ސޮއިކުރިތާ 20 މަސް ފާއިތުވީއިރު ހުޅުމާލޭ ކޮމާޝަލް ސްޕައިންގެ އެއް 'ބަދަ' ވެސް ނުބޭއްވޭ

ހުޅުމާލޭ އާބަން އައިލް ތަރައްގީކުރަން ގެންގުޅޭ ޕްލޭނުގެ ކުރެހުމެއް: ފައިނޭންޝަލް ސެންޓަރު ވެސް ހުންނާނެ ކަމަށް ބުނަނީ މި ތަނުގައި -- ފޮޓޯ: އެޗްޑީސީ

ހުޅުމާލޭ އާބަން އައިލް ތަރައްގީކުރަން ގެންގުޅޭ ޕްލޭނުގެ ކުރެހުމެއް: ފައިނޭންޝަލް ސެންޓަރު ވެސް ހުންނާނެ ކަމަށް ބުނަނީ މި ތަނުގައި -- ފޮޓޯ: އެޗްޑީސީ

ރާއްޖޭގެ އެންމެ ބޮޑު ވިޔަފާރި ސަރަހައްދު ތަރައްގީކުރަން ހުޅުމާލޭ އާބަން އައިލްގައި ހިންގާ "ކޮމާޝަލް ސްޕައިން" ޕްރޮޖެކްޓު ޗައިނާ ކުންފުންޏަކާ ހަވާލުކޮށް، އެޑްވާންސަށް އެތައް މިލިއަން ފައިސާއެއް ދިިންތާ އެތަކެއް މަސްތަކެއް ވޭތުވެގެން ދިޔަ އިރު އަދިވެސް މަސައްކަތެއް ނުފަށާ ކަމަށް އަދަދު އަށް މައުލޫމާތު ލިބިއްޖެ އެވެ.

ގާތްގަނޑަކަށް 50 މިލިއަން ޑޮލަރު (771 މިލިއަން ރުފިޔާ) ގައި އަގުކުރެވިފައިވާ މި ޕްރޮޖެކްޓު ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ހަވާލުކުރީ ޗައިނާގެ "ހުނާން ނަމްބާ ސިކްސް އިންޖިނިއަރިން ކޯޕަރޭޝަން ލިމިޓެޑް" އާ އެވެ.

އެ ކުންފުންޏާ މި މަސައްކަތް ހަވާލުކުރީ މިދިޔަ އަހަރުގެ ޖެނުއަރީގައި ރައީސް މުހައްމަދު މުއިއްޒު ޗައިނާއަށް ކުރެއްވި ރަސްމީ ދަތުރުގެ ތެރެއިން ބޭއްވި އިންވެސްޓުމަންޓު ފޯރަމްގެ ތެރެއިންނެވެ.

Advertisement

އެޗްޑީސީން ވަނީ މަސައްކަތް ފަށަން ޗައިނާ ކުންފުންޏަށް އެޑްވާންސްގެ ގޮތުގައި މަޝްރޫއުގެ ޖުމްލަ އަގުގެ 15 ޕަސެންޓު، އެއީ 7.6 މިލިއަން ޑޮލަރު (117 މިލިއަން ރުފިޔާ) ދޫކޮށްފަ އެވެ. ޕްރޮޖެކްޓަށް ބޭނުންވާ ބާކީ 42.4 މިލިއަން ޑޮލަރު (653 މިލިއަން ރުފިޔާ) ހޯދަން ޖެހެނީ ޗައިނާ ކުންފުނިންނެވެ.

މި ފައިސާ އެޗްޑީސީން ޗަައިނާ ކުންފުންޏަށް ދައްކަން ޖެހެނީ މަސައްކަތް އެއްކޮށް ނިންމާ ތަން ހަވާލުކުރީމަ އެވެ. މި މަސައްކަތް ނިންމަން ޗައިނާ ކުންފުންޏަށް ދިނީ ދެ އަހަރު ދުވަހެވެ. މިދިޔަ އަހަރު އެޗްޑީސީން ބުނީ ކޮންޓްރެކްޓަރަށް ފައިސާ ހަމަޖެހުމުން މަސައްކަތް ފެށޭނެ ކަމަށެވެ. އިތުރު ތަފުސީލެއް ނުދެ އެވެ.

އޭގެ ފަހުން މަސްތަކެއް ވޭތުވެގެން ދިޔަ އިރު ވެސް، އިމާރާތްތައް އެޅުމުގެ މަސައްކަތް ނުފެށޭ ސަބަބު ސާފުކުރަން މި ނޫހުން އެޗްޑީސީގެ މީޑިއާ އޮފިޝަލަކާ ސުވާލުކުރުމުން އޭނާ ބުނީ މިއަދު މެންދުރު ފަހުގެ ވަގުތެއްގައި ޕްރޮޖެކްޓުގެ އަދާހަމަ ހިއްސާކުރާނެ ކަމަށެވެ.

އެޗްޑީސީން މިކަން ކަށަވަރުކޮށް ނުދިނުމުން، މި ސަރަހައްދުގައި އެއްވެސް މަސައްކަތެއް ކުރިތޯ ބަލަން އަދަދު އިން ވާނީ ހުޅުމާލެ ފެންނަ އެންމެ ފަހުގެ ސެޓެލައިޓް ފޮޓޯތައް ވެސް ބަލާފަ އެވެ. އެ ސަރަހައްދުގައި އިމާރާތްކުރުމުގެ މަސައްކަތެއް ހިނގާ މަންޒަރެއް ނުފެނެ އެވެ.

ގާތްގަނޑަކަށް 9500 އަކަމީޓަރުގެ ސަރަހައްދެއްގައި ތަރައްގީކުރާ ކޮމާޝަލް ސްޕައިންގައި ތިން ފަންގިފިލާގެ ހަތް އިމާރާތް ހުންނާނެ އެވެ. ވިޔަފާރިތަކާއި މުނިފޫހިފިލުވާ ތަންތަނާއި ރެސްޓޯރަންޓުތަކުގެ އިތުރުން ބްރޭންޑް އައުޓްލެޓުތަކާއި ވެލްނަސް ސެންޓަރަކަށް ހާއްސަ ޖާގަތައް ހިމެނޭހެން، މި އިމާރާތްތަކުގައި 30 ވިޔަފާރި އައުޓްލެޓު ހުންނާނެ ކަަމަށް އެޗްޑީސީއިން ބުނެފައި ވެ އެވެ.

މި ތަނުގައި އިމާރާތްކުރާ ތަންތަން ހުންނާނީ މައިބަދަ (ސްޕައިން) އެއް ގޮތަށް ގުޅިލާމެހިފަ އެވެ. އެ ސަރަހައްދަށް ކޮމާޝަލް ސްޕައިންގެ ނަން ދީފައި ވަނީ އެ ކޮންސެޕްޓަށް އިމާރާތްތައް ތަރައްގީކުރާތީ އެވެ.

ސަރުކާރުން ބުނާ ގޮތުގައި މި މަސައްކަތް ނިމުމުން މި ސަރަހައްދު ވެގެންދާނީ މިހާތަނަށް ރާއްޖޭގައި ތަރަައްގީކުރެވޭ އެންމެ ބޮޑު ވިޔަފާރީގެ ސަރަހައްދަށެވެ. މިއާއެކީ ހުޅުމާލޭގައި ދިރިއުޅޭ މީހުންގެ އިތުރުން އާބަން އައިލްއަށް އަންނަ ޓޫރިސްޓުންނަށް ގިނަ ހިދުމަތްތަކެއް ފޯރުކޮށްދެވޭނެ ކަމަށް ވެސް ސަރުކާރުން ބުނެފައިވެ އެވެ.

ސަރުކާރުން މިހެން ބުނި ނަމަވެސް، މި ތަނުގައި އެ މަސައްކަތް ހަވާލުކުރި ފަހުން ގަތަރުގެ އެމްބީއެސް އިންވެސްޓްމަންޓްސް ކިޔާ ބަޔަކާ ވަނީ އާބަން އައިލްގައި ބޮޑު ފައިނޭންޝަލް ސެންޓަރެއް އަޅަން ހަވާލުކޮށްފަ އެވެ. އަށް ބިލިއަން ޑޮލަރުގެ ބޮޑު އިންވެސްޓްމަންޓެއް ކަމަށް ބުނާ، މި ސެންޓަރުގެ ބިންގާ އެޅުން ފިޔަވައި އިތުރު މަސައްކަތެއް ނުކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox