ޓެން ހާގަށް 60 ދުވަހުން އެއް ޕޮއިންޓް، ލެވަކޫސަނުން ހަތް މިލިއަން ޑޮލަރު ދޭން ޖެހުނު

Sep 5, 2025, 3:49 AM
ޓެން ހާގަށް 60 ދުވަހުން އެއް ޕޮއިންޓް، ލެވަކޫސަނުން ހަތް މިލިއަން ޑޮލަރު ދޭން ޖެހުނު

ބާލިން (ސެޕްޓެމްބަރު 5) - އާ ސީޒަން ފަށައިގެން އެންމެ ތިން މެޗަށް ފަހު، ބަޔާ ލެވަކޫސަނުން މި ފަހަރު ގެނައި ކޯޗު އެރިކް ޓެން ހާގް މަގާމުން ވަކިކުރި އެވެ.

ޓެން ހާގް، ލެވަކޫސަންގެ ކޯޗުކަމުގެ، ޒިންމާއާ ހަވާލުވެ ހުރި މުއްދަތުގައި، ޖަރުމަނު ލީގުގައި ކުޅުނު ދެ މެޗުން، އެންމެ ޕޮއިންޓެއް ހޯދިފައިވާއިރު، އޭނާގެ ކޮންޓްރެކްޓް އުވާލުމުގެ ބަދަލެއްގެ ގޮތުގައި ލެވަކޫސަނުން ހަތް މިލިއަން ޑޮލަރު ދޭން ޖެހުނެވެ.

ދެ އަހަރުގެ ކޮންޓްރެކްޓެއްގައި ލެވަކޫސަނާ ހަވާލުވި ޓެން ހާގް، އެ ޓީމަށް ކޯޗުކޮށްދިން ފުރަތަމަ މެޗުގައި ޖަރުމަނު ކަޕްގައި ހަތަރު ވަނަ ޑިވިޝަނުގެ އެސްޖީ އަތުން 4-0 އިން މޮޅުވި އެވެ.

އެކަމަކު، ޖަރުމަނު ލީގުގެ ފުރަތަމަ މެޗުގައި، ޓެން ހާގް ވަނީ ލެވަކޫސަނާ އެކު ބަލިވެފަ އެވެ. އެއީ، އަމިއްލަ ދަނޑުގައި ހޮފެންހައިމް އަތުން 1-0 އިންނެވެ. އަދި، ދެ ވަނަ މެޗުގައި ދެ ގޯލުގެ ލީޑެއް ގެއްލި، 3-3 އިން ވާޑާ ބްރެމަންއާ އެއްވަރުވީ އެވެ. ބްރެމަން ކުޅުނީ އެއް ކުޅުންތެރިއަކު މަދުކޮށެވެ.

ލެވަކޫސަނުން ޓެން ހާގް ވަކިކުރިއިރު، މިދިޔަ އަހަރުގެ ނޮވެމްބަރު މަހު، މެންޗެސްޓާ ޔުނައިޓެޑްގެ ކޯޗުކަމުން ވަކިކުރި ފަހުން ޓެން ހާގް ހުރީ ޓީމަކާ ހަވާލުނުވެ އެވެ.

ލެވަކޫސަންގެ ވަޒީފާ ގެއްލުމާ އެކު، ޓެން ހާގަށް މި ވަނީ، 10 މަސް ދުވަހުގެ ތެރޭގައި ދެ ވަޒީފާ ގެއްލިފަ އެވެ. ޓެން ހާގް ވަކިކުރަން ޔުނައިޓެޑުން 20 މިލިއަން ޑޮލަރުގެ ހޭދައެއް ކުރަން ޖެހުނެވެ. އެއީ، އޭނާ އާއި ކޯޗިން ސްޓާފުންގެ ކޮންޓްރެކްޓް މުއްދަތުގެ ބާކީ ބަޔަށް ދައްކަން ޖެހުނު ފީ ހަމަޖައްސައިދިނުމުގެ ގޮތުންނެވެ.

ދެ އަހަރުގެ ކޮންޓްރެކްޓެއްގައި ލެވަކޫސަނަށް ގެނައި ޓެން ހާގް ދޫކޮށްލަން އެ ކްލަބުން ނިންމިއިރު، އެ ޓީމުގެ އޮފިޝަލަކު ޖަރުމަނު މީޑިއާގައި ބުނެފައިވަނީ، ޓެން ހާގަކީ އެ ކްލަބަށް އައި އެންމެ ދަށް ކޯޗު ކަމަށާއި އޭނާއާ ޓީމު ހަވާލުކުރަން ނިންމި ނިންމުމަކީ ހެދުނު ގޯހެއް ކަމަށެވެ. ލެވަކޫސަނުން ޓެން ހާގް ވަކިކުރަން ހަތް މިލިއަނެއްހާ ޑޮލަރު ދޭން ޖެހުނީ ކޮންޓްރެކްޓްގެ ބާކީ މުއްދަތުގެ ބަދަލެއްގެ ގޮތުގަ އެވެ.

ބަޔާން މިއުނިކްގެ އެސިސްޓަންޓް ކޯޗުކަން ކުރިންކޮށްފައިވާ ޓެން ހާގް ވެސް ވަނީ އޭނާގެ ދިފާއުގައި ބަޔާނެއް ނެރެފަ އެވެ. ޓެން ހާގް ބުނީ، މިދިޔަ ސީޒަންތަކުގައި ލެވަކޫސަނަށް ކުޅުނު ރަނގަޅު ގިނަ ކުޅުންތެރިންތަކެއް އެ ކްލަބް ދޫކޮށް ދިއުމުން އާ ޓީމެއް އެކުލަވާލުމުގައި އޭނާ އަށް އެކަށީގެންވާ ވަގުތު ލެވަކޫސަނުން ދީފައިނުވާ ކަމަށެވެ. އަދި، އޭނާ އަކީ، ހަވާލުވި ކޮންމެ ޓީމެއްގައި ވެސް ކާމިޔާބު ހޯދާފައިވާ ކޯޗެއްކަން ރެކޯޑްތަކުން ފެންނަން އެބަހުރި ކަމަށާއި ލެވަކޫސަނުން އަވަސް އަރުވާލައިފައި، އެއްވެސް އަސާސެއް ނެތި އޭނާ މަގާމުން ދުރުކުރަން ނިންމި ނިންމުމާ މެދު ހިތާމަކުރާ ކަމަށް ޓެން ހާގް ވަނީ ބުނެފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox