ރަސްމާލެ ހިއްކަން ރިޒާވު ބޭނުން ކުރުން ނުރައްކާތެރި ކަމަށް ވިދާޅުވެ އެކަން ނުކުރަން އަމީރު ގޮވާލައިފި

އެމްޑީޕީގެ ނޫސްވެރިންގެ ބައްދަލުވުމެއްގައި އަމީރު ވާހަކަ ދައްކަވަނީ. އެމްއެމްއޭގެ ގަވަރުނަރަށް ވަރަށް ބޮޑަށް ފާޑުވިދާޅުވި --- ފޮޓޯ: އެމްޑީޕީ

އެމްޑީޕީގެ ނޫސްވެރިންގެ ބައްދަލުވުމެއްގައި އަމީރު ވާހަކަ ދައްކަވަނީ. އެމްއެމްއޭގެ ގަވަރުނަރަށް ވަރަށް ބޮޑަށް ފާޑުވިދާޅުވި --- ފޮޓޯ: އެމްޑީޕީ

ދައުލަތުގެ ރިޒާވް ބޭނުންކޮށްގެން ނަމަވެސް ފުށިދިއްގަރު ފަޅު ހިއްކުމަށްޓަކައި ދައްކަން ޖެހޭ އެޑްވާންސް ޕޭމަންޓު ދައްކަން ރައީސް މުހައްމަދު މުއިއްޒު ފައިނޭންސް މިނިސްޓްރީއަށް އެންގެވި އެންގެވުމަށް އަމަލު ނުކުރުމަށް މިދިޔަ މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ސަރުކާރުގައި ފިނޭންސް މިނިސްޓަރަކަށް ހުންނެވި އިބްރާހިމް އަމީރު ގޮވާލައްވައިފި އެވެ.

އެމްޑީޕީގެ އިކޮނޮމިކް ކޮމިޓީގެ ފަރާތުން މިއަދު ބޭއްވި ނޫސްވެރިންގެ ބައްދަލުވުމެއްގައި އެ ކޮމިޓީގެ މުގައްރިރުކަން ވެސް ކުރައްވާ އަމީރު ވަނީ ރަސްމާލެ މަޝްރޫއު ދަށުވެ، ރާއްޖެ ބަނގޫރުޓުވުމުގެ ބިރު އޮތްކަމަށް ވިދާޅުވެފަ އެވެ.

ރައީސުލްޖުމްހޫރިއްޔާގެ އޮފީހުން ޖުލައި 1، ގައި ފައިނޭންސް މިނިސްޓަރު މޫސާ ޒަމީރަށް ފޮނުވި ސިޓީއެއްގައި ބުނެފައި ވަނީ ދައުލަތުގެ ޔޫޒަބަލް ރިޒާވް ނުވަތަ އިންޑިއާއިން ހަމަޖައްސައިދީފައިވާ ކަރަންސީ ސްވޮޕް ފެސިލިޓީ ބޭނުންކޮށްގެން ނަމަވެސް ފުށިދިއްގަރު ޕްރޮޖެކްޓުގެ އެޑްވާންސް ފައިސާ ދައްކަން ރައީސް މުއިއްޒު ވިދާޅުވެފައިވާ ކަމަށެވެ.

އެކަމާ ގުޅިގެން އަދަދު އިން ކުރި ސުވާލަކަށް ޖަވާބު ދެއްވަމުން އޭނާ ވިދާޅުވީ ރިޒާވު ބޭނުންކޮށްގެން ރަސްމާލެ ހިއްކުމަކީ މާލީ ބޮޑެތި ގެއްލުންތަކެއް ލިބޭނެ ކަމެއް ކަމަށް ވިދާޅުވެފަ އެވެ.

"ރައީސް މުއިއްޒުގެ ޕްރޮޖެކްޓެއް ހިންގަން ރާއްޖޭގެ ރަސްމީ ރިޒާވު ބޭނުން ކުރުމަކީ ކުރަން ހެޔޮވާވަރު ކަމެއް ނޫން. އެއީ ނުރައްކާ ކަމެއް، އެކަން އެގޮތަށް ނުކުރުމަށް ގޮވާލަން،" އަމީރު ވިދާޅުވި އެވެ.

މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އަމަލުކުރަމުން ދަނީ ރާއްޖޭގެ އިގުތިސޯދީ އަދި މާލީ ކަންކަމަށް އަސަރު ކުރާ ގޮތަށް ކަމަށް އަމީރު ވިދާޅުވި އެވެ. އަދި އެ އޮތޯރިޓީގައި ތިބި ޓެކްނިކަލް މުވައްޒަފުން ވެސް ރާއްޖޭގެ ރިޒާވު ސިޔާސީ މަންފާ ހޯދުމަށް ބޭނުން ކުރަން ނުރުހޭނެ ކަމަށް އޭނާ ވިދާޅުވި އެވެ.

"އަޅުގަނޑު ނުދެކެން އެމްއެމްއޭގެ ޔޫސަބަލް ރިޒާވު މިގޮތަށް ބޭނުން ކުރެވޭނެ ކަމަކަށް. ސަރުކާރަކަށް ނޫން މި ލާރި މި ދެނީ. ރަސްމާލެ ހިއްކަން ކުންފުނިތަކަށް. ރަސްމާލެ ކުންފުންޏަށް ކީއްވެގެންތޯ ސަރުކާރުން އަންގައިގެން އެޑްވާންސް ޕޭމަންޓް ދޭންވީ. އެހެންވިއްޔާ ރާއްޖޭގައި ހުރި ހުރިހާ ޕްރައިވެޓް ކުންފުންޏަކަށް ވެސް އެމްއެމްއޭއިން ލާރި ދޭނެ ހިސާބަށް ދާނެތާ،" އަމީރު ވިދާޅުވި އެވެ.

ރިޒާވު ބޭނުންކުރުމުގެ އިތުރުން އެ މަޝްރޫއު ހިންގަން ސަރުކާރުގެ ތިން ކުންފުންޏެއް މެދުވެރިކޮށް 600 މިލިއަން ޑޮލަރުގެ ލޯނު ނަގަން ވެސް ވަނީ ނިންމާފަ އެވެ. އެއީ ހޯދިދާނެ ފައިސާއެއް ކަމާ މެދު އަމީރު މިއަދު ސުވާލު އުފެއްދެވި އެވެ.

"އެއްވެސް ކަމެއް ނުކޮށް އޮތް ކުންފުންޏަކަށް 300 މިލިއަން ޑޮލަރު ލިބޭނީ ކިހިނެއްތޯ؟ ސަރުކާރުން ފޮނުވާފައި އޮތް ސިޓީގައި މިއޮތީ ފައިސާ ލިބުނީމައި ޔޫޒަބަލް ރިޒާވުން އެ ބޭނުންކުރި އަދަދު ޖަމާކުރަން. މިހާރުގެ ގަވަރުނަރަށް ވެސް އަދި އެމްއެމްއޭގެ ސްޓާފުންނަށް ވެސް ސާފުވާނެ އެ ފައިސާ ނުލިބޭނެކަން، އެއީ ގެއްލިގެންދާނެ ފައިސާކަން،" އަމީރު ވިދާޅުވި އެވެ.

އެގޮތުން، ގްރޭޓާ މާލެ ފައިނޭންޝަލް ޑިސްޓްރިކްޓް ލިމިޓެޑުން 300 މިލިއަން ޑޮލަރުގެ ލޯނެއް ނެގުމަށާއި، އެމްއޭސީއެލް އިން 200 މިލިއަން ޑޮލަރުގެ ލޯނަކާއި އެސްޓީއޯ މެދުވެރިކޮށް 100 މިލިއަން ޑޮލަރުގެ ލޯނެއް ވަނީ ނަގަން ނިންމާފަ އެވެ.

ރައީސް އޮފީހުގެ އެ ސިޓީއަކީ ސައްހަ ސިޓީއެއްކަން އަދަދު އަށް ވަނީ ކަށަވަރުވެފަ އެވެ. އެ ސިޓީގެ މައުލޫމާތު އެނގޭ ދެ އޮފިޝަލަކު އެ ސިޓީގެ ސައްހަކަން މި ނޫހަށް ކަށަވަރުކޮށްދިނެވެ.

ދައުލަތުގެ ބަޖެޓުން އެއްވެސް ފައިސާއެއް ހަރަދުނުކޮށް އަށް މަސް ދުވަހުން ހިއްކައި ނިންމާނެ ކަމަށް ބުނެ ޑިސެމްބަރު 18، 2023، ގައި ހިއްކަން ފެށި ރަސްމާލެ މަޝްރޫއުގެ 30 ޕަސެންޓު ވެސް އަދި ނުހިއްކެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox