ފެނަކަ ކޮރަޕްޝަން: މުއިއްޒުގެ ކެމްޕޭނަށް ހަރަދުކުރި ސަލާހުގެ ކުންފުންޏަށް އުސޫލާ ހިލާފަށް 19 މިލިއަން ރުފިޔާގެ ޕްރޮޖެކްޓު!

ރައީސް މުއިއްޒު އާއި މިފްކޯގެ ބޯޑު މެންބަރު ސަލާހު: މިފްކޯއިން މުއިއްޒުގެ ކެމްޕޭނަށް ހަރަދުކުރި ސަލާހަށް މިފްކޯއިން 19 މިލިއަން ރުފިޔާގެ އެއްބަސްވުން ދިން ---- ފޮޓޯ: ސޯޝަލް މީޑިއާ

ރައީސް މުއިއްޒު އާއި މިފްކޯގެ ބޯޑު މެންބަރު ސަލާހު: މިފްކޯއިން މުއިއްޒުގެ ކެމްޕޭނަށް ހަރަދުކުރި ސަލާހަށް މިފްކޯއިން 19 މިލިއަން ރުފިޔާގެ އެއްބަސްވުން ދިން ---- ފޮޓޯ: ސޯޝަލް މީޑިއާ

ރައީސް މުހައްމަދު މުއިއްޒުގެ ކެމްޕޭނަށް ހަރަދުކުރި މިފްކޯގެ ބޯޑު މެންބަރު ސަލާހު ޝަރީފުގެ ކުންފުންޏަކަށް ބިޑު ކުރުމުގެ އުސޫލުތަކާ ހިލާފަށް ފެނަކަ ކޯޕަރޭޝަނުން 19 މިލިއަން ރުފިޔާގެ ޕްރޮޖެކްޓު ދީފައިވާކަން ބުރާސްފަތި ދުވަހުގެ ރޭ އާންމުކުރި ފެނަކައިގެ ހާއްސަ އޮޑިޓަކުން ދައްކައިފި އެވެ.

އޮޑިޓު ރިޕޯޓުގައި ބުނެފައިވާ ގޮތުގައި، 2021 އިން 2023 އަށް ފެނަކައިން ޖުމްލަ 674 އެއްބަސްވުމެއްގެ ދަށުން 2.2 ބިލިއަން ރުފިޔާގެ މަސައްކަތް އެކި ފަރާތްތަކާ ހަވާލުކުރި އެވެ. މީގެ ތެރެެއިން 439 އެއްބަސްވުމެއްގައި ސޮއިކުރީ ބިޑަށް ހުޅުވައިނުލަ އެވެ. އެ އެއްބަސްވުންތަކުގެ އަގު 1.4 ބިލިއަން ރުފިޔާއަށް އަރަ އެވެ.

މީ އެއްބަސްވުންތައް ހަދާފައި ހުރި ކުންފުނިތަކުގެ ނަންތަކާއި އެއްބަސްވުންތަކުގެ އަގުތައް ރިޕޯޓުގެ އެނެކްސްގައި ހިމަނާފައިވެ އެވެ.

މީގެ ތެރެއިން ސަލާހުގެ ހިއްސާ އޮންނަ ކުންފުންޏަކީ ކެންގޯ ޕްރައިވެޓް ލިމިޓެޑް އެވެ. ބިޑު ކުރުމުގެ އާންމު އުސޫލުތަކާ ހިލާފަށް ކެންގޯއާއެކު ފެނަކައިން އަށް އެއްބަސްވުމެއް ހެދި އެވެ. މި އެއްބަސްވުންތަކުގެ ޖުމްލަ އަގަކީ 19,456,100ރ. އެވެ.

ސަލާހުގެ އިތުރުން ކެންގޯ ކުންފުނީގެ ހިއްސާދާރުންގެ ގޮތުގައި ތިބި ކަމަށް ބިޒްނަސް ޕޯޓަލް އިން ދައްކަނީ މިފްކޯގެ ހިންގުން ހަރަދަނާކުރަން ކަމަށް ބުނެ ފެބްރުއަރީ މަހު އެ ކުންފުނިން ވަކިކުރުމަށްފަހު ޖެހިގެން އައި މަހު އަލުން މަގާމު ދިން ތިން ޖެނެރަލް މެނޭޖަރުންގެ ތެރޭގައި ހިމެނޭ އައިމިނަތު ސަނިއްޔާ ޝަރީފު އާއި އަހުމަދު ހާޝިމް ކިޔާ މީހެކެވެ.

ސަލާހު އަކީ މުއިއްޒުގެ ރިޔާސީ ކެމްޕޭނަށް ހަރަދު ކުރި އާންމުންގެ ތެރެއިން އެކަކެވެ. އިލެކްޝަން ކޮމިޝަނުން އާންމުކޮށްފައިވާ މުއިއްޒުގެ ކެމްޕޭނުގެ މާލީ ބަޔާނުން އެނގޭ ގޮތުގައި ސަލާހު ވަނީ ޕީއެންސީގެ ރިޔާސީ ކެމްޕޭނަށް 2.8 މިލިއަން ރުފިޔާ ހަރަދުކޮށްފަ އެވެ.

ސެޕްޓެމްބަރު 1، 2023، ގައި މުއިއްޒުގެ ކެމްޕޭނަށް ސަލާހު ހަރަދުކުރީ ކެމްޕޭނު ދަތުރުތަކާއި، ހުރުމާއި، ކެޔުމުގެ ހަރަދު ހަމަޖެއްސުމުގެ އިތުރުން ކެމްޕޭން މެޓީރިއަލްސް ހެދުމަށެވެ. މިފްކޯގެ ބޯޑަށް ސަލާހު އައްޔަންކުރީ ޑިސެމްބަރު 12، 2023، ގަ އެވެ.

މިކަމާއި ގުޅިގެން އަދަދު އިން ސަލާހު އާއި ސުވާލު ކުރުމުން އޭނާ ވަނީ އޮޑިޓު ރިޕޯޓުގައި ހުރި މައުލޫމާތުތައް ދޮގުކުރައްވައިފަ އެވެ. އޭނާގެ ކުންފުނިން އާންމު ބީލަމުގެ އުސޫލުން ބޭރުން ފެނަކައާއެކު އެއްވެސް އެއްބަސްވުމެއްގައި ސޮއިކޮށްފައި ނުވާނެ ކަމަށް ސަލާހު ވިދާޅުވި އެވެ.

"އެއީ ހަމަ ކަނޑައެޅިގެން ދޮގު. ފެނަކަ ތެރެއިން އެ މައުލޫމާތު ހޯދީމަ ރަނގަޅުވާނެ،" ސަލާހު ވިދާޅުވި އެވެ.

މުއިއްޒުގެ ކެމްޕޭނަށް ހަދިޔާކުރީ ފެނަކައިން ލިބުނު ފައިސާތޯ އެހުމުން އޭނާ ވިދާޅުވީ އެއީ އަދަދު ނޫހަށް ސާފުކޮށްދޭން ޖެހޭ ކަމެއް ނޫން ކަމަށެވެ.

"އެ ދެން ތިބޭފުޅުން ބަލާކަށް ނުޖެހޭނެ. އަޅުގަނޑަކީ ވިޔަފާރި ކުރާ މީހެއް ވީމަ އަޅުގަނޑު އަތުގަ ވެސް ފައިސާ ހުންނާނެ. ތިޔަކަށް އަޅުގަނޑު ކޮންމެހެން ޖަވާބު ދޭކަށް ނުޖެހޭނެ. އަޅުގަނޑަކީ 2013 ވަނަ އަހަރުން ފެށިގެން ވިޔަފާރި ކުރާ މީހެއް،" ސަލާހު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox