ރާއްޖޭގައި ފިއުލް ހެޖިން ނުފެށި އުޅެނިކޮށް ދުނިޔޭގެ ބާޒާރުގައި ތެލުގެ އަގު އުފުލެނީ

މާލޭގައި ހުންނަ އެފްއެސްއެމްގެ ޕެޓްރޯލް ޝެޑެއް. ރާއްޖެއަށް ބޭނުންވާ ހުރިހާ ތެލެއް އިމްޕޯޓް ކުރަނީ މެދުއިރުމަތިން --- ފޮޓޯ: އަތޫފް/އަދަދު

މާލޭގައި ހުންނަ އެފްއެސްއެމްގެ ޕެޓްރޯލް ޝެޑެއް. ރާއްޖެއަށް ބޭނުންވާ ހުރިހާ ތެލެއް އިމްޕޯޓް ކުރަނީ މެދުއިރުމަތިން --- ފޮޓޯ: އަތޫފް/އަދަދު

ސަރުކާރުން ތެޔޮ ގަންނަން ކުރަން ޖެހޭ ހަރަދު ކުޑަކުރުމުގެ މަގުސަދުގައި ފިއުލް ހެޖިން ފެށުމަށް ފާއިތުވި ދެ އަހަރު ވެސް ދައުލަތުގެ ބަޖެޓުގައި ހިމަނާފައި ވަނިކޮށް އެކަން ނުވެ އޮއްވައި ދުނިޔޭގެ ބާޒާރުގައި ތެލުގެ އަގު ބޮޑުތަނުން އުފުލެން ފަށައިފި އެވެ.

މިދިޔަ 2024 ވަނަ އަހަރުގެ ބަޖެޓުގައި އެ މަސައްކަތަށް 300 މިލިއަން ރުފިޔާ ބަޖެޓުގައި ޖެހިއިރު މި އަހަރުގެ ބަޖެޓުގައި އެ މަސައްކަތަށް 216 މިލިއަން ރުފިޔާ އޮތީ ޖަހާފަ އެވެ.

ބަޖެޓުގައި ބޮޑު އަދަދުން ފައިސާ ޖެހި ނަމަވެސް ފިނޭންސް މިނިސްޓްރީގެ އޮފިޝަލަކު އަދަދު އަށް މައުލޫމާތު ދިން ގޮތުގައި އެ މަސައްކަތް މިހާތަނަށް ފެށިފައި ނުވެ އެވެ. އަދިވެސް ވަމުން އަންނަނީ އެކަމުގެ ތައްޔާރީތަކެވެ.

titledesc

ރާއްޖެއަށް ފިއުލް ހެޖު ކުރުމުގެ މަސައްކަތް ނުކުރެވި ވަނިކޮށް ދުނިޔޭގެ ބާޒާރުގައި ތެލުގެ އަގު އުފުލެން ފެށީ މެދުއިރުމަތީގައި ހަނގުރާމަ ފެށުމުންނެވެ. އެގޮތުން، އިޒްރޭލުގެ ހައްދުފަހަނައެޅި އަސްކަރިއްޔާއިން އިރާނަށް ހަމަލާ ދިނުމުން ފާއިތުވި 48 ގަޑިއިރު ތެރޭ ދުނިޔޭގެ ބާޒާރުގައި ތެލުގެ އަގު 10 ޕަސެންޓުން ވަނީ އުފުލިފަ އެވެ.

"ރާއްޖެއިން ރިޒާވުގެ ދަތިކަން ބޮޑުވެފައި އޮއްވައި ތެލުގެ އަގު ބޮޑުވުމުން ރިޒާވު ހިފެހެއްޓުމަށް ސަރުކާރަށް އުނދަގޫވާނެ. މިހާތަނަށް ރިޒާވު މެނޭޖު ކުރެވެން އޮތް ނަސީބަކީ ތެޔޮ އަގުހެޔޮކޮށް ހުރުން. 2022 ގައި ޔޫކްރެއިން ހަނގުރާމަ އާއެކު 130 ޑޮލަރަށް އެރި، މިދިޔަ ދުވަސްކޮޅު އެވްރެޖުކޮށް ހުރީ 60 ޑޮލަރުގައި. ތެލުގެ އަގުބޮޑުވަމުންދާ ވަރަކަށް ސަރުކާރުގެ ރިޒާވަށް އަސަރު ކުރާނެ،" ތެލުގެ އަގޮބޮޑުވުމުން ރާއްޖެއަށް ކުރާނެ އަސަރުތަކާ ގުޅޭގޮތުން މިދިޔަ ސަރުކާރުގައި ފިނޭންސް މިނިސްޓަރުކަން ކުރެއްވި އިބްރާހިމް އަމީރު އަދަދު އަށް ވިދާޅުވި އެވެ.

މި މަސް ފެށުނުއިރު ތެޔޮ ފީފާއެއްގެ އަގު ހުރީ ގާތްގަނޑަކަށް 63 ޑޮލަރަށެވެ. އެކަމަކު އިޒްރޭލު-އިރާން ހަމަލާތައް ފެށުމާ އެކު 10 ޕަސެންޓުން ތެލުގެ އަގު އުފުލި ތެޔޮ ފީފާއެއްގެ އަގު ވަނީ 73 ޑޮލަރަށް އަރާފައެވެ.

އިޒްރޭލުން ވަނީ އިރާނުގައި ހުންނަ ދުނިޔޭގެ އެންމެ ބޮޑު ގޭސް ފީލްޑު އަދި ވެރިރަށުގައި ހުންނަ ގޭސް ރައްކާކުރާ މަރުކަޒަކަށް ވެސް ހަމަލާ ދީފަ އެވެ. މި ހަމަލާތަކާ ގުޅިގެން ހޮރުމުޒު ކަނޑުއޮޅި ބަންދުކުރަން އީރާނުން ވިސްނަމުންދާ ކަމަށް ބޭރުގެ މީޑިއާތަކުން ރިޕޯޓުކޮށްފައި ވެ އެވެ.

އެ ކަނޑުއޮޅިއަކީ ދުނިޔޭގެ ގައުމުތަކުން ގަންނަ ތެލުގެ 20 ޕަސެންޓު ދަތުރުކުރާ ކަނޑުއޮޅި އެވެ. ކަނޑުމަގެން ގެންދާ ތެލުގެ 30 ޕަސެންޓު ހޮރުމުޒު ކަނޑުއޮޅި ހުރަސް ކުރާނެ އެވެ. އޭގެ އިތުރުން، ލިކުއިފައިޑް ނެޗުރަލް ގޭސް (އެލްއެންޖީ) ގެ 25 ޕަސެންޓު ގައުމުތަކަށް ގެންދަނީ ވެސް އެ ކަނޑުއޮޅި ހުރަސްކޮށެވެ.

ދުނިޔޭގެ ބާޒާރުގައި ތެލުގެ އަގު އުފުލުން ވެގެންދާނީ ރާއްޖެއަށް ވެސް އޭގެ އަސަރު ކުރާނެ ކަމަކަށެވެ. ވަކިން ހާއްސަކޮށް ދައުލަތުގެ ރިޒާވުން ތެޔޮ ގަންނަން ކުރާ ހޭދަ ބޮޑުތަނުން މީގެ ސަބަބުން އިތުރުވެގެންދާނެ އެވެ. އެންމެފަހުން 2022 ގައި ރަޝިއާ-ޔޫކްރެއިން ހަނގުރާމަ އާއެކު ވެސް ރާއްޖޭގެ ތެޔޮ ބިލު ދެ ގުނަވެ ރިޒާވަށް ވަރަށް ބާރުބޮޑުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox