ހުލާސާކޮށް އިއްޔެ: ބަޖެޓު ތަންފީޒުނުކޮށް ހަރަދު ކުޑަކުރުން

Sep 24, 2025, 1:22 AM
ފިނޭންސް މިނިސްޓަރު ޒަމީރު އަދި އެ މިނިސްޓްރީގެ ބައެއް ވެރިން ރައްޔިތުންގެ މަޖިލީހުގައި. -- ފޮޓޯ: މަޖިލީހުގެ އިދާރާ

ފިނޭންސް މިނިސްޓަރު ޒަމީރު އަދި އެ މިނިސްޓްރީގެ ބައެއް ވެރިން ރައްޔިތުންގެ މަޖިލީހުގައި. -- ފޮޓޯ: މަޖިލީހުގެ އިދާރާ

މި އަހަރަށް ފާސްކުރި ބަޖެޓުގައި ހަރަދުތައް ކުޑަކޮށް، އާމްދަނީ އިތުރުކުރަން އަޅަން ބުނި ފިޔަވަޅުތައް ނާޅައި ބަޖެޓުގައި ހިމެނި ގޮތަށް މަޝްރޫއުތަކަށް ހަރަދު ނުކޮށް ތިބެ، ކުރީ އަހަރަށް ވުރެ ހަރަދުތައް ކުޑަކުރެވިއްޖެ ކަމަށް އިއްޔެ ފިނޭންސް މިނިސްޓްރީން ބުންޏެވެ.

ފިނޭންސުން އެ ބުނާ ގޮތަށް އެންމެ ފަހުން ނެރުނު ވީކްލީ ފިސްކަލް ޑިވެލޮޕްމަންޓު ރިޕޯޓުގެ މުއްދަތާއި މިދިޔަ އަހަރުގެ އެ މުއްދަތާ އަޅައިބަލާއިއިރު، ހަރަދުތައް ވަނީ 15 ޕަސެންޓު ދަށްކޮށްފަ އެވެ. އެންމެ ބޮޑަށް ދަށްވީ ކެޕިޓަލް ހަރަދަށް ކުރި ހޭދަ އެވެ. ކެޕިޓަލް ހަރަދު ވަނީ 57 ޕަސެންޓު ދަށްވެފަ އެވެ.

އަހަރުން އަހަރަށް ހަރަދު ކުޑަކުރެވުނު ކަމަށް ދައްކާ މައިގަނޑު ސަބަބަކީ، މި އަހަރުގެ ބަޖެޓުގައި ރޭވި ގޮތަށް ކެޕިޓަލް ހަރަދުތައް ކުރުން މަޑުޖައްސާލާފައި އޮތުމެވެ. އަހަރުގެ މިހާތަނަށް ކެޕިޓަލް ހަރަދުގެ ގޮތުގައި 3.5 ބިލިއަން ރުފިޔާ ހަރަދުކޮށްފައި ވާއިރު، މިދިޔަ އަހަރު ހަމަ މި މުއްދަތުގެ ތެރޭގައި އަށް ބިލިއަނަށް ވުރެ ގިނަ ރުފިޔާ ހަރަދުކުރި އެވެ.

ކެޕިޓަލް ބަޖެޓުން ހަރަދު ނުކުރި ނަމަވެސް ސަރުކާރުން ބުނަނީ މަޝްރޫއުތައް ހިންގަމުން އަންނަ ކަމަށެވެ. ނަމަވެސް ގިނަ ރަށްރަށުގެ މީހުން ބުނަނީ އެ ރަށްރަށުގައި ފަށާފައި ހުރި ގިނަ މަޝްރޫއުތަކުގެ އެއްވެސް މަސައްކަތެއް ކުރިއަށް ނުދާ ކަމަށެވެ

ބަޖެޓުން ހަރަދު ނުކޮށް، ސަރުކާރުން ވަނީ ޕްރޮޖެކްޓުތައް ހަވާލުކުރާ ގޮތް ވެސް ބަދަލުކޮށްފަ އެވެ. މިހާރު ސަރުކާރުން ގިނަ މަޝްރޫއުތައް ހަވާލުކުރަނީ ސަރުކާރު ހިއްސާވާ ކުންފުނިތަކަށެވެ. މިއީ ބަޖެޓުން ހަރަދުނުކޮށް، މަޝްރޫއުތައް ހިންގުމުގެ މާލީ ބުރަ އެ ކުންފުނިތަކުން އުފުލާ ގޮތަށް ހަވާލުކުރާ މަޝްރޫއުތަކެކެވެ.

ކެޕިޓަލް ހަރަދުތަކާ އެކުއެކީ ބައެއް ރިކަރަންޓު ހަރަދުތައް ކުޑަކުރެވުނު ނަމަވެސް، މުސާރަ އާއި އެލަވަންސްތަކަށް ކުރާ ހަރަދު ވަނީ ކުރީ އަހަރަށް ވުރެ ބައި ބިލިއަން ރުފިޔާ އިތުރުވެފަ އެވެ. މި ވަރުގެ އިތުރުވުމެއް އައިއިރު، މި އަހަރުގެ ތެރޭގައި ބޮޑުކުރަން ބުނި އެއްވެސް މުސާރައެއް ވެސް ބޮޑުނުކުރެ އެވެ. އަދި ބަޖެޓު ކުރި ގޮތަށް ޕޭ ހާމަނައިޒޭޝަން މަސައްކަތް ވެސް ކުރިއަށްދާ ކަމެއް ނޭނގެ އެވެ.

ސަރުކާރުގެ ބަޖެޓު ކުރުން ގޯސްކަމުން، މި އަހަރު ދަރަނި ދައްކަން ބަޖެޓު ކުރި އަދަދު ހުސްވެ، މިހާރު ހަރަދުކުރަމުން ދަނީ ބަޖެޓަށް ވުރެ މަތިންނެވެ. އެ ގޮތުން މިދިޔަ ހަފުތާގެ ނިޔަލަށް ދަރަނި ދައްކަން 4.3 ބިލިއަން ރުފިޔާ ހަރަދުކުރިއިރު، މި އަހަރަށް ބަޖެޓު ކުރީ 3.8 ބިލިއަން ރުފިޔާ އެވެ. ފިނޭންސުން ބުނީ މި އިތުރުވުމަކީ ކުރިން ނަގާފައި ހުރި ލޯނުތަކަށް އިންޓްރެސްޓަށް ކުރި ހަރަދު އިތުރުވުން ކަމަށެވެ.

މި އަހަރު އާމްދަނީގެ ގޮތުގައި 27.3 ބިލިއަން ރުފިޔާ ލިބުނުއިރު، ހަރަދުކުރީ 26.2 ބިލިއަން ރުފިޔާ އެވެ. އެންމެ ފަހު ހަފުތާ ނިމުނުއިރު ބަޖެޓު ވަނީ 741.2 މިލިއަން ރުފިޔާ ސާޕްލަސްވެފަ އެވެ.

މުހިއްމު ބައެއް ހަބަރު

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox