ދޮޅު އަހަރު ފަހުން ވެސް މުއިއްޒު ވިދާޅުވީ ފީއައްޔަށް ބޮޑު ހިލަ ގެންދަން މަސައްކަތް ކުރަމުންދާ ކަމަށް

ފީއަލީ ރައްޔިތުންނާއި މުހާތަބުކޮށް ރައީސް މުއިއްޒު ރޭ ވާހަކަދައްކަވަނީ: ދޮޅު އަހަރު ފަހުން ވެސް މުއިއްޒު ވިދާޅުވީ ފީއައްޔަށް ބޮޑު ހިލަ ގެންދަން މަސައްކަތް ކުރަމުންދާ ކަމަށް --- ފޮޓޯ: ރައީސް އޮފީސް

ފީއަލީ ރައްޔިތުންނާއި މުހާތަބުކޮށް ރައީސް މުއިއްޒު ރޭ ވާހަކަދައްކަވަނީ: ދޮޅު އަހަރު ފަހުން ވެސް މުއިއްޒު ވިދާޅުވީ ފީއައްޔަށް ބޮޑު ހިލަ ގެންދަން މަސައްކަތް ކުރަމުންދާ ކަމަށް --- ފޮޓޯ: ރައީސް އޮފީސް

މީގެ ދޮޅު އަހަރު ކުރިން ރައީސްގެ ޖަވާބު ޕްރޮގްރާމުގައި ފ. ފީއަލީގެ ހިއްކި ބިން ހިމާޔަތްކުރަން ބޮޑު ހިލަ ގެންދަން ސަރުކާރުން މަސައްކަތް ކުރަމުންދާ ވާހަކަ ރައީސް މުހައްމަދު މުއިއްޒު އަނެއްކާ ވެސް ތަކުރާރު ކުރައްވައިފި އެވެ.

އަތޮޅު ތެރެއަށް ކުރައްވަމުން ގެންދަވާ ދަތުރުގެ ތެރެއިން ފީއައްޔަށް ވަޑައިގެން ވާހަކަ ދައްކަވަމުން މުއިއްޒު ރޭ ވިދާޅުވީ، އެކި މަޝްރޫއުތަކަށް ގެންނަން ޖެހޭ ބޮޑު ހިލަ ގެނައުމުގެ މަސައްކަތް ސަރުކާރުން ކުރަމުންދާ ކަމަށާއި އެ ރަށަށް ބޭނުންވާ ޝިޕްމަންޓު ވަރަށް އަވަހަށް ގެނެވޭނެ ކަމަށެވެ.

"ބޮޑު ހިލަ ހޯދުމުގަ އަޅުގަނޑުމެންނަށް ޖުމްލަކޮށް މުޅި ރާއްޖޭގަ ވެސް ގިނަ މަޝްރޫއުތަކަކަށް ބޮޑު ހިލައިގެ ޝިޕްމަންޓު ގެންނަން ޖެހި އެކަމުގަ މަސައްކަތްތަކެއް ކުރަން ޖެހިގެން ލަސްތަކެއްވީ. ނަމަވެސް އެ މައްސަލަތައް ހައްލުކުރެވި އެކި ދިމަދިމާލަށް، ބޮޑު ހިލަ ބޭނުންވާ އެކި ދިމަ ދިމާލަށް ގެންދިއުމުގެ މަސައްކަތް ވަނީ ފެށިފަ. އެހެންވީމަ، މި ރަށަށް ވެސް ވަރަށް އަވަހަށް އަންނާނެ،" މުއިއްޒު ވިދާޅުވި އެވެ.

އެ ރަށުގެ ބިން ހިއްކުމުގެ މަސައްކަތް ނުނިމި ލަސްވަނީ މިހެންވެ ކަމަށާއި ރިޔާސީ ވައުދާ އެއްގޮތަށް އެ ރަށަށް އިތުރު ކުރެވޭ 15 ހެކްޓަރުގެ ބިމުގެ މަސައްކަތް މި އަހަރު ތެރޭ ފެށި ނިމޭނެ ކަމަށް ވެސް އެމަނިކުފާނު ވިދާޅުވި އެވެ.

މިދިޔަ އަހަރުގެ ކުރީކޮޅު ރައީސް އޮފީހުން ގެނެސްދިން ރައީސްގެ ޖަވާބު ޕްރޮގްރާމުގެ ތެރެއިން ފީއަލީ ބިން ހިއްކުމުގެ މަޝްރޫއާއި ގުޅިގެން މުއިއްޒު ދެއްވި ޖަވާބުގައި ވެސް ފާހަގަކުރެއްވީ ހަމަ މި ވާހަކަ އެވެ. ފީއަލީގެ ތަރައްގީގެ މަޝްރޫއުތައް ލަސްވާ ސަބަބު ސާފުކުރުމަށް އާންމުންގެ މީހަކު ކުރި ސުވާލަކަށް ވީޑިއޯ މެދުވެރިކޮށް މުއިއްޒު ޖަވާބު ދެއްވީ ފެބްރުއަރީ 16، 2024، ގަ އެވެ.

"އެ މަސައްކަތް ވަރަށް އަވަސްކޮށްދޭން އަޅުގަނޑު ދަންނަވާފައިވާނެ. އުންމީދުކުރަނީ މާ ލަސްތަކެއް ނުވެ، ބޮޑު ހިލަ ގެންދެވި، ބޮޑު ހިލަ ޖަހާއިރުގައި ތި ވިދާޅުވި ގިރައިގެން ގޮސްފައި އޮތް ސަރަހައްދާ އެކީގައި ރަނގަޅަށް ނުހިކި އޮތް ސަރަހައްދާ އެއްކޮށް ކޮމްޕްލީޓު ކުރާނަން،" އެ ދުވަހު މުއިއްޒު ވިދާޅުވި އެވެ.

ބޮޑު ހިލަ ގެނައުމުގައި ދަތިތަކެއް އުޅޭ ކަމަށާއި އެކަމުގެ ސަބަބުން ތަރައްގީގެ މަޝްރޫއުތައް މަޑުޖެހޭ ކަމަށް މަޑު ޖެހޭ ކަމަށް މި އަހަރުގެ ޖެނުއަރީ މަހު ވެސް މުއިއްޒު ފާހަގަކުރެއްވި އެވެ. އަދި، އެކަމަށް ހައްލު ގެނައުމަށް ސަރުކާރުން މިހާރު ގަނޑުކޮށް ބޮޑު ހިލަ ގަންނަން ނިންމާފައިވާކަން އިއުލާނު ކުރެއްވި އެވެ.

މަޝްރޫއުތައް ކުރިއަށް ގެންދާ ކުންފުނިތަކާއި ބައްދަލުކޮށް މަޝްރޫއުތަކަށް ބޭނުންވާ ތަކެތި ހޯދުމަށް ގޮތްތަކެއް ރާވާފައިވާ ކަމަށާއި އެންމެ ބޮޑަށް ނުލިބިގެން އުޅޭ ބޮޑު ހިލަ ގަނޑުކޮށް ގަތުމަށް ވެސް ނިންމާފައިވާ ކަމަށް ވެސް އޭރު މުއިއްޒު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox