ހައި ކޯޓުގެ އިސް ފަނޑިޔާރު، މުހައްމަދު ފައިސަލް އާއި ސުޕްރީމް ކޯޓުގެ ކުރީގެ ފަނޑިޔާރު، އަބްދުލް ގަނީ މުހައްމަދު ހިމެނޭ ގޮތަށް ސުޕްރީމް ކޯޓުގެ ފަނޑިޔާރުކަމަށް ޖުމުލަ 12 ބޭފުޅުން ކުރިމަތިލައްވައިފި އެވެ.
ސުޕްރީމް ކޯޓުގެ ހުސްވެފައިވާ ފަނޑިޔާރުކަމުގެ ދެ މަގާމަށް ކުރިމަތިލުމަށް ހުޅުވައިލި ފުރުސަތުގައި ކުރިމަތިލެއްވި ބޭފުޅުންނަކީ:
- މުހައްމަދު ފައިސަލް، ވީނަސް، ބ. ފުޅަދޫ
- މުހައްމަދު ވަހީދު އިބްރާހިމް، މއ. އައިވަރީ ކޯސްޓު، ކ. މާލެ
- އިބްރާހިމް އަލީ، ކ. މާލެ
- މުހައްމަދު އިބްރާހިމް، ދާރުއްސަލާމް، ގއ. ކޮނޑޭ
- އަބްދުالله ހަމީދު، ނޫރާނީމާގެ، ނ. ހެނބަދޫ
- އަބްދުލް ގަނީ މުހައްމަދު،
- ސުޖާއު އުސްމާން، ހިލިހިލާއާގެ، ގއ. ވިލިނގިލި
- މުހައްމަދު ސަލީމް، މޯނިން ވިލާ، ފ. ބިލެއްދޫ
- އަހުމަދު ހައިލަމް، އޯޝަން ލީޑް، ސ. ހިތަދޫ
- މުހައްމަދު ރާގިބު އަހުމަދު،
- އައިޝަތު ފަޒްނާ އަހުމަދު، މާލެ ދަފުތަރު ނަންބަރު ރސ. 5514
- މަރްޔަމް ނިހާޔަތު
ސުޕްރީމް ކޯޓުގެ ފަނޑިޔާރުކަމަށް ކުރިމަތިލުމުގެ ފުރުސަތު ހުޅުވައިލީ މެއި 17، ގަ އެވެ.
އެ ކޯޓުގެ ބެންޗުން ދެ ޖާގަ ހުސްވީ ސަރުކާރުން ނުފޫޒު ފޯރުވައި، ފަނޑިޔާރުކަމުން ޑރ. އަޒްމިރާލްދާ ޒާހިރާއި ފަނޑިޔާރު މަހާޒް އަލީ ޒާހިރު ވަކިކުރުމުންނެވެ. ޖޭއެސްސީން ނިންމި ގޮތަށް ދެ ފަނޑިޔާރުން ވަކިކުރަން ރައްޔިތުންގެ މަޖިލީހުން ފާސްކުރީ މެއި 14، ގަ އެވެ.
ޖޭއެސްސީއިން ސުޕްރީމް ކޯޓުގެ ފަނޑިޔާުރުންތަކެއްގެ މައްސަލަ ކުއްލި ގޮތަކަށް ބަލަން ފެށީ، ސިޔާސީ ޕާޓީތަކުން ބޭނުންވެއްޖެ ހާލަތެއްގައި ރައްޔިތުންގެ މަޖިލީހުގެ މެންބަރުންގެ ގޮނޑި ގެއްލުވައިލެވޭ ގޮތަށް ގާނޫނުއަސާސީއަށް ގެނައި އިސްލާހުގެ މައްސަލަ އެ ކޯޓުން ބަލަން ފެށުމުންނެވެ.
ފަނޑިޔާރުންގެ މައްސަލަ ބަލާ ކޮމިޓީގައި ޖޭއެސްސީން ހިމެނީ ތިން މެންބަރެކެވެ. އޭގެ ތެރޭގައި ރައީސް މުއިއްޒު އައްޔަން ކުރައްވާފައިވާ ދެ މެންބަރަކު ހިމެނެ އެވެ. އެއީ ޖޭއެސްސީއަށް ރައީސް އައްޔަން ކުރައްވަންޖެހޭ މެންބަރުގެ އިތުރުން ސިވިލް ސާވިސް ކޮމިޝަނުގެ ރައީސް އެވެ.
