ބޮޑު ހޭދައެއް ކޮށްލި ޑްރޯން ޝޯގައި "މިނިވަން 60"ގެ ލޯގޯ ނުދެއްކުނު

ޑްރޯން ޝޯގައި މިރޭ އެންމެ ފަހުން ދެއްކި މަންޒަރުގައި ލިޔެފައި ވަނީ "ވެލާނާ އިންޓަނޭޝަނަލް އެއާޕޯޓު" -- ފޮޓޯ: އަދަދު

ޑްރޯން ޝޯގައި މިރޭ އެންމެ ފަހުން ދެއްކި މަންޒަރުގައި ލިޔެފައި ވަނީ "ވެލާނާ އިންޓަނޭޝަނަލް އެއާޕޯޓު" -- ފޮޓޯ: އަދަދު

ދިވެހިރާއްޖޭގެ މިނިވަން ކަމަށް 60 އަހަރު ފުރުމުގެ މުނާސަބަތާ ގުޅުވައިގެން، ވެލާނާ އިންޓަނޭޝަނަލް އެއާޕޯޓުގެ އާ ޓާމިނަލް ހުޅުވަން ރޭ ބޭއްވި ރަސްމިއްޔާތުގައި ކުރިއަށް ގެންދިޔަ ޑްރޯން ޝޯގައި "މިނިވަން 60"ގެ ލޯގޯ ނުދެއްކުނެވެ.

މީގެ ނުވަ އަހަރު ކުރިން 2016 ގައި ބިންގާ އެޅި އާ ޓާމިނަލް ހުޅުވަން ބޭއްވި ކުލަގަދަ ރަސްމިއްޔާތުގައި ކުރިއަށް ގެންދިޔަ ޑްރޯން ޝޯގައި ޖުމުލަ 10 މަންޒަރެއް ދެއްކި އެވެ. އެއަށް ފަހު ހަ މިނެޓު ވަންދެން ހަވާ އެރުވި އެވެ.

މައުލޫމާތު ލިބިފައިވާ ގޮތުގައި ޑްރޯން ޝޯގައި 1200 ޑްރޯން ބޭނުން ކުރި އެވެ. މި ޑްރޯން ޝޯ ޓެސްޓުކުރީ ޖުލައި 25 ވަނަ ދުވަހުގެ ރޭ މެންދަމު އެވެ. އެ ޓެސްޓު ޝޯގައި މިނިވަން 60 ގެ ލޯގޯ ދައްކަ އެވެ. އެ މަންޒަރު ފެންނަ ބައެއް ވީޑިއޯތައް ސޯޝަލް މީޑިއާގައި ދައުރުކޮށްފައިވެ އެވެ.

ނަމަވެސް، ރޭގެ ޑްރޯން ޝޯގައި މިނިވަން ދުވަހުގެ ލޯގޯ ނުދެއްކުނީ ކީއްވެގެންތޯ އެއާޕޯޓުގެ އިސް ބައެއް ވެރިންނާ ސުވާލު ކުރުމުން ޖަވާބެއް ނުދެއްވަ އެވެ.

ޓެސްޓު ޝޯގައި ދެއްކި މިނިވަން 60 ގެ ލޯގޯ
ޓެސްޓު ޝޯގައި ދެއްކި މިނިވަން 60 ގެ ލޯގޯ

ޓެސްޓު ޝޯގައި ދެއްކި މިނިވަން 60 ގެ ލޯގޯ

އަދަދު ނޫހަށް އެނގިފައިވާ ގޮތުގައި އެ ލޯގޯ ނުދެއްކުނީ ޑްރޯން ޝޯ ކުރިއަށް ދަނިކޮށް އޭގެ ތެރެއިން ބައެއް ޑްރޯން ފާލުން ނައްޓައިގެން ގޮސް، އެއާޕޯޓުގެ ރަންވޭ އާއި މުޅި އެ ސަރަހައްދަށް ވެއްޓެން ފެށުމާއެކު އެވެ.

އެ ހިސާބުން ޑްރޯން ޝޯ މެދުކަނޑާލުމަށް ފަހު، ހަމަވާ އަރުވަން ފެށި އެވެ.

ރާއްޖޭން ބޭރުގެ ކުންފުންޏަކާ ހަވާލުކޮށްގެން އެއާޕޯޓުގައި ބޭއްވި ޑްރޯން ޝޯއަށް ކުރި ހަރަދު، މޯލްޑިވްސް އެއާޕޯޓު ކޮމްޕެނީން ހާމައެއް ނުކުރެ އެވެ.

ވެލާނާ އިންޓަނޭޝަނަލް އެއާޕޯޓް (ވީއައިއޭ) ގެ އާ ޓާމިނަލް ހުޅުވަން އެތައް މިލިއަން ރުފިޔާއެއް ހޭދަކުރާ ތުހުމަތާ ގުޅިގެން އެމްއޭސީއެލްއިން ބުނީ އެންމެން ސަޕްރައިޒްކޮށްލާ ވަރުގެ ހަވާ އެރުވުމާއި ޑްރޯން ޝޯއެއް ބާއްވާނެ ކަމަށެވެ.

ޑްރޯން ޝޯގައި ބޭނުންކުރި ބައެއް ޑްރޯންތަކުގެ ކޮންޓްރޯލް ގެއްލުމުގެ ސަބަބުން އެތައް އިރަކު ރަންވޭ ބަންކުރަން ޖެހުނެވެ. ބައެއް ފްލައިޓުތައް އެއާޕޯޓުގައި ނުޖެއްސި ސްރީ ލަންކާއަށް ޑައިވާޓު ކުރި އެވެ.

އެއާޕޯޓުހެ އާ ޓާމިނަ؛ް ހުޅުމުގެ ރަސްމިއްޔާތަށްޓަކައި ރަންވޭ ބަންދު ކުރީ ރޭ 8:00 ގަ އެވެ. އެ ރަސްމިއްޔާތަށްފަހު ރަންވޭ ހުޅުވާ ގޮތަށް އޮތީ ރޭ 10:00 ގަ އެވެ. ނަމަވެސް ޑްރޯން ޝޯގައި ބޭނުންކުރި ބައެއް ޑްރޯންތަކުގެ ކޮންޓްރޯލް ގެއްލުމުގެ ސަބަބުން ރަންވޭ ނުހުޅުވި ވަރަށް ބޮޑަށް ލަސްވި އެވެ. ރަންވޭ ހުޅޫވީ ދަންވަރު 12 ގެ ފަހުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox