ގުއާމުން ރާއްޖޭގެ އަންހެން ފުޓްބޯޅަ ޓީމުގެ މައްޗަށް ކުރިހޯދައިފި

Jul 2, 2025, 12:03 PM
ގުއާމުން ރާއްޖޭގެ އަންހެން ފުޓްބޯޅަ ޓީމުގެ މައްޗަށް ކުރިހޯދައިފި

އަންނަ އަހަރު އޮސްޓްރޭލިއާގައި ކުރިއަށްދާ އޭއެފްސީ ވިމެންސް އޭޝިއަން ކަޕްގެ ކޮލިފައިންގައި ވާދަކުރާ ރާއްޖޭގެ ގައުމީ އަންހެން ފުޓްބޯޅަ ޓީމުން ކުޅުނު ދެ ވަނަ މެޗުން މިއަދު ގުއާމް އަތުން 3-0 އިން ބަލިވެއްޖެ އެވެ.

މިއީ، ބައިނަލްއަގުވާމީ އަންހެން ފުޓްބޯޅައިގައި ގުއާމާއި ރާއްޖޭގެ ފުރަތަމަ ކުރިމަތިލުމެވެ. އެމެރިކާގެ ކުޅުންތެރިން ހިމެނޭ ގުއާމަކީ ދުނިޔޭގެ ރޭންކިންގެ 97 ވަނަ އެވެ. އަދި، ރާއްޖެ އޮތީ، 163 ވަނައިގަ އެވެ.

ވިއެޓްނާމްގައި ކުޅޭ ކޮލިފައިން މެޗުތަކުގައި ރާއްޖޭން ފުރަތަމަ ނުކުތީ މި ގްރޫޕްގެ ފޭވަރިޓް، ވިއެޓްނާމާ ދެކޮޅަށެވެ. އެންމެ ފަހުން އޮތް ފީފާ ވޯލްޑް ކަޕްގައި ކުޅެފައިވާ ވިއެޓްނާމް އަތުން ރާއްޖެ ބަލިވީ 7-0 އިންނެވެ. އެންމެ ފަހުން، 2022 ވަނަ އަހަރު، ރާއްޖެ އަތުން ވިއެޓްނާމް 16-0 އިން ރާއްޖެ ބަލިކުރުމުން، ކޯޗު މުހައްމަދު އާތިފް (އާތީ)އާ އެކު، ދޮޅު މަހު ޕްރެކްޓިސްކޮށް ރާއްޖޭން ހޯދި ކާމިޔާބީ ގިނަ ބަޔަކު ފާހަގަކުރި އެވެ.

ގުއާމުން މެޗު ފަށައިގެން ފުރަތަމަ މިނިޓްގައި ގުއާމްގެ ޓްރޫ ޓައިޑާސްކޯ ފޮނުވާލި ބޯޅަ ރާއްޖޭގެ ކީޕަރު، އައިމިނަތު ލީޒާ ވަނީ މަތަކޮށްފަ އެވެ.

ގުއާމްގެ ގިނަ ޝޮޓްތަކެއް މި މެޗުގައި ދިފާއުކުރި ލީޒާ ކޮޅަށް، މެޗުގެ ފުރަތަމަ ގޯލު ވަނީ ފުރަތަމަ ހާފުގެ ފަހު މިނިޓްގަ އެވެ. މި ލަނޑު ޖެހީ އޭރިއާބޭރުން ފޮނުވާލި ބޯޅައަކުން، ރެބެކާ ބާޓޯޝް އެވެ.

ދެ ވަަނަ ހާފު ފަށައިގެން 11 މިނިޓް ތެރޭ ބާޓޯޝް ވަނީ ގުއާމްގެ ދެ ވަނަ ލަނޑު ޖަހައިދީފަ އެވެ. މިއީ ރީބައުންސަކުން ޖެހި ގޯލެކެވެ. އަދި، މެޗުގެ 76 ވަނަ މިނިޓްގައި ބާޓޯޝް ހެޓްރިކް ފުރިހަމަކުރީ ހުރަހަކުން ނެގި ބޯޅައެއް ގޯލަށް ވަނުމުންނެވެ. ބާޓޯޝް އަކީ އެމެރިކާގެ އަންހެން ފުޓްބޯޅަ މުބާރާތްތަކުގައި ކުޅޭ ކުޅުންތެރިއެކެވެ.

ކޮލިފައިން ފަހު މެޗުގައި، ރާއްޖޭން އަންނަ ހޮނިހިރު ދުވަހު، ޔުނައިޓެޑް އަރަބް އެމިރޭޓްސް (ޔޫއޭއީ)އާ ދެކޮޅަށް ކުޅޭނެ އެވެ. ޔޫއޭއީ އިން ފުރަތަމަ މެޗުގައި، ގުއާމާ ލަނޑެއް ނުޖެހި އެއްވަރުވިއިރު، ދެ ވަނަ މެޗުގައި މިރޭ ވިއެޓްނާމާ ކުޅޭނެ އެވެ.

ކޮމެންޓް

ފަހުގެ ޚަބަރު

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

އެފްއޭއެމްގެ އޮފިޝަލެއް ނެތް، ޓްރޮފީއާ ހަވާލުވީ ނޫސްވެރިއެއް!

ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ފެއާ ޕްލޭ ޓްރޮފީ ރާއްޖެއަށް ލިބުނުއިރު، އެފްއޭއެމްގެ އޮފިޝަލަކު ނެތުމުން އެއާ ހަވާލުވީ ދިވެހި ނޫސްވެރިއެއް. އެފްއޭއެމް އިން ބުނި ގޮތުގައި ޓްރޮފީ ލިބޭކަން ސާފް އިން އެންގީ ވަރަށް ކުޑަ ވަގުތުކޮޅެއް އޮއްވާ ކަމަށާއި، ނޫސްވެރިއަކު ސްޓޭޖަށް އެރީ ސާފްގެ އޮފިޝަލުން އެދިގެން

އިންފަންޓީނޯގެ ޝަރުތު ހަމަވޭތޯ ގާނޫނީ ގޮތުން ބެލި

ފީފާގެ ރައީސްކަމަށް ހަތަރުވަނަ ދައުރަކަށް ކުރިމަތިލައްވާފައިވާ ޖިއާނީ އިންފަންޓީނޯގެ ޝަރުތު ހަމަވޭތޯ އިނގިރޭސި އެފްއޭއިން ގާނޫނީ ގޮތުން ބަލައިފި. ފީފާ ކައުންސިލުން ނިންމާފައިވަނީ އިންފަންޓީނޯގެ ފުރަތަމަ ދައުރަކީ ބާކީ އޮތް މުއްދަތެއް ފުރިހަމަކުރުން ކަމަށްވާތީ، އޭނާއަށް އިތުރު ދައުރަކަށް ކުރިމަތިލެވޭނެ ކަމަށް

އުމުރުން 38 އަހަރުގައި މަޓާ ފުޓްބޯޅަ ކުޅުން ހުއްޓާލައިފި

ސްޕެއިނާއެކު ވޯލްޑް ކަޕާއި ޔޫރޯ ކާމިޔާބުކޮށް، ޗެލްސީ އާއި މެންޗެސްޓާ ޔުނައިޓެޑް ފަދަ ބޮޑެތި ކްލަބްތަކަށް ކުޅުނު ހުއާން މަޓާ އުމުރުން 38 އަހަރުގައި ފުޓްބޯޅަ ކުޅުން ހުއްޓާލައިފިއެވެ. ކުޅުމުން ރިޓަޔާކުރި ނަމަވެސް، ކުރިއަށް އޮތް ތަނުގައިވެސް ފުޓްބޯޅައިގެ ދާއިރާއިން ފެންނާނެ ކަމަށް އޭނާ ވަނީ ބުނެފައެވެ.

ޕާކިސްތާން ފުޓްބޯޅަ ކުރިއަރާނީ ޕްރޮފެޝަނަލް ލީގެއް އޮވެގެން

ޕާކިސްތާން ފުޓްބޯޅަ ކުރިއެރުވުމަށްޓަކައި އެ ގައުމުގައި ވަރުގަދަ ޕްރޮފެޝަނަލް ލީގެއް އޮތުން މުހިންމު ކަމަށް ގައުމީ ކޯޗު ނޮލްބާޓޯ ސޮލާނޯ ބުނެފި. އޭނާ ފާހަގަކުރި ގޮތުގައި ހަމައެކަނި ބޭރުގައި ކުޅޭ ކުޅުންތެރިންނަށް ބަރޯސާވުމުގެ ބަދަލުގައި، ލޯކަލް ކުޅުންތެރިން ކުރިއެރުވޭނީ ގަވާއިދުން ކުޅޭނެ ލީގެއް އޮވެގެން

Newsletter

Get the latest news delivered straight to your inbox