އާރުޑީސީގެ ބޭންކު އެކައުންޓުތައް ހުސްކޮށްލައިގެން ދަރަންޏެއް ދައްކައިފި

Aug 19, 2025, 7:55 AM
ރޯޑް ޑިވެލޮޕްމަންްޓް ކޯޕަރޭޝަން (އާރުޑީސީ) ގެ މައި އޮފީސް އިމާރާތް: އާރުޑީސީއަކީ މަގު ހެދުމުގެ މަސައްކަތަށް ހާއްސަކޮށްގެން އުފެއްދި ކުންފުންޏެއް --- ފޮޓޯ: މުހައްމަދު ޝާބިން/އަދަދު

ރޯޑް ޑިވެލޮޕްމަންްޓް ކޯޕަރޭޝަން (އާރުޑީސީ) ގެ މައި އޮފީސް އިމާރާތް: އާރުޑީސީއަކީ މަގު ހެދުމުގެ މަސައްކަތަށް ހާއްސަކޮށްގެން އުފެއްދި ކުންފުންޏެއް --- ފޮޓޯ: މުހައްމަދު ޝާބިން/އަދަދު

ރޯޑު ޑިވެލޮޕްމަންޓު ކޯޕަރޭޝަން (އާރުޑީސީ) އިން ބިޒް ސޮލިއުޝަންސް ކިޔާ އަމިއްލަ ކުންފުންޏަކަށް ދައްކަން ޖެހޭ ދަރަންޏެއް ހުކުމާ އެއް ގޮތަށް ނުދައްކައިގެން، އެ ކުންފުނީގެ ނަމުގައި ދެ ބޭންކެއްގައި ހުރި ހުރިހާ ފައިސާއެއް ނަގައި، އެ ދަރަނިން ބަޔެއް ދައްކާ ހަލާސްކޮށްފި އެވެ.

ސިވިލް ކޯޓުން އިއްޔެ ކުރި ހުކުމުގައިވާ ގޮތުން، މިއީ މި އަހަރުގެ ފެބްރުއަރީ 2، އިން ފެށިގެން 15 ދުވަހުގެ ތެރޭގައި އާރުޑީސީން 648،000ރ. ދައްކަން ކުރި ހުކުމެކެވެ. ނަމަވެސް މި މުއްދަތުގެ ތެރޭގައި އެ ކުންފުނިން ފައިސާ ނުދައްކަ އެވެ.

ހުކުމާ އެއް ގޮތަށް އާރުޑީސީން ފައިސާ ނުދެއްކި މައްސަލަ، ތަންފީޒީ މައްސަލައެއްގެ ގޮތުގައި ކޯޓަށް ހުށަހެޅި، އެ މައްސަލައިގެ ޝަރީއަތް ހިނގަމުން ދަނިކޮށް އެ ކުންފުނިން ވަނީ ހަތަރު ލައްކަ ރުފިޔާ ދައްކާފަ އެވެ.

Advertisement

ނަމަވެސް މި ވަރުން ދަރަނި އެއްކޮށް ދައްކައި ނުނިމޭތީ ސިވިލް ކޯޓުން ވަނީ ބޭންކް އޮފް މޯލްޑިވްސް (ބީއެމްއެލް) އިން އާއި މޯލްޑިވްސް އިސްލާމިކް ބޭންކު (އެމްއައިބީ) ގައި ހުރި ރުފިޔާ އެކައުންޓުތަކާއި ޑޮލަރު އެކައުންޓުތައް ހިފަހައްޓާފަ އެވެ. އެއީ:

  • ބީއެމްްއެލްގެ ރުފިޔާ އެކައުންްޓު - 135،659.31ރ.
  • ބީއެމްއެލް ޑޮލަރު އެކައުންޓު - 284.93 ޑޮލަރު (3838.50ރ.)
  • އެމްއައިބީ ރުފިޔާ އެކައުންޓު - 128،402.58ރ.
  • އެމްއައިބީ ޑޮލަރު އެކައުންޓު - 500 ޑޮލަރު (7،710ރ.)

ކޯޓުން ވަނީ ހިފެހެއްޓި 275،610ރ. ތެރެއިން ނުދައްކައިިވާ 248،000ރ. ކެނޑުމަށް ފަހު، ބާކީވީ ފައިސާ އާރުޑީސީއަށް އަނބުރާ ރައްދުކޮށްފަ އެވެ.

އާރުޑީސީއާ ދެކޮޅަށް މި ނޫން އެހެން މައްސަލަތަކުގައި ވެސް ކޯޓުން ހުކުމްކޮށްފައި ވެ އެވެ. މި ތަނުން ގިނަ މައްސަލަތަކަކީ މުދަލާއި ހިދުމަތް ހޯދުމަށް ފަހު އަމިއްލަ ވިޔަފާރިތަކަށް ފައިސާ ނުދައްކައިގެން އެ ކުންފުންޏާ ދެކޮޅަށް ހުށަހަޅާފައި ހުރި މައްސަލަތަކެވެ.

ފައިސާ ނުދައްކައިގެން ކޯޓަށް މައްސަލަތައް ހުށަހަޅަމުންދާއިރު، އާރުޑީސީގެ މާލީ ހާލަތު ވަރަށް ގޯސް ކަމަށް މި ސަރުކާރުން ވެސް ގަބޫލުކުރެ އެވެ. ސަރުކާރުން ބުނާ ގޮތުން ހުރިހާ ވެސް މައްސަލައަކީ ކުރީ ސަރުކާރުގައި އާރުޑީސީގެ ތެރެއިން ހިންގާފައި ހުރި ހިޔާނާތްތަކެވެ.

އެ ގޮތުން، ރިޔާސީ ދައުރު ބެދޭ ދުވަސްވަރު ފުލުހުން ވަނީ އާރުޑީސީގެ މައްސަލަ ތަހުގީގު ކުރަން ފަށާފަ އެވެ. އެ ފަހުން އެންޓި ކޮރަޕްޝަން ކޮމިޝަން (އޭސީސީ) އިން ވެސް ވަނީ މައްސަލަ ބަލާ ކަމަށް ބުނެފަ އެވެ. އެކަމަކު އޭރު މައްސަލައާ ގުޅުން ހުރި ބައެއް ތަންތަން ބަލައި ފާސްކޮށް އާރުޑީސީގެ އޭރުގެ މެނޭޖުމަންޓުގައި ތިބި ބައެއް މީހުން ދިރިއުޅޭ ތަންތަން ބަލައިފާސްކުރުމަށް ފަހު، މައްސަލައިގެ އަދާހަމައަށް ނުލިބެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox