މަޝްހޫރު ވީޑިއޯ ގޭމް ފޯޓްނައިޓްގެ ޕްލޭޔަރުންނަށް އުފާވެރި ހަބަރެއް ލިބިއްޖެއެވެ. އެޕިކް ގޭމްސްއިން ފޯޓްނައިޓް ސްކައިލައިން ޕެކް ހިލޭ ދޫކުރަން ފަށައިފި އެވެ. މި ޕެކްގައި ހިމެނެނީ ދެ ވައްތަރެއްގެ "ރެޕް" އެވެ.
މި ހިލޭ ޕެކް ލިބެން ފަށާފައިވަނީ އެޕިކް ގޭމްސް ސްޓޯރުގައި ކުރިއަށްދާ "މެގަ" ސޭލްއާ ގުޅިގެންނެވެ. މި ސޭލްގައި ރޮކެޓް ލީގް އަދި ފޯލް ގައިސް ފަދަ އެހެން ގޭމްތަކުގެ ހިލޭ އައިޓަމްތައްވެސް ލިބެން ހުންނާނެ އެވެ.
ފްރޮސްޓެޑް ސްކައިލައިން ޕެކްގައި ހިމެނޭ ދެ ރެޕްއަކީ އާކްޓިކް އުޑުގެ މަންޒަރުތަކުން އިންސްޕަޔާ ވެގެން ހަދާފައިވާ ރެޕްތަކެކެވެ. އޭގެ ތެރެއިން އެއް ރެޕް، އައިސްގަނޑުގެ މަންޒަރަށް ނިސްބަތްވާއިރު، އަނެއް ރެޕްގައި ވަނީ ނޯދަން ލައިޓްސްގެ އަލީގެ އަސަރުތަކެވެ.
މި ހިލޭ ޕެކް ހޯދުމަށް ޕްލޭޔަރުން އެޕިކް ގޭމްސް ސްޓޯރުއަށް ޒިޔާރަތްކޮށް، އެތަނުން މި ޕެކް ކްލެއިމް ކުރަން ޖެހޭނެ އެވެ. މި ރެޕްތަކަކީ ހަތިޔާރުތަކުގެ ބޭރު ފުށުގެ ސިފަ ބަދަލުކުރުމަށް ބޭނުންކުރެވޭ ހާއްސަ ޕެޓާންތަކެކެވެ.
ފޯޓްނައިޓްގެ އަޕްޑޭޓް ލަސްވުމާ ގުޅިގެން ޕްލޭޔަރުންނަށް ދެވޭ ބަދަލެއްގެ ގޮތުގައި މި ޕެކް ދޫކުރަނީ ކަމަށް ބައެއް ފަރާތްތަކުން ދުށް ނަމަވެސް، އެޕިކް ގޭމްސްއިން ބުނެފައިވަނީ މިއީ ހަމަ އިއްތިފާގެއް ކަމަށެވެ.
ފޯޓްނައިޓްގެ ޕްލޭޔަރުންނަށް މި ފުރުސަތު ލިބެން އޮތީ މަދު ދުވަސްކޮޅަކަށް ކަމަށްވުމާއެކު، ވީހާވެސް އަވަހަކަށް މި ހިލޭ ޕެކް ހޯދުމަށް އެޕިކް ގޭމްސް ސްޓޯރަަށް ޒިޔާރަތްކުރުމަށް ޕްލޭޔަރުންނަށް އިރުޝާދު ދެވިފައިވެ އެވެ.
ހިލޭ ފްރޮސްޓެޑް ސްކައިލައިން ރެޕްތައް ހޯދާނެ ގޮތް
މި ރެޕްތައް ހޯދުމަށް ޕްލޭޔަރުން އެޕިކް ގޭމްސް ސްޓޯރަށް ޒިޔާރަތްކުރަން ޖެހޭނެ އެވެ. އައިޓަމް ޝޮޕްގައި މި ރެޕްތައް ނުހުންނާނެ އެވެ. ޕީސީ ބޭނުންކުރާ ފަރާތްތަކަށް މިކަން ފަސޭހައިން ކުރެވޭނެ އެވެ. ނަމަވެސް ކޮންސޯލް ބޭނުންކުރާ ފަރާތްތަކަށް މިއަށްވުރެ ދަތިވާނެ އެވެ.
ކޮންސޯލް ބޭނުންކުރާ ފަރާތްތަކަށް އެންމެ ފަސޭހައިން މި ރެޕްތައް ހޯދޭނީ ފޯޓްނައިޓްގެ ވެބް ސްޓޯރު މެދުވެރިކޮށެވެ. މި ރެޕްތައް ހޯދުމަށް އަންނަނިވި ފިޔަވަޅުތައް ފުރިހަމަ ކުރަންވާނެއެވެ:
- ފޯޓްނައިޓްގެ ސްޓޯ ވެބްސައިޓަށް ޒިޔާރަތްކުރުން
- ފްރޮސްޓެޑް ސްކައިލައިން ޕެކް ހޯދުން (ސާޗް ކުރެވިދާނެ)
- "ގެޓް" ބަޓަން ކްލިކްކުރުން
- ޖެހިގެން އަންނަ ސަފުހާގައި "ކޮންފާމް" ބަޓަން ކްލިކްކުރުން
- "ތޭންކްސް ފޯ ޔުއާ އޯޑާ" ސަފުހާއެއް ފެންނާނެ
މި ހުރިހާ ފިޔަވަޅެއް ފުރިހަމަކުރުމަށްފަހު، ދެން ފަހަރަކު ފޯޓްނައިޓަށް ލޮގިން ވާއިރު ފްރޮސްޓެޑް ސްކައިލައިން ރެޕްތައް ލިބިފައި ހުންނާނެ އެވެ.
