ބެންފީކާގެ ރައީސަކަށް ކުރިމަތިލާ ކެންޑިޑޭޓަކު ވީ ކްލޮޕް ގެންނަން މަސައްކަތްކުރާނެ ކަމުގެ ވައުދެއް

Sep 12, 2025, 8:36 AM
ބެންފީކާގެ ރައީސަކަށް ކުރިމަތިލާ ކެންޑިޑޭޓަކު ވީ ކްލޮޕް ގެންނަން މަސައްކަތްކުރާނެ ކަމުގެ ވައުދެއް

ލިޒްބަން، ޕޯޗުގަލް (ސެޕްޓެމްބަރު 12) - ޕޯޗުގަލްގެ ވަރުގަދަ ފުޓްބޯޅަ ކްލަބް، ބެންފީކާގެ ރައީސަކު ހޮވަން ބާއްވާ އިންތިހާބުގައި ވާދަކުރާ ކެންޑިޑޭޓް، ކްރިސްޓޮވާއޯ ކަވާލިއޯ، އެ ޓީމުގެ ކޯޗަކަށް ލިވަޕޫލާއި ބޮރޫޝިއާ ޑޯޓްމަންޑްގެ ކުރީގެ ކޯޗު ޔާގެން ކްލޮޕް ގެންނަން މަސައްކަތް ކުރާނެ ކަމަށް ބުނެ ވައުދުވެއްޖެ އެވެ.

އަންނަ މަހުގެ 25 ވަނަ ދުވަހު ބާއްވާ ބެންފީކާގެ އާ ހިންގާ ބޯޑުގެ އިންތިހާބުގައި ވާދަކުރާ އެއް ކެންޑިޑޭޓް ކަމަށްވާ ޖޮއާއޯ ނޮރޯނިއާ ލޮޕޭޒް ވަނީ އެ ޓީމުގެ ކުރީގެ ތަރި، މިހާރު މެންޗެސްޓާ ސިޓީގެ ކެޕްޓަންކަން ކުރަމުން އަންނަ ބެނާޑޯ ސިލްވާ އަލުން ބެންފީކާ އަށް ގެންނާނެ ކަމަށް ބުނެ ވައުދުވެފަ އެވެ. އެއާ ވިއްދައި، ކަވާލިއޯ ވަނީ، މިދިޔަ އަހަރު ލިވަޕޫލް ދޫކޮށް، ކޯޗިން އިން ދުރުވެފައިވާ ކްލޮޕް ގެންނަން މަސައްކަތް ކުރާނެ ކަމަށް ބުނެފަ އެވެ.

"އަހަރެން ހޮވިއްޖެނަމަ، ބްރޫނޯ ލާޖް (މިހާރު ހުރި ކޯޗު) މި ސީޒަނުގެ ނިޔަލަށް އޮތް ކޮންޓްރެކްޓަށް ފަހު ނުހުންނާނެ. އަހަރެން ބޭނުންވަނީ އެންމެ މަތީ ފަންތީގެ ކޯޗެއް މި ޓީމުގައި ހުންނަން. ޗެމްޕިއަންސް ލީގު ކާމިޔާބުކޮށްފައިވާ އަދި ބެންފީކާއާ އެކު ޗެމްޕިއަންސް ލީގު ހޯދަން ބޭނުންވާނެ ކޯޗެއް އަހަރެން ބޭނުމީ،" ކަވާލިއޯ ބުންޏެވެ.

Advertisement

"އަހަރެން ސިކުނޑި އަށް އަންނަ ހަމައެކަނި ނަމަކީ ކްލޮޕް. އޭނަ (ކްލޮޕް) ވަނީ އެއް ފަހަރެއްގައި ބުނެފައި. ބެންފީކާ އަކީ ވަރަށް ފުރިހަމަ ކްލަބެކޭ، ކޮންމެ ވެސް ދުވަަހަކުން ކޯޗުކޮށްދޭން ޝައުގުވެރިވާ. އެހެންވީމަ، މި ގޮތަށް ބުނާ މީހެއްގެ ހުންނާނެ އެހެން މީހުންނަށް ވުރެން ބޮޑަށް މިކަން ކުރުމުގެ ޝައުގުވެރިކަން،"

ނުވަ އަހަރަށް ފަހު ލިވަޕޫލް ކޯޗުކަމުން މިދިޔަ އަހަރު ވަކިވި، ކްލޮޕް ވަނީ ފަސް އަހަރުގެ ކޮންޓްރެކްޓެއްގެ ދަށުން މި އަހަރުގެ ޖެނުއަރީ އެއް ވަނަ ދުވަހުން ފެެށިގެން، ރެޑްބުލް ފުޓްބޯލް ގްރޫޕްގެ ގްލޯބަލް ހެޑްގެ މަގާމުގައި މަސައްކަތް ކުރަން ފަށައިފަ އެވެ. ދާދި ފަހުން، އެކި ފޯރަމްތަކުގައި ވާހަކަ ދައްކަމުން ކްލޮޕް ވަނީ ކޯޗިން އަށް އެނބުރި އައުމުގެ ވިސްނުމެއް އަދި ނެތް ކަމަށް ބުނެފަ އެވެ.

ކްލޮޕް ވަނީ، ފީފާ ބެސްޓް އެވޯޑްސްގައި ހޮވި އެންމެ މޮޅު ކޯޗުގެ މަގާމު ދެ ފަހަރެއްގެ މަތިން ހޯދައިފަ އެވެ. ބްރެޒިލްގެ ކޯޗުކަމާއި ރެއާލް މެޑްރިޑްގެ ކޯޗުކަމުގެ އިތުރުން، ރޯމާގެ ކޯޗުކަމާ ކްލޮޕް ހަވާލުވާން އުޅޭ ކަމަށް މީޑިއާގައި މިިދިޔަ އަހަރެއްހާ ދުވަސްތެރޭ އެކި ދުވަސްވަރު ވާހަކަ ދެކެވުނުއިރު، ކްލޮޕްގެ އޭޖެންޓް، މާކް ކޯސިކޭ ވަނީ އެ ވާހަކަތައް ދޮގުކޮށްފަ އެވެ.

މައިންޒް އިން 2001 ވަނަ އަހަރު ކޯޗިން ކެރިއަރު ފެށި ކްލޮޕް، ޑޯޓްމަންޑްގެ ކޯޗުކަމާ ހަވާލުވީ 2008 ވަނަ އަހަރު އެވެ. ޑޯޓްމަންޑްގެ ކޯޗުކަމުން، 2015 ވަނަ އަހަރު މެއި މަހު ވަކިވިއިރު، އެ އަހަރުގެ އޮކްޓޫބަރުގައި ލިވަޕޫލާ ހަވާލުވި އެވެ. އެ ޓީމުގައި ނުވަ އަހަރު ހޭދަކޮށް، މިދިޔަ ސީޒަނަށް ފަހު ލިވަޕޫލް ދޫކޮށްލީ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox