ހުކުރު ދުވަހު ފަށާ ކްލަބް ވޯލްޑް ކަޕްގެ ކުއާޓާގެ މެޗުތައް ވެސް މީޑިއާނެޓުން ބެލޭނެ

ހުކުރު ދުވަހު ފަށާ ކްލަބް ވޯލްޑް ކަޕްގެ ކުއާޓާގެ މެޗުތައް ވެސް މީޑިއާނެޓުން ބެލޭނެ

އަންނަ ހުކުރު ދުވަހު ފަށާ ކްލަބް ވޯލްޑް ކަޕްގެ ކުއާޓާ ފައިނަލުގެ މެޗުތައް ވެސް މީޑިއާނެޓުގެ އައިސް ނެޓްވޯކުން ބެލޭނެ ކަމަށް އެ ކުންފުނިން ބުނެފި އެވެ.

މީޑިއާނެޓްގެ ސްޕޯޓްސް އެޑްއޮން ނުވަތަ ވެރައިޓީ ހިޓްސްފަދަ ޕެކޭޖްތަކަށް ސަބްސްކްރައިބް ކޮށްގެން ޓީވީން ފަސޭހަކަމާ އެކު ކުއާޓާގެ މެޗު ބަލައިލެވޭނެ އެވެ.

މުބާރާތުގެ ކުއާޓާއިން ޖާގަ ހޯދީ ފްލުމިނެންސް، ޕަލްމެއިރާސް، އަލް ހިލާލް، ޗެލްސީ، ޕީއެސްޖީ، ބަޔާން މިއުނިކް، ރެއާލް މެޑްރިޑް އަދި ބްރޫޝިއާ ޑޯޓްމަންޑެވެ.

Advertisement

ކުއާޓާގެ މެޗުތައް:

  • ފްލުމިނެންސް - އަލް ހިލާލް: ހުކުރު ދުވަހުގެ ރޭ ދަންވަރު 12:00 ޖަހާއިރު.
  • ޕަލްމެއިރާސް - ޗެލްސީ: ހޮނިހިރު ދުވަހު ހެނދުނު 06:00 ޖަހާއިރު.
  • ޕީއެސްޖީ - ބަޔާން: ހޮނިހިރު ދުވަހުގެ ރޭ 09:00 ޖަހާއިރު.
  • ރެއާލް - ޑޯޓްމަންޑް: ހޮނިހިރު ދުވަހުގެ ރޭ ދަންވަރު 01:00 ޖަހާއިރު

ކްލަބް ވޯލްޑް ކަޕްގެ ގަދަ 16 އާ ހިސާބުން މުބާރާތުން އަލްވަދާއުކި މެންޗެސްޓާ ސިޓީ، ޔުވެންޓަސް، އިންޓަމިލާން، އިންޓަ މިއާމީ އަދި ބެންފީކާ ވެސް ކުއާޓާ ފައިނަލުން ނުފެންނާނެ އެވެ.

މުބާރާތުގެ ކުއާޓާގެ މެޗުތައް ހޮނިހިރު ދުވަހު ނިމި، ސެމީގެ މެޗުތައް ކުޅޭނީ ޖުލައި 9، ގަ އެވެ. އަދި މުބާރާތުގެ ފައިނަލް ކުޅުމަށް ހަމަޖެހިފައި ވަނީ ޖުލައި 13، ގަ އެވެ.

ކްލަބް ވޯލްޑް ކަޕްގެ ކުރިއަށް ހުރި ހުރިހާ މެޗެއް އެންމެ 80ރ. އަށް އެމްޓީވީ ކޮމްބޯ ޕެކޭޖް ނަގައިގެން ވަގުތުން ފޯނުން ބަލައިލެވޭނެ އެވެ. އަދި މުޅިން އަލަށް އެމްޓީވީއަށް ރަޖިސްޓްރީ ކުރާ ކަސްޓަމަރުންނަށް 30 ދުވަހު ހިލޭ އެޕް ބޭނުން ކުރަން ލިބޭ ފުރުސަތުގައި މުބާރާތް ހިލޭ ބަލައިލެވޭނެ އެވެ.

މިއީ ކްލަބް ވޯލްޑްކަޕްގައި ބައިވެރިވާ ޓީމުތައް 32 އަށް އިތުރުކޮށް ބާއްވާ ފުރަތަމަ މުބާރާތް ކަމަށްވާއިރު، މުބާރާތުގައި ވާދަކުރާނީ އެކި ސަރަހައްދުތަކުގެ ޗެމްޕިއަން ކްލަބްތަކެވެ.

ކްލަބް ވޯލް ޑްކަޕްގެ މެޗުތައް މީޑިއާނެޓުން ވަގުތުން ފެންނާނީ އައިސް އަލްޓްރާ އެޗްޑީ ޗެނަލުންނެވެ. މީޑިއާނެޓުން ދޫކުރާ ޕެކޭޖުތަކާއި ބެހޭ މައުލޫމާތު ހޯދުމަށް 3320800 ނަންބަރު ފޯނަށް ގުޅުމަށް އެ ކުންފުނިން ވަނީ އެދިފަ އެވެ.

ކޮމެންޓް

ފަހުގެ ޚަބަރު

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

Newsletter

Get the latest news delivered straight to your inbox