އެޓަލަންޓާ އިން އަމަލުކުރަނީ ލުކްމަން ވެސް އެއްބަސްވި ޝަރުތުތަކަށް

Aug 5, 2025, 3:42 AM
އެޓަލަންޓާ އިން އަމަލުކުރަނީ ލުކްމަން ވެސް އެއްބަސްވި ޝަރުތުތަކަށް

ބެރްގާމޯ، އިޓަލީ (އޮގަސްޓް 5) - އިންޓަ މިލާނަށް ނައިޖީރިއާގެ ފޯވާޑް، އަޑެމޯލާ ލުކްމަން ވިއްކައިނުލައި، އެ ޓްރާންސްފާ ހުއްޓުވާފައިވަނީ، އޭނާ ވެސް އެއްބަސްވި ޝަރުތުތަކަކަށް އަމަލުކުރުމުގެ ގޮތުން ކަމަށް އެޓަލަންޓާ އިން ބުނެފި އެވެ.

އުމުރުން 27 އަހަރުގެ ލުކްމަން ދާދި ފަހުން މީޑިއާގައި ބުނެފައިވަނީ، އެޓަލަންޓާ އިން އިންޓަ އަށް އޭނާ ވިއްކައިނުލައި، އެ ޓްރާންސްފާ ހުއްޓުވައިފައި އޮތީ އުސޫލާ ހިލާފަށް ކަމަށެވެ. އެކަމަކު، އެޓަލަންޓާގެ ސީއީއޯ، ލޫކަ ޕެރްކާސީ ވަނީ މި ކަން ދިމާވެފައި އޮތް ގޮތް މީޑިއާ އަށް އޮޅުންފިލުވައިދީފަ އެވެ.

އެ ގޮތުން، ޕެރްކާސީ ވިދާޅުވީ، މިދިޔަ އަހަރު 20 މިލިއަން ޔޫރޯގެ ހުށަހެޅުމެއް، ޕީއެސްޖީން ލުކްމަން އަށް ލިބުމުން އޭނާ ވެސް އެ ޓްރާންސްފާ ކުރިއަށް ދިއުމަށް އެދުނު ކަމަށެވެ. އެކަމަކު، އެޓަލަންޓާ އިން ހުށަހެޅީ، މި ފަހަރުގެ ޓްރާންސްފާގައި ދެ ޝަރުތެއްގެ މަތިން، ލުކްމަން ދޫކޮށްލައިދޭނެ ކަމަށެވެ. އެއީ، ލުކްމަން އަށް ހުށަހަޅަނީ، ޔޫރަޕްގެ ބޮޑު ކްލަބަކަށް ވުމާއި، އެއީ އިޓަލީގެ ވާދަވެރި ވަރުގަދަ ކްލަބަކަށް ނުވުން ކަމުގައި ޝަރުތުކަނޑައަޅައި، ލުކްމަން ވެސް އެއްބަސްވެގެން ކަމަށް ޕެރްކާސީ ފާހަގަކުރެއްވި އެވެ.

Advertisement

"މިހާރު މި އޮތީ މުޅި ހާލަތު ބަދަލުވެފައި. އަހަރެމެން އެއްބަސްވެފައި އެބައޮތް، އެޓަލަންޓާ ނޫން އިޓަލީގެ ކްލަބެއްގެ ޖޯޒީގައި އޭނާ ނުފެންނާނެ ކަމަށް، އެކަމަކު، މިހާރު ދައްކަނީ އެހެން ވާހަކައެއް،" ޕެރްކާސީ ވިދާޅުވި އެވެ.

މިދިޔަ އަހަރުގެ ޔޫރޮޕާ ލީގުގެ ފައިނަލުގައި، ލުކްމަން ވަނީ ހެޓްރިކެއް ހަދައި، ބަޔާ ލެވަކޫސަން ބަލިކޮށް، އެޓަލަންޓާ އަށް އެ މުބާރާތުގެ ތަށި ހޯދައިދީފަ އެވެ. އަދި، އެފްރިކާގެ މޮޅު ކުޅުންތެރިޔާގެ މަގާމު ހޯދި ލުކްމަން ވަނީ މިދިޔަ ދެ ސީޒަނަށް ބަލާއިރު ވެސް އެޓަލަންޓާގައި މޮޅު ކުޅުމެއް ދައްކައިފަ އެވެ.

އިނގިރޭސި ޕްރިމިއާ ލީގުގައި އެވަޓަން، ފުލަމް އަދި ލެސްޓާ ސިޓީ އަށް ކުޅުނު ލުކްމަން، އެޓަލަންޓާ އަށް ސޮއިކުރީ، 2022 ވަނަ އަހަރު 18 މިލިއަން ޑޮލަރުގެ ޑީލެއްގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox