ކްލަބް މޯލްޑިވްސް ކްލަސިކް: ބަދަހި، ބީސީސީ އަދި ހުޅުމާލެ ހޮސްޕިޓަލް ދެ ވަނަ ބުރަށް

Sep 19, 2025, 8:28 AM
ކްލަބް މޯލްޑިވްސް ކްލަސިކް: ބަދަހި، ބީސީސީ އަދި ހުޅުމާލެ ހޮސްޕިޓަލް ދެ ވަނަ ބުރަށް

ކްލަބް މޯލްޑިވްސް ކްލަސިކްގައި ރޭ ކުޅުނު މެޗުތަކުން މޮޅުވެ، ޓީމު ބަދަހި، ކްލަބް ބީސީސީ އަދި ހުޅުމާލެ ހޮސްޕިޓަލުން ދެ ވަަނަ ބުރުގެ ޖާގައެއް ޔަގީންކޮށްފި އެވެ.

މި ތިން ޓީމުގެ އިތުރުން، ޓްރާންސްޕޯޓް ރެކްރިއޭޝަން ކްލަބުން ވެސް ވަނީ ގަދަ 16 ޓީމުގެ ބުރުގެ ޖާގައެއް ހޯދައިފަ އެވެ.

ގްރޫޕް ސީގައި ރޭ ޓީމު ބަދަހިން ކުޅުނު މެޗުގައި ވަނީ ފިޝަރީސް ރެކްރިއޭޝަން ކްލަބް އަތުން 5-0 އިން މޮޅުވެފަ އެވެ. ދެ މެޗުން ބަދަހި އަށް ހަ ޕޮއިންޓް ލިބިފައިވާއިރު، ގްރޫޕްގައި ދެން އެ ޓީމަށް އޮތީ ދެ މެޗުން ބަލިވެ، ފުލުގައި އޮތް ދިވަރުއާ ދެކޮޅަށް ކުޅޭ މެޗެވެ. ގްރޫޕްގެ ދެ ވަނައިގައި އޮތީ ދިވަރު އަތުން 9-0 އިން މޮޅުވި ފެހިފަހި ކްލަބް އެވެ. މި ވަގުތު ދެ ވަނައިގައި އޮތް ފެހި ފަހި ކްލަބާއި ފިޝަރީސުން މި ގްރޫޕްގައި ބާކީ އޮތް ދެ ވަނަ ބުރުގެ ޖާގައަށް ވާދަކުރާނެ އެވެ.

ފިޝަރީސް ކޮޅަށް ރޭގެ މެޗުގައި، ބަދަހި ޓީމުން ލަނޑުތައް ޖެހީ، އަހުޒަމް ރަޝީދު (އަހު) އާއި އަލީ ރިޒްވީން، ކޮންމެ ކުޅުންތެރިއަކު ދެ ގޯލުގެ އިތުރުން، ޒާދު މުހައްމަދު ހާލިދު އެވެ. އަދި، ދިވަރު ކޮޅަށް ފެހި ފަހީގެ ލަނޑުތައް ޖެހީ، އަހުމަދު ފާތިން (އަންމު) ހަތަރު ގޯލާއި އަބްދުލް ގާދިރު ހުސެއިން ދެ ގޯލާއި އިމްތިޝާލް އަބްދުލް ރަހީމް (ޕަބް)، އަބްދުﷲ އަބްދުލް ކަރީމް އަދި މައުމާން އަބްދުލް ރަޝީދު ގޯލެކެވެ.

ގްރޫޕް ޑީގެ ސެމީގެ ދެ ޖާގަ ވެސް ވަނީ ޔަގީންވެފަ އެވެ. ހުޅުމާލެ ހޮސްޕިޓަލާއި ބީސީސީން ވަނީ ފުރަތަމަ ކުޅުނު ދެ މެޗުން ވެސް މޮޅުވެ ހަ ޕޮއިންޓް ހޯދައިފަ އެވެ. އެ ގްރޫޕްގައި ދެން އޮތް ދާހިލީ އާއި ޓްރޭޑް ކްލަބަށް އަދި ޕޮއިންޓެއް ލިބިފައިނުވެ އެވެ.

ބީސީސީން ރޭ 6-1 އިން ޓްރޭޑް ކްލަބް ބަލިކުރިއިރު، ލަނޑުތައް ޖެހީ، މުހައްމަދު ނިހާލް ނަޝީދު ހެޓްރިކެއްގެ އިތުރުން، މުހައްމަދު އީމާން އަހުމަދު އާއި އަބްދުލް ރަހުމާން ސާމީ އަބްދުލް ރަހީމް އަދި އަލީ ބައްސާމް އެވެ. ޓްރޭޑް ކްލަބްގެ ލަނޑު ޖެހީ، ހަސަން މިފްރާހު އެވެ.

ހުޅުމާލެ ހޮސްޕިޓަލުން 16-2 އިން ދާހިލީ ބަލިކުރިއިރު، މިއީ މި ފަހަރުގެ ކްލަސިކްގައި މިހާތަނަށް އެންމެ ގިނަ ލަނޑު ފެނުނު މެޗެެވެ. ހުޅުމާލެ ހޮސްޕިޓަލްގެ ހަސަން ސޮލާހު (ހައްޓެ) ވަނީ ހަތް ލަނޑު ޖަހައިފަ އެވެ. އަނެއް ލަނޑުތައް ޖެހީ، މުހައްމަދު ޒައިދު އަލީ އާއި ހުސެއިން ޝާފީ، ކޮންމެ ކުޅުންތެރިއަކު ހެޓްރިކެއްގެ އިތުރުން މުހައްމަދު މާއިސް ދެ ގޯލު އަދި ހަސަން ނާއިފް ގޯލެކެވެ. ދާހިލީގެ ލަނޑުތައް ޖެހީ، އަހުމަދު ޝަފްރާޒް މުހައްމަދު ދެ ގޯލެވެ.

ގްރޫޕް އީގައި ރޭ އެޗްޕީއެސްއެން އިން ވަނީ 6-1 އިން ހެލްތު ރެކްރިއޭޝަން ކްލަބް ބަލިކޮށްފަ އެވެ. އެޗްޕީއެސްއެންގެ ލަނޑުތައް ޖެހީ، މުހައްމަދު ޝިހާމް ހެޓްރިކެއްގެ އިތުރުން އަހުމަދު ޝޫން ދެ ގޯލާއި މުއާވިޔަތު އިބްރާހިމް ގޯލެކެވެ. އަދި، ހެލްތުގެ ލަނޑު ޖެހީ، މުހައްމަދު ޖިނާން އެވެ.

ގްރޫޕް އެފްގައި އެންމެ ފަހުގެ ޗެމްޕިއަން، ކުޅިވަރު ވުޒާރާ ކްލަބުން ވަނީ 3-0 އިން ހާރިޖީ ބަލިކޮށްފަ އެވެ. މި މެޗުގައި އާލިމް އަބްދުލް ގައްޔޫމު ދެ ގޯލު ޖެހިއިރު، އަނެއް ލަނޑު ޖެހީ އަހުމަދު ސާޖިދު އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox