ގާސިމާ މެދު ފަލާހު ދެކޭ ގޮތް ބަދަލުވެއްޖެ, މިހާރު އެއީ ގައުމާއި ރައްޔިތުންނަށް ހެޔޮއެދޭ ލީޑަރެއް

ޕީއެންސީގެ ޕީޖީ ލީޑަރު ފަލާހު އަދި ގާސިމް. މީގެ ކުރިން ފަލާހު ވަނީ ގާސިމަށް ވަރަށް ބޮޑަށް ފާޑުވިދާޅުވެ ވާހަކަ ދައްކަވާފައި ---

ޕީއެންސީގެ ޕީޖީ ލީޑަރު ފަލާހު އަދި ގާސިމް. މީގެ ކުރިން ފަލާހު ވަނީ ގާސިމަށް ވަރަށް ބޮޑަށް ފާޑުވިދާޅުވެ ވާހަކަ ދައްކަވާފައި ---

ޖުމްހޫރީ ޕާޓީގެ ލީޑަރު ގާސިމް އިބްރާހިމް މީހުންނަށް އެހީވަނީ ވެރިކަމުގެ ދަހިވެތިކަމުގައި ކަމަށް މީގެ ކުރިން ވިދާޅުވުމަށް ފަހު މިހާރު އޭނާއަކީ ރައްޔިތުންނަށް ހެޔޮއެދޭ ލީޑަރެއްގެ ގޮތުގައި ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) ގެ ޕީޖީ ލީޑަރު އިބްރާހިމް ފަލާހު ސިފަކުރައްވައިފި އެވެ.

ލޯކަލް ކައުންސިލްތަކަށް ލިބިދީފައި އޮތް ވަރަށް ގިނަ ބާރުތައް ހަނިކޮށް ފާސް ކުރި އިސްލާހުތަކަށް ތާއީދު ކުރައްވައި ގާސިމް ވަނީ މިއަދު ބަޔާނެއް ނެރުއްވާފަ އެވެ. އެއަށް ސާބަސް ދެއްވައި ފަލާހު ކުރެއްވި ޓްވީޓެއްގައި ގާސިމްއަށް ވަނީ ވަރަށް ބޮޑަށް ތައުރީފް ކުރައްވާފަ އެވެ.

"މީ ގައުމަށް ހެޔޮއެދިގެން ރައްޔިތުންނަށް ހެވެއް އެދިގެން އަމިއްލަ މަސްލަހަތު އެއްކިބާކޮށް ބަސް އިއްވާ ލީޑަރުން. ހަގީގަތުގައި ވެސް ލާމަރުކަޒީ ގާނޫނަށް ގެނައި އިސްލާހުން ރައްޔިތުންގެ ހައްގުތައް ނުގެއްލި ހުރިހާ ފައިދާއެއްއޮތީ ރައްޔިތުންނަށް،" ފަލާހު ވިދާޅުވި އެވެ.

ގާސިމް ނެރުއްވި ބަޔާނެއްގައި އޭނާ ވިދާޅުވީ، ވިޔަފާރި ކުރުމަށާއި ތަންތަން ކުއްޔަށް ދިނުމަށާއި ތަރައްގީގެ މަޝްރޫއު ހިންގުމަށާއި މުވައްޒަފުން ނެގުމަށް ކައުންސިލުތަކަށް ލިބިދީފައިވާ ބާރުތައް އަތުލައި ލާމަރުކަޒީ ގާނޫނަށް ގެނައި އިސްލާހުތަކަކީ ވަރަށް ބޮޑަށް ބޭނުންޖެހިފައިވާ މުހިންމު އިސްލާހުތަކެއް ކަމަށެވެ.

ކުރީގެ ރައީސް އަބްދުالله ޔާމީންގެ ވެރިކަމުގައި ގާސިމް އިބްރާހިމާ ދެކޮޅަށް ވަރަށް ގިނަ ވާހަކަތަކެއް ފަލާހު ވަނީ ދައްކަވާފަ އެވެ. އޭރު ވެސް އޭނާ ހުންނެވީ އިނގުރައިދޫ ދާއިރާގެ މެންބަރުގެ މަގާމުގަ އެވެ. ނަވާރަވަނަ މަޖިލީހަށް އޭނާ އިންތިހާބު ނުވި ނަމަވެސް މިފަހަރު ގޮނޑި ކާމިޔާބުކޮށް ޕީޖީ ލީޑަރަކަށް ވަޑައިގެނނެވި އެވެ.

ގާސިމްއާ ގުޅޭގޮތުން ފަލާހު ދައްކަވާފައިވާ ބައެއް ވާހަކަތައް

"އެއް ދުވަހު ޓީވީއަށް އަރާފައި ތިމަންނަ މިހިރީ މައުމޫނު ކައިރީއޭ ވިދާޅުވިއްޔާ އަނެއްދުވަހު ވިދާޅުވާނެ ތިމަންނަ މިހިރީ އެހެން ގޮތަކަށޭ. އަނެއް ދުވަހު ތިމަންނަ މިހުރީ މިވެނި ގޮތަކަށޭ ބުނިއްޔާ އަނެއް ދުވަހު ބުނާނެ ތިމަންނަ މިހިރީ ރައީސް ނަޝީދު ކައިރިއޭ،" ނޮވެމްބަރު 13، 2016 ގައި ފަލާހު ވިދާޅުވެފައި ވެ އެވެ.

"އެ ބޭފުޅާ (ގާސިމް އިބްރާހިމް) އެބަ ހުއްޓޭ އެ ބޭފުޅާގެ ހަރަދުގައި ކިޑްނީ ބަދަލުކޮށްދީފަ ހުރި މީހުންގެ ވާހަކަ ދައްކައި ކަލަ ގޮވާފަ. މިއީތޯ ހެޔޮ ކަމަކީ. ހެޔޮކަން ކޮށްދިނީ ވެސް ވެރިކަމުގެ ބޭނުމުގައި. ހުރިހާ ކަމެއްވެސް ކޮށްދިނީ ވެރިކަމުގެ ބޭނުމުގައި،" އޮގަސްޓު 29، 2017 ގައި "ރުމާލު 2" ޖަގަހައިގައި ފަލާހު ވިދާޅުވި އެވެ.

"ތިޔަ ބޭފުޅުން ބައްލަވާ އެމަނިކުފާނުގ އެއާޕޯޓް. އެމަނިކުފާނުގެ އެއާޕޯޓް ވަހީދުގެ ވެރިކަމުގައި އެ އޮތީ 100 އަހަރަށް އެގްރިމެންޓް އާކޮށްފައި. މި ކަހަލަ ފައިދާތައް ނުލިބޭތީ މި ހަޅޭއްލަވަނީ. ރައީސް ޔާމިން ކަމުނުގޮސްގެނެއް ނޫން. ކޮބައިތޯ ދައުލަތައް ދައްކަން ޖެހޭ 170 މިލިއަން ޑޮލަރު. މީރާއިން އެއޮއް ދުވަނީ. އެ ފައިސާ ދައްކަން ވީ ނޫންތޯ،" އޮގަސްޓު 29، 2017 ގައި ޔާމީން ވެސް ބައިވެރިވި "ރުމާލު 2" ޖަގަހަ ޖަލްސާގައި ފަލާހު ވިދާޅުވި އެވެ.

"ގާސިމް އިބްރާހިމް މިދިޔަ ރިޔާސީ އިންތިހާބު ތަކުގައި ހަރަދުކުރި ފައިސާއަކީ ދިވެހި ދައުލަތަށް ޓެކްސްގެ ގޮތުގައި މީރާއަށް ދައްކަންޖެހޭ ފައިސާ އޭ. އެ ފައިސާ ހަރަދުނުކޮށް ރިޔާސީ އިންތިހާބަކަށް ގާސިމް އިބްރާހިމް ނުކުމެއްޖެކަމަށްވާނަމަ އޭނާއަށް 2000 ވޯޓު ވެސް މިރާއްޖެއިން ނުލިބޭނޭ،" ސަލާމަތީ ބާރުތަކާއެކު ރައްޔިތުން ނަމުގައި ޔާމީންގެ ކެމްޕޭން އޮފީސް ކުރިމަތީގައި ފެބްރުއަރީ 28، 2018 ގައި ބޭއްވި ޖަލްސާއެއްގައި ފަލާހު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox