10 މިނިޓް ތެރޭ ސުހާދު ހެދި ހެޓްރިކާ އެކު ޓީސީ ބަލިކޮށް ޔޫވީ އަށް ދިރުމެއް

Sep 30, 2025, 1:02 PM
10 މިނިޓް ތެރޭ ސުހާދު ހެދި ހެޓްރިކާ އެކު ޓީސީ ބަލިކޮށް ޔޫވީ އަށް ދިރުމެއް

ދިރާގު ދިވެހި ޕްރިމިއާ ލީގުގައި، މިއަދު ހަވީރު ކުޅުނު މެޗުގެ ދެ ވަނަ ހާފުގެ 10 މިނިޓް ތެރޭ، ޔުނައިޓެޑް ވިކްޓަރީ (ޔޫވީ)ގެ 17 އަހަރުގެ ފޯވާޑް، ހުސެއިން ސުހާދު ސުހާން ހެދި ހެޓްރިކާ އެކު، އެ ޓީމުން ފަހަަތުން އަރައި، 4-1 އިން ޓީސީ ސްޕޯޓްސް ކްލަބް ބަލިކޮށް ދިރުމެއް ހޯދައިފި އެވެ.

ލީގުގައި ކުޅުނު ފުރަތަމަ ދެ މެޗުން، ޔުނައިޓެޑް ވިކްޓަރީ އާއި ޓީސީ ވެސް ވަނީ ބަލިވެފަ އެވެ. އެހެންކަމުން، މި މެޗަށް ނުކުތްއިރު، ޔުނައިޓެޑް ވިކްޓަރީ އާއި ޓީސީ އަށް ވެސް އޮތީ އިންޓަނޭޝަނަލް ބްރޭކަށް ދިއުމުގެ ކުރިން މޮޅެއް ހޯދަން މަޖުބޫރު ހާލަތެއް ކުރިމަތިވެފަ އެވެ.

މި މެޗުން މޮޅުވެ، ޔުނައިޓެޑް ވިކްޓަރީ ވަނީ 10 ޓީމު ވާދަކުރާ ލީގުގެ ފަސް ވަނަ އަށް ވަގުުތީ ގޮތުން ޖެހިލައިފަ އެވެ. އެއީ، ތިން މެޗުން ތިން ޕޮއިންޓް ހޯދައި، ކުރިން ތިން ޕޮއިންޓް ހޯދާފައި އޮތް، ކްލަބް ވެލެންސިއާ އާއި ވިކްޓަރީ އަށް ވުރެ ލަނޑުގެ ފަރަގު ރަނގަޅުވުމުންނެވެ.

Advertisement

ގަލޮޅު ދަނޑުގައި މިއަދު ހަވީރު ކުޅުނު މެޗު ފަށައިގެން ދެ ޓީމުން ވެސް ލިބޭ ފުރުސަތުތަކުގައި ކުރިއަށް ޖެހިގެން ކުޅެމުންދިޔަ ނަމަވެސް، ރިސްކު ނަަގައިގެން އެޓޭކުގައި ގިނަ ކުޅުންތެރިން ބައިވެރިވަމުން ނުދެ އެވެ. މި މެޗުގައި ފުރަތަމަ ލީޑުނެގީ ފުރަތަމަ ހާފުގެ 44 ވަނަ މިނިޓްގައި، އަހުމަދު ރިލްވާން (ބެން) ޖެހި ގޯލުންނެވެ. ޔުނައިޓެޑް ވިކްޓަރީގެ އޭރިއާތެރެއިން ދޫވެގެން އައި ބޯޅައެއް ބެން އަށް ލިބުމުން އޭނާ ވަނީ ގޯލުގެ ތެރެއަށް ބޯޅަ ފޮނުވާލައިފަ އެވެ.

ދެ ވަނަ ހާފު ފަށައިގެން ޔުނައިޓެޑް ވިކްޓަރީން ކުރިއަށް ޖެހިގެން ކުޅެން ފަށައި ނަތީޖާ އަނބުރާލި އެވެ. އެ ގޮތުން މި ހާފު ފަށައިގެން، ޔުނައިޓެޑް ވިކްޓަރީ އަށް ނަތީޖާ އަނބުރާލުމުގައި ތަފާތު ދެއްކީ ސުހާދު އެވެ.

ޔުނައިޓެޑް ވިކްޓަރީގެ ފުރަތަަމަ އެގާރައިގައި ދެ ވަނަ މެޗުގައި ކުޅުނު ސުހާދު، ފުރަތަމަ ގޯލު ޖެހީ، 47 ވަނަ މިނިޓްގައި، ޔުނައިޓެޑް ވިކްޓަރީގެ ޝަނާން ރަޝާދު އޭރިއާބޭރުން ފޮނުވާލި ބޯޅައެއް ޓީސީގެ ކީޕަރު، މިސްރުގެ އަބްދުލް ހަމީދު އަތުގައި ޖެހިފައި ނުކުތް ވަގުތު އެވެ. އޭގެ ފަހުން، ޔުނައިޓެޑް ވިކްޓަރީގެ މިސްރު ފޯވާޑް، މުސްތަފާ އަލް ސާޒްލީ، މެޗުގެ 52 ވަނަ މިނިޓްގައި ޖެހި ޝޮޓް ދަނޑީގައި ޖެހިފައި ނުކުތް ވަގުތު ރީބައުންސް ގޯލަށް ވައްދާލައި، ސުހާދު ވަނީ ޔުނައިޓެޑް ވިކްޓަރީ އަށް ލީޑުނަގައިދީފަ އެވެ. އަދި، އޭގެ އިރުކޮޅެއް ފަހުން، މެޗުގެ 57 ވަނަ މިނިޓްގައި، ޓީސީގެ ޑިފެންޑަރު، ހަސަން އީނާޒް ކައިރިން ނައްޓާފައި ގޮސް، ސުހާދު ވަނީ ގޯލުގެ ކަނަށް ބޯޅަ ފޮނުވާލައި، ހެޓްރިކް ފުރިހަމަކޮށްފަ އެވެ.

މެޗުގެ ތިން ޕޮއިންޓް ޔުނައިޓެޑް ވިކްޓަރީ އަށް ޔަގީންކޮށްދިނީ ބަދަލަކަށް ދެ ވަނަ ހާފުގައި އެރި މިޑްފީލްޑަރު، އިޝް އާފު މުހައްމަދު ފިރާގު އެވެ. ވިހި އަހަރުން ދަށުގެ ގައުމީ ޓީމަށް ކުޅެފައިވާ މިޑްފީލްޑަރު، އިޝް އާފު މި ލަނޑު ޖެހީ ހިލޭ ޖެހުމަކުން ތިރިތިރިން ގޯލަށް ބޯޅަ ފޮނުވާލައިގެންނެވެ.

ލީގުގައި މިރޭ ކުޅޭނީ މާޒިޔާ ސްޕޯޓްސް އެންޑް ރެކްރިއޭޝަން އާއި ބުރު ސްޕޯޓްސް ކްލަބް އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox