ލެވަންޑޯސްކީ ގައުމީ ޓީމު ބޮއިކޮޓް ކުރުމުން ޕޮލެންޑް ކޯޗުކަމުން ޕްރޮބިއާޒް އިސްތިއުފާދީފި

Jun 13, 2025, 9:13 AM
ޕޮލެންޑްގެ ކޯޗު ޕްރޮބިއާޒް (ކ) އާއި ލެވަންޑޯސްކީ.

ޕޮލެންޑްގެ ކޯޗު ޕްރޮބިއާޒް (ކ) އާއި ލެވަންޑޯސްކީ.

ވޯސޯ، ޕޮލެންޑް (ޖޫން 13) - ޕޮލެންޑްގެ ކޯޗަކަށް މިޝަލް ޕްރޮބިއާޒް ހުއްޓައި، ދެން ގައުމީ ޓީމަށް ނުކުޅޭނެކަަމަށް، އެ ޓީމުގެ ތަރި، ރޮބަޓް ލެވަންޑޯސްކީ ނިންމައި، ގައުމީ ޓީމު ބޮއިކޮޓްކުރުމާ އެކު، ޕްރޮބިއާޒް މަގާމުން އިސްތިއުފާދީފި އެވެ.

ލެވަންޑޯސްކީ، 36، އަތުން ކެޕްޓަން ބޭންޑް ނަގަން، ޕްރޮބިއާޒް ނިންމުމުން އެކަމާ ވަނީ މައްސަލަ ގޯސްވެފަ އެވެ. ޕޮލެންޑް އެފްއޭ އިން ހާމަކުރި ގޮތުގައި، ލެވަންޑޯސްކީ އަތުން ކެޕްޓަން ބޭންޑް ނަގައި، ޕިއޮޓްރޭ ޒިއެލިންސްކީއާ ހަވާލުކުރަން، ޕްރޮބިއާޒް ވަނީ ނިންމައިފަ އެވެ. މިކަމާ މެދު ހިތްހަމަނުޖެހުން ފާޅުކޮށް، ބާސެލޯނާ އަށް ކުޅެމުން އަންނަ ލެވަންޑޯސްކީ، ސޯޝަލް މީޑިއާގައި ލިޔެފައިވަނީ، މި ދިމާވި ކަންތައްތަކަށް ފަހު، ކޯޗު ޕްރޮބިއާޒް އަށް އޮތް އިތުބާރު ގެއްލިފައިވާ ކަމަށާއި، ޕްރޮބިއާޒް ހުއްޓައި، ގައުމީ ޓީމަށް ދެން ނުކުޅޭނެ ކަމަށެވެ.

Advertisement

އޭގެ ފަހުން، ވޯލްޑް ކަޕް ކޮލިފައިންގައި، ފިންލެންޑް އަތުން 2-1 އިން ޕޮލެންޑް ބަލިވި މެޗަށް ފަހު، ޕްރޮބިއާޒް އަށް އޮތް ޕްރެޝަރު ބޮޑުވެ، އޭނާ މަގާމުން އަމިއްލަ އަށް ދުރުވީ އެވެ. ޕްރޮބިއާޒް ބުނީ، މިހާރު ދިމާވެފައި އޮތް ހާލަތަށް ބަލާއިރު، އޭނާ އަށް ފެންނަ ގޮތުގައި، އެންމެ ރަނގަޅު ނިންމުމަކަށްވާނީ، ގައުމީ ޓީމާ ދުރުވުން ކަމަށެވެ.

"މި މަގާމުގައި ހުރެ، ޕްރޮފެޝަނަލްކޮށް ކަންކަން ކުރުމަކީ، އަހަރެންގެ ހުވަފެނެއް. މިއީ، އަހަރެންގެ ހަޔާތުގައި ވެސް ފަހުރުވެރިކަމާ އެކު އަދާކުރި ވަޒީފާއެއް. އަހަރެން އެދެނީ ޕޮލެންޑަށް ކާމިޔާބަށް، އުންމީދަކީ ރަނގަޅަށް ދިއުން، ގައުމީ ޓީމަކީ އަހަރެމެން އެންމެންގެ ހައްގު އޮންނަ ކަމެއް،" 2023، ވަނަ އަހަރުގެ ސެޕްޓެމްބަރު މަހު، ޕޮލެންޑާ ހަވާލުވި ޕްރޮބިއާޒް ބުންޏެވެ.

އޭނާގެ ކޯޗުކަމުގައި ޕޮލެންޑުން ކުޅުނު 21 މެޗުގެ ތެެރެއިން، ނުވަ މެޗުން މޮޅުވިއިރު، ހަތް މެޗުން ބަލިވެ، ފަސް މެޗު ނިމުނީ އެއްވަރުވެގެންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox