ފަރާތާއި ހުޅަނގު ފަރާތުގެ ގޮނޑުދޮށަކީ ވެލާ، ކަހަނބު ބިސްއަޅާ، ވިހައި އާލާވާ ކަމަށް ޒަމާނުންސުރެ ފާހަގަކޮށްލެވޭ ސަރަހައްދެކެވެ. ރަށުގެ ވަށައިގެންވާ މޫދުވިނަ ސަރަހައްދުން ހަ ބާވަތެއްގެ މޫދު ވިނަ އާއި 91 ބާވަތެއްގެ ފަރުމަސް ފެނިފައިވާ ކަމަށް ރެކޯޑުކުރެވިފައިވެ އެވެ. މި ހިތްގައިމު ރަށުގައި މީރު ފެން ކުޅިއެއް ވެސް އޮވެ އެވެ.

މި ރަށް ހިމާޔަތް ކުރުމަށް ކުރީ ސަރުކާރުން ޑިސެމްބަރު 21، 2021، ގައި ނިންމި އެވެ. މަޝްރޫއު ކުރިއަށް ގެންދާނަމަ މި ރަށުގެ ވެށްޓަށް އިޔާދަނުކުރެވޭނެ ގެއްލުން ކުރިމަތިވާނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox