ޑި ބްރޭނާ އަށް ލިވަޕޫލްގައި ގިނަ މެޗު ކުޅެވޭނެ ކަމުގެ ޔަގީންކަމެއް ނުލިބުނު

Jun 25, 2025, 3:34 AM
ޑި ބްރޭނާ އަށް ލިވަޕޫލްގައި ގިނަ މެޗު ކުޅެވޭނެ ކަމުގެ ޔަގީންކަމެއް ނުލިބުނު

ނޭޕްލްސް (ޖޫން 25) - އިޓަލީގެ ޗެމްޕިއަން، ނަޕޯލީ އަށް ބެލްުޖިއަމްގެ ގައުމީ ޓީމުގެ ތަރި، ކެވިން ޑި ބްރޭނާ ސޮއިކުރުމުގެ ކުރިން ލިވަޕޫލާ އެކު މަޝްވަރާތަކެއް ކުރިއަށްގެންދިޔަ ކަމަށް އިނގިރޭސި މީޑިއާތަކުން ރިޕޯޓްކޮށްފި އެވެ.

މެންޗެސްޓާ ސިޓީ އަށް 10 އަހަރު ކުޅެދިން ޑި ބްރޭނާ، 33، ކެރިއަރުގައި ގިނަ ކާމިޔާބީތަކެއް ހޯދީ އެ ޓީމާ އެކު އެވެ. ދެ އަހަރުގެ ކޮންޓްރެކްޓެއްގައި ނަޕޯލީއާ އެކު ސޮއިކުރުމުގެ ކުރިން، ސިޓީގެ އެންމެ ވާދަވެރި ލިވަޕޫލާ އެކު، ޑި ބްރޭނާ ވަނީ މަޝްވަރާތަކެއް ކުރިއަށް ގެންގޮސްފަ އެވެ.

އެ ގޮތުން، ލިވަޕޫލާ އެކު، ޑި ބްރޭނާ ކުރިއަށްގެންދިޔަ މަޝްވަރާތަކުގައި، ކެރިއަރުގައި މިހާރު އޭނާގެ ވިސްނުން ހުރީ ފިޓްކޮށް ހުންނަ މުއްދަތުގައި ގިނަ މެޗުތަކުގައި ކުޅެ، ވަކި ވަރަކަށް މެޗުތައް ލިބޭ ކޮންޓްރެކްޓެއް ހެދުމަށް ކަމަށްވާތީވެ، ލިވަޕޫލުން އެ ޑީލްގެ ކަންކަން ހުއްޓައިލީ އެވެ. އެއީ، ލިވަޕޫލްގެ ވިސްނުން ހުރީ ޑި ބްރޭނާ، އެންމެ ބޭނުންތެރި މެޗުތަކުގައި ކުޅުވާ ގޮތަށް ކުރު ކޮންޓްރެކްޓެއް ދިނުމަށް ކަމަށްވާއިރު، އެ ގޮތަށް އެކަން ކުރިއަށްދާން ނެތުމުންނެވެ.

ސައުދީ ޕްރޮފެޝަނަލް ލީގުގެ ޓިމުތަކާއި އެމެރިކާ ލީގު މޭޖަ ލީގު ސޮކާ (އެމްއެލްއެސް)ގެ އިންޓަ މިއާމީން ވެސް ޑި ބްރޭނާގެ ސޮއި ހޯދަން ޕްރޮޕޯސަލްތައް ހުށަހެޅި އެވެ. އެކަމަކު، އެންޓޯނިއޯ ކޮންޓޭގެ ކޯޗުކަމުގައި ކުޅޭ ނަޕޯލީން ލިބުނު އޮފާ ބަލައިގަނެ، ޑި ބްރޭނާ އެ ޓީމަށް ސޮއިކުރީ އެވެ.

ކެވިން ޑި ބްރޭނާގެ ބައްޕަ، ހާވިގް ބުނީ، ޑި ބްރޭނާ، ނަޕޯލީ އަށް ސޮއިކުރީ އަދިވެސް އެންމެ މަތީ ފަންތީގައި ކުޅެން ބޭނުންވާތީ ކަމަށެވެ.

ކުރިން އިނގިރޭސި ޕްރިމިއާ ލީގުގެ ޗެލްސީ އަށް ވެސް ކުޅުނު ޑި ބްރޭނާ، ޖަރުމަނުގެ ކުލަބް، ވުލްފްސްބާގް ދޫކޮށް 2015 ވަނަ އަހަރު ސިޓީ އަށް ބަދަލުވީ 63 މިލިއަން ޑޮލަރަށެވެ. ސިޓީއާ އެކު ޑި ބްރޭނާ ގިނަ ކާމިޔާބީތަކެއް ހޯދާފައިވެ އެވެ.

ސިޓީގައި މޮޅު ކުޅުމެއް ދައްކައި، ޖުމްލަ އެކު، 14 ޓްރޮފީ، އެ ޓީމަށް ހޯދަައިދިން ޑި ބްރޭނާ އިންޑިވިޖުއަލް ގިނަ ޓްރޮފީތަކެއް ވެސް ސިޓީގައި ހުރެ ހޯދި އެވެ. އަދި، ޑި ބްރޭނާ ސިޓީއާ އެކު ހޯދި އެންމެ ބޮޑު ކާމިޔާބީ އަކީ، 2023 ވަނަ އަހަރުގެ ޗެމްޕިއަންސް ލީގެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox