އެޗްއާރްސީއެމަށް އައްޔަންކުރަން މުއިއްޒު ބޭނުންވެވަޑައިގަތީ އަނބިމީހާއަށް އަނިޔާ ކުރުމުގެ ތުހުމަތު އޮތް މީހެއް

އެޗްއާރްސީއެމަށް އައްޔަންކުރަން މުއިއްޒު ބޭނުންވެވަޑައިގަތީ އަނބިމީހާއަށް އަނިޔާ ކުރުމުގެ ތުހުމަތު އޮތް މީހެއް

ހިއުމަން ރައިޓްސް ކޮމިޝަން (އެޗްއާރްސީއެމް) އަށް އައްޔަނުކުރަން ރައީސް މުހައްމަދު މުއިއްޒު ރައްޔިތުންގެ މަޖިލީހަށް ހުށަހެޅުއްވި ހ. ސޯސަން، މުހައްމަދު ފާރިސް ތޯހާއަށް ގެވެށި އަނިޔާގެ ތުހުމަތުތަކެއް އޮތްކަން ހާމަވެއްޖެ އެވެ.

ކުރިން ސިފައިންގޭގައި މަސައްކަތް ކުރެއްވި ތޯހާއަށް ގެވެށި އަނިޔާގެ ތުހުމަތު ކުރެވޭކަން ހާމަވީ ހިއުމަން ރައިޓްސް އެންޑް ޖެންޑާ ކޮމިޓީން އޭނާއާ އިއްޔެ ކުރި އިންޓަވިއުގަ އެވެ.

އެ އިންޓަވިއުގައި ދާންދޫ ދާއިރާގެ ޕީއެންސީ މެންބަރު، މުހައްމަދު ފަޒީލް ވިދާޅުވީ އެޗްއާރްސީއެމަށް އައްޔަންކުރަން މުއިއްޒު ފޮނުއްވި ދެ ނަމަށް ވެސް ގިނަ ޝަކުވާތަކެއް ލިބިފައި އެބަ އޮތް ކަމަށެވެ. އެގޮތުން އޭގެ ތެރޭގައި ގެވެށި އަނިޔާގެ ތުހުމަތު ވެސް ހިމެނޭތީ އެފަދަ ތުހުމަތެއް ތޯހާއަށް އޮތްތޯ ސުވާލު ކުރި އެވެ.

ފަޒީލު ކުރެއްވި ސުވާލަށް ޖަވާބު ދެއްވަމުން ތޯހާ ވިދާޅުވީ ގެވެށި އަނިޔާގެ އެއްވެސް މައްސަލައެއްގައި މިހާތަނަށް ކުރިމަތިވެގެން އެއްވެސް އިދާރާއަކަށް އޭނާ ހާޒިރުކޮށްފައި ނުވާ ކަމަށެވެ.

"ނޫން. އަޅުގަނޑު އަދި އަޑުއެހީ މި އެނގޭތޯ. އަޅުގަނޑުގެ ގެވެށި އަނިޔާގެ އެއްވެސް މައްސަލައެއް ދިމައެއް ނުވޭ. އެއްވެސް އިދާރާއަކަށް ވެސް ހާޒިރު ކުރައްވާފައެއް ނުވޭ. އަޅުގަނޑަށް އެނގިގެނެއް އެކަހަލަ މައްސަލައެއް ދިމާވެފައެއް ނެތް،" ތޯހާ ވިދާޅުވި އެވެ.

ފަޒީލު ކުރެއްވި ސުވާލާ ގުޅުވައި މާފަންނު ދެކުނު ދާއިރާގެ ޕީއެންސީ މެންބަރު، އަބްދުﷲ ރިފާއު ވިދާޅުވީ، ތޯހާގެ ކުރީގެ ކައިވެނީގައި ގެވެށި އަނިޔާގެ ތުހުމަތުތަކެއް ހުރި ކަމަށާއި އެ ކައިވެނި ރޫޅުނީ ވެސް އޭގެ ސަބަބުން ކަމަށް ބުނެ އެކަމާ ގުޅޭ ގޮތުން ސުވާލުކޮށްދޭން އާންމުންގެ މީހަކު އެދިފައިވާ ކަމަށެވެ.

މީގެ އިތުރުން ސިފައިންގޭގެ ވަޒީފާއިން ތޯހާ އިސްތިއުފާ ދޭން ޖެހުނީ ވެސް އިންސާނިއްޔަތާ ހިލާފެއް އަމަލެއް ކުރިކަމުގެ ތުހުމަތުގައި ކަމަށް އާންމުންގެ މީހަކު އޭނާ ކައިރި ބުނެފައިވާ ކަމަށް ރިފާއު ވިދާޅުވި އެވެ.

"ތިބޭފުޅާގެ ކުރީގެ ކައިވެނީގެ ތެރޭގައި ގެވެށި އަނިޔާގެ ތުހުމަތުތަކެއް ހުރި ކަމަށް އެ ކައިވެނި ރޫޅުމުގައި. ދެން ދެވަނަ ކަމަކަށް ތިބޭފުޅާ ޕޮލިސް ނޫނީ އެމްއެންޑީއެފްގައި ދެއްތޯ އުޅުއްވީ. އެތަނުން އިސްތިއުފާ ދިނުމުގައި ވެސް މިފަދަ ލާއިންސާނީ ނުވަތަ އިންސާނިއްޔަތާ ގުޅުންހުރި ގޯސް އަމަލުތަކެއް ސަބަބުން އިސްތިއުފާ ދެއްވި ކަމަށް،" ރިފާއު ވިދާޅުވި އެވެ.

ރިފާއުގެ ސުވާލުތަކަށް ޖަވާބު ދެއްވަމުން ތޯހާ ވިދާޅުވީ އެފަދަ އެއްވެސް މައްސަލައެއް އޭނާގެ އަށް އަހަރުގެ ކައިވެނީގައި ދިމާ ނުވާ ކަމަށެވެ. ނަމަވެސް ކައިވެނި ރޫޅުނުތާ އަހަރުތަކެއް ފަހުން އެކަހަލަ އަޑުތަކެއް ފެތުރުނު ކަމަށާއި އެކަމަކު އެއީ ހަގީގަތެއް ނޫން ކަމަށް އޭނާ ވިދާޅުވި އެވެ.

"ބައެއް މީހުންގެ ފަރާތުން އޭރުގަިއ އަޑުއިވުނު، އޭރޭ މިދެންނެވީ މިހާރު ޑިވޯސްވިތާ ވެސް ގާތްގަނޑަކަށް އަށް އަހަރަށްވުރެ ގިނަ ދުވަސްވެގެންދިޔައީ މި. އޭގެ ހަތަރުވަރަކަށް އަހަރު ފަހުން އަޅުގަނޑަށް ވެސް އަޑުއިވުނު މިސާލަކަށް ގެވެށި އަނިޔާއޭ،" ތޯހާ ވިދާޅުވި އެވެ.

"އެކަމަކު ދުވަހަކުވެސް އެކަހަލަ އެއްވެސް ކަމެެއް ހަމަ ދިމައެއް ނުވޭ. މިހާރުވެސް އެ އާއިލާގެ މީހުން ވެސް ހަމަ ފެނުނީމަ ވާހަކަދައްކާ ހަމަ. އެންމެ ކުޑަމިނުން ބޭބެ ވެސް އެންމެންވެސް ހަމަ ގުޅުން ވެސް އޮވޭ. މެސެޖުވެސް ކުރޭ."

ހިއުމަން ރައިޓްސް އެންޑް ޖެންޑާ ކޮމިޓީން ތޯހާގެ ނަން ދިރާސާ ކުރިއިރު އޭނާއަށް 75 އަށްވުރެ ގިނައިން މާކްސް ލިބިފައި ނުވާތީ އެ ނަން ފާސްކުރަން ތަޅުމަކަށް ނުފޮނުވޭނެ އެވެ.

ނަމަވެސް އެޗްއާރްސީއެމްގެ މެންބަރު ކަމަށް އައްޔަންކުރަން މުއިއްޒު ހުށަހެޅުއްވި މ. ޕޮޕީ، މުހައްމަދު ޝަފީގް މަހްމޫދުއަށް 75 އަށްވުރެ މަތިން މާކްސް ލިބުމާއެކު އޭނާ އެޗްއާރްސީއެމަށް އައްޔަންކުރަން ކޮމިޓީން ވަނީ ފާސްކޮށްފަ އެވެ.

އެޗްއާރްސީއެމްގެ ނައިބު ރައީސް މޫމިިނާ ވަހީދު އަދި މެންބަރު އާމިނަތު ޝިފާތު އަބްދުއްރައްޒާގުގެ މެންބަރުކަމުގެ ދައުރު އަންނަ ސެޕްޓެމްބަރު 8، ގައި ހަމަވާނެ އެވެ. އެ މަގާމަށް ކުރިމަތިލާން ރައީސް އޮފީހުން ދެ ފަހަރެއްގެ މަތިން ފުރުސަތު ހުޅުވާލި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox