މުސްކުޅިވަމުންދާ އާބާދީއާއެކީ ނިކުންނަ ފުރުސަތުތަކާއި ގޮންޖެހުންތަކަށް ޒުވާނުން ތައްޔާރުކޮށްދޭނަން: ރައީސް

އިސްރަށްވެހިންގެ ނާދީ ހުޅުވި ދުވަހު ރައީސް މުއިއްޒު އާއީ ފަސްޓުލޭޑީ ސާޖީދާ މުހައްމަދު ފޮޓޮއަކަށް ހުއްޓިލައިގެން: ރައީސް ވިދާޅުވީ ހުރިހާ އުމުރުފުރާއެއްގެ ދުޅަހެޔޮކަން ކަށަވަރުކުރުން މުހިންމު ކަމަށް -- ފޮޓޯ: ރައީސް އޮފީސް

އިސްރަށްވެހިންގެ ނާދީ ހުޅުވި ދުވަހު ރައީސް މުއިއްޒު އާއީ ފަސްޓުލޭޑީ ސާޖީދާ މުހައްމަދު ފޮޓޮއަކަށް ހުއްޓިލައިގެން: ރައީސް ވިދާޅުވީ ހުރިހާ އުމުރުފުރާއެއްގެ ދުޅަހެޔޮކަން ކަށަވަރުކުރުން މުހިންމު ކަމަށް -- ފޮޓޯ: ރައީސް އޮފީސް

އުމުރުން ދުވަސްވަމުންދާ މުޖުތަމައަކުން ކުރިމަތިވާ ގޮންޖެހުންތަކާއީ ފުރުސަތުތައް ޒުވާނުން ތައްޔާރުވެފައިވާ މުސްތަގުބަލެއް ބިނާކުރުމަށް މަސައްކަތް ކުރާނެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.

ދުނިޔޭގެ އާބާދީ ދުވަސް ފާހަގަކުރައްވަމުން ރައީސް ސޯޝަލްމީޑީއާގައި ކުރެއްވި ޕޯސްޓުގައި، 2062 ވަނަ އަހަރު އަންނަ އިރު، ރާއްޖޭގެ ފަސްބައިކުޅަ އެއްބައި މީހުންނަކީ 65 އަހަރުން މަތީގެ މީހުން ކަމަށް ލަފާކުރެވޭ ކަމަށް ވިދާޅުވި އެވެ.

"މިކަމަށް ރިއާޔަތްކޮށް، މި ސަރުކާރުން ދެމިހުންނާނީ ޒުވާނުން އުމުރުން ދުވަސްވަމުންދާ މުޖުތަމައުއަކުން ކުރިމަތިވާ ގޮންޖެހުންތަކާއި ފުރުސަތުތަކަށް ތައްޔާރުވެފައިވާ މުސްގުބަލެއް ބިނާކުރުމަށް މަސައްކަތް ކުރުމުގައި،" އެމަނިކުފާނު ލިިޔުއްވާފައި ވެ އެވެ.

Advertisement

ރައީސް ވަނީ މި ދުވަސް ފާހަގަކުރާއިރު، އެންމެނަށް ހަމަހަމަ ފުރުސަތުތަކާއި ދުޅެހެޔޮކަން ކަށަވަރުކުރުމުގެ މުހިންމު ކަމާ މެދު ވިސްނާލަން ޖެހޭ ކަމަށް ވެސް ވިދާޅުވެފަ އެވެ.

އެ ގޮތުން، އެންމެންގެ އިޖުތިމާއި އަދި އިގުތިސޯދީ ދުޅަހެޔޮކަން ކަށަވަރުކޮށްދިނުމަށް، ރިޕްރޮޑަކްޓިވް ހެލްތުކެއާއަށް ވާސިލުވެވޭ މިންވަރު އިތުރުކުރަން އިންވެސްޓުކޮށް، ތައުލީމުގެ ފެންވަރު ރަނގަޅުކޮށް، އެކަށީގެންވާ ބޯހިޔާވަހިކަން ފޯރުކޮށްދޭނެ ކަމަށް އެމަނިކުފާނު ވިދާޅުވި އެވެ.

އުމުރުން ދުވަސްވީ އާބާދީ ބޮޑު މުޖުތަމައުއަކަށް ތައްޔާރުވާނެ ކަމަށް ރައީސް ވިދާޅުވިއިރު، މޯލްޑިވްސް ސްޓެޓިސްޓިކްސް ބިއުރޯގެ ތަފާސްހިސާބުތަކުން ދައްކާ ގޮތުގައި ރާއްޖޭގެ އެވަރެޖު އުމުރަކީ 35 އަހަރެވެ. މީގެ 25 އަހަރު ކުރިން 2000 ވަނަ އަހަރުގައި ދިވެހިންގެ އެވަރެޖު އުމުރަކީ 19 އަހަރެވެ.

އުމުރުން ދުވަސްވީ އާބާދީ އިތުރުވާ މިންވަރު މަތިވަމުންދާ މައިގަނޑު ސަބަބަކީ ދަރިމައިވާ ރޭޓު ދަށްވަމުން ދިޔުމެވެ. އެންމެ ފަހުގެ ބޯހިމެނުމުގެ ނަތީޖާއިން ދައްކާ ގޮތުގައި ރާއްޖޭގެ ދަރިމައިވާ ރޭޓަކީ 1.7 އެވެ. މިއީ ރިޕްލޭސްމަންޓު ލެވަލް ނުވަތަ އާބާދީ އަމިއްލައަށް އާކުރެވޭ ރޭޓު ކަމުގައި ބަލައި 2.1 އަށް ވުރެ ދަށް ރޭޓެކެވެ.

ރިޕްލޭސްމަންޓު ރޭޓަށް ވުރެ ދަށުގައި ދަރިމައިވާ ރޭޓު ހުރުމަކީ މުސްތަގުބަލުގައި އާބާދީ ދަށްވެދާނެ ކަމުގެ އިޝާރާތެކެވެ. ބޯހިމެނުމުގެ ނަތީޖާތަކުން ދައްކާ ގޮތުގައި 1990 ގައި ދަރިމައިވާ ރޭޓު ހުރީ 6.4 ގަ އެވެ. ނަމަވެސް އެ ދަހަރު ނިމުނުއިރު މި ރޭޓު ވަނީ 2.8 ދަށްވެފަ އެވެ.

މާހިރުން ދެކޭ ގޮތުގައި ދަރިމައިވާ ރޭޓު ދަށް ވެފައި ވަނީ ދިރިއުުޅުމުގެ ހަރަދުތައް މައްޗަށް ދިއުމާއި، ދަރިމައިވުމުގެ މައްސަލަތައް އިތުރުވުމާ ގުޅިގެންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox