ފުލަމްއާ އެއްވަރުވެ ޔުނައިޓެޑްގެ އުނދަގޫ ފެށުން ދިގުލައިފި

Aug 24, 2025, 6:36 PM
ފުލަމްއާ އެއްވަރުވެ ޔުނައިޓެޑްގެ އުނދަގޫ ފެށުން ދިގުލައިފި

ލަންޑަން (އޮގަސްޓް 24) - އިނގިރޭސި ޕްރިމިއާ ލީގުގައި ފުލަމްއާ 1-1 އިން އެއްވަރުވެ، އާ ސީޒަނުގައި ލީގުގައި ކުޅުނު ދެ މެޗުން ވެސް މޮޅެއް ނުލިބި މެންޗެސްޓާ ޔުނައިޓެޑްގެ އުނދަގޫ ފެށުން ދިގުލައިފި އެވެ.

އާ ސީޒަނުގެ ފުރަތަމަ މެޗުގައި، ޔުނައިޓެޑް ވަނީ އަމިއްލަ ދަނޑުގައި އާސެނަލް އަތުން 1-0 އިން ބަލިވެފަ އެވެ. މިދިޔަ ސީޒަނުގެ 15 ވަނައިގައި ލީގު ނިންމި ޔުނައިޓެޑް، މި ފަހަރުގެ ލީގު ސީޒަން ފަށައިގެން ފުރަތަމަ ދެ މެޗު ނިމުނުއިރު އޮތީ އެއް ދަރަޖަ ފަހަތުގަ އެވެ.

ފުލަމްގެ ދަނޑު ކްރޭވަން ކޮޓޭޖްގައި ކުޅުނު މެޗު ފަށައިގެން ފުރަތަމަ ހާފުގައި ޔުނައިޓެޑަށް ލީޑުނަގަން ރަނުގެ ފުރުސަތެއް ލިބުނެވެ. މެޗުގެ 38 ވަނަ މިނިޓްގައި ޔުނައިޓެޑްގެ ކެޕްޓަން، ބްރޫނޯ ފެނާންޑޭސް ޖެހި ޕެނަލްޓީ ދިޔައީ ހުރަސްދަނޑިމަތިންނެވެ. މިއީ، ފުލަމްގެ ޑިފެންޑަރު، ކަލްވިން ބަސީ އޭރިއާތެރެއިން ޔުނައިޓެޑްގެ މޭސަން މައުންޓަށް ކުރި ފައުލަކަށް ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިފައި، ދިން ޕެނަލްޓީ އެކެވެ. މިއީ، 2023 ވަަަނަ އަހަރުގެ ޑިސެމްބަރު ފަހުން ފެނާންޑޭސް އަތުން ނާކާމިޔާބުވި ފުރަތަމަ ޕެނަލްޓީ އެވެ.

Advertisement

ދެ ވަނަ ހާފުގައި ކުޅެން ނުކުމެ، ޔުނައިޓެޑުން ވަނީ 58 ވަނަ މިނިޓްގައި ގޯލެއް ޖަހައިފަ އެެވެ. މިއީ، ޔުނައިޓެޑްގެ ބްރަޔާން އެމްބުއޭމޯ ނެގި ކޯނަރަކުން އެ ޓީމުގެ ލެނީ ޔޯރޯ ފޮނުވާލި ބޯޅައެއް ފުލަމްގެ ރޮޑްރީގޯ މުނީޒް އަތުން ބައިކޮޅަށް ވަން ގޯލެކެވެ.

ފުލަމް އިން އެއްވަރުކުރީ މެޗުގެ 73 ވަނަ މިނިޓްގައި އަލެކްސް އިވޯބީ ދިން ބޯޅައަކުން އެމީލް ސްމިތު ރޯވް ޖެހި ގޯލުންނެވެ.

ބަަދަލުތަކެއް ގެނެސްގެން ޔުނައިޓެޑުން ގޯލެއް ޖެހޭތޯ މަސައްކަތްކުރިއިރު، އެ ޓީމަށް ލިބުނު ކޯނަރަކުން އެމްބުއޭމޯ ނެގި ބޯޅައެއް ހެރީ މެގުއާ ބޮލުން ފޮނުވާލި ނަމަވެސް ދިޔައީ ދަނޑިކައިރިން ބޭރުންނެވެ.

ޔުނައިޓެޑްގެ ކޯޗު ރުބެން އަމޮރިމް ބުނީ މެޗު ފަށައިގެން ދެއްކި ކުޅުމަށް ބަލާއިރު، ޔުނައިޓެޑަށް މި މެޗުން މޮޅެއް ލިބެންޖެހޭނެ ކަމަށެވެ. އެކަމަކު، މެޗު ނިމެން ދިޔައިރު، ފުލަމް އިން ވެސް ރަނގަޅަށް ކުޅެފައިވާ ކަމަށާއި އެހެންކަމުން ޖުމްލަ އެކު، މި ނަތީޖާއާ މެދު ޝަކުވާ ކުރުމަކީ އެންމެ އިންސާފުވެރި ގޮތަށް ނުވާނެ ކަމަށް އަމޮރިމް ވަނީ ބުނެފަ އެވެ.

އެވަޓަން އިން އެ ކްލަބްގެ އާ ސްޓޭޑިއަމް ހިލް ޑިކިންސަން ސްޓޭޑިއަމްގައި ކުޅުނު ފުރަތަމަ ރަސްމީ މެޗުގައި ވަނީ 2-0 އިން ބްރައިޓަން ބަލިކޮށްފަ އެވެ. އަދި، ކްރިސްޓަލް ޕެލަސް އިން ލީޑުނެގި މެޗުގައި ނޮޓިންހަމް ފޮރެސްޓުން ވަނީ 1-1 އިން އެއްވަރުކޮށްފަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox