މިނާވަރު އަތުލީ ސިޔާސީ މަގުސަދެއްގައި ސިޔާމަށް ޖެއްސުންކޮށް އަނިޔާވެރިވުމަށް: އައްބާސް

އެމްޑީއޭގެ ނައިބު ރައީސް މުހައްމަދު އައްބާސް: އޭނާ ވިދާޅުވީ ސަރުކާރުން މިނާވަރު އަތުލީ ސިޔާސީ މަގުސަދެއްގައި ސިޔާމަށް ޖެއްސުންކޮށް އަނިޔާވެރިވުމަށް ކަމަށް --- ފޮޓޯ: ރައްޔިތުންގެ މަޖިލިސް

އެމްޑީއޭގެ ނައިބު ރައީސް މުހައްމަދު އައްބާސް: އޭނާ ވިދާޅުވީ ސަރުކާރުން މިނާވަރު އަތުލީ ސިޔާސީ މަގުސަދެއްގައި ސިޔާމަށް ޖެއްސުންކޮށް އަނިޔާވެރިވުމަށް ކަމަށް --- ފޮޓޯ: ރައްޔިތުންގެ މަޖިލިސް

ދ. މީދޫ ދާއިރާގެ ރައްޔިތުންގެ މަޖިލީހުގެ މެންބަރު އަހުމަދު ސިޔާމް މުހައްމަދުގެ ކުންފުންޏަކަށް ދަނޑުވެރިކަމަށް ދޫކޮށްފައިވާ ނ. މިނާވަރު އަތުލަން ސަރުކާރުން ނިންމީ ސިޔާސީ މަގުސަދެއްގައި ސިޔާމަށް ޖެއްސުންކޮށް އަނިޔާވެރިވުމަށް ކަމަށް ރައްޔިތުންގެ މަޖިލީހުގެ ވެލިދޫ ދާއިރާގެ މެންބަރު މުހައްމަދު އައްބާސް ވިދާޅުވެއްޖެ އެވެ.

ސިޔާމުގެ އެމްޑީއޭގެ ނައިބު ރައީސްކަން ވެސް ކުރައްވާ އައްބާސް މިއަދު ނެރުއްވި ބަޔާނެއްގައި ވިދާޅުވީ މިނާވަރު އަތުލުމުގައި ސަރުކާރުން އަމަލުކޮށްފައިވަނީ ގާނޫނުތަކާއި ގަވާއިދުތަކާ ހިލާފަށް ކަމަށެވެ. އޭނާ ސިފަކުރެއްވި ގޮތުގައި މިއީ ސިޔާސީ ގޮތުން ރައީސް ޑރ. މުހައްމަދު މުއިއްޒުގެ ސަރުކާރުން ބަދަލު ހިފުމަށް ކުރި ކަމެއްގެ ގޮތުގަ އެވެ.

"އެ ރަށް އަތުލާފައި އެވަނީ ސިޔާސީ މަގުސަދެއްގައި އޮނަރަބަލް އަހުމަދު ސިޔާމް އަހުމަދަށް ޖެއްސުންކޮށް އަނިޔާވެރިވުމަށް ކަމުގައި ދަންނަވަން ޖެހޭ،" އައްބާސްގެ ބަޔާނުގައި ވިދާޅުވެފައިވެ އެވެ.

Advertisement

މިނާވަރަކީ 2010 އިން ފެށިގެން ސިޔާމުގެ ރަށެކެވެ. އޭނާ އެ ރަށް ހޯދީ ދަނޑުވެރިކަން ކުރުމަށް ސަރުކާރުން އެ ރަށް ދޫކޮށްފައި އޮތް އިމްޕެކްސް ފިޝަރީޒް މޯލްޑިވްސް ކުންފުނި ބައްލަވައިގަނެގެންނެވެ. އޭގެ ފަހުން އެ ރަށް ބޭނުންކުރަމުން ގޮސްފައިވަނީ ސިޔާމުގެ ނ. އަތޮޅުގައި އޮންނަ ސިޔާމުގެ ދެ ރިސޯޓަށް ސަޕްލައި ކުރުމަށާއި މާރުކޭޓަށް ސަޕްލައި ކުރުމަށެވެ.

މި ރަށް އަތުލަން ނިންމީ އެއްބަސްވުމާއި އެއްގޮތަށް ކަންކަން ރަނގަޅު ކުރުމަށް މުއްދަތެއްދީ، އެ މުއްދަތުގައި އެއްވެސް ކަމެއް ރަނގަޅު ނުކުރުމުންކަމަށް ސަރުކާރުން ބުނެފައިވެ އެވެ. އައްބާސް ވަނީ މިކަން ދޮގުކުރައްވާފަ އެވެ. މިއީ ހަގީގަތް އޮޅުވާލަން ކުރި ކަމެއްގެ ގޮތުގައި އޭނާ ސިފަކުރެ އެވެ.

އައްބާސް ވިދާޅުވި ގޮތުގައި އެގްރިކަލްޗާ މިނިސްޓްރީން މިނާވަރުގެ އިންސްޕެކްޝަނެއް ހެދުމަށް މިދިޔަ އަހަރުގެ ފަހުކޮޅު ދިޔަ އެވެ. އެ ދަތުރުގައި ފާހަގަވި ކަންކަން ރިޕޯޓެއްގެ ސިފައިގައި ނުވަތަ ލިޔުމަކުން ވެސް ހިއްސާނުކުރާ ކަމަށާއި އެއްބަސްވުމާ އެއްގޮތަށް މަސައްކަތް ނުކުރާ ކަމަށް ބުނެ މިނިސްޓްރީން ސިޓީއެއް ފޮނުވީ ދަތުރުގެ ހަތް މަސް ފަހުން ކަމަށް ވެސް އައްބާސް ވިދާޅުވި އެވެ.

މިނިސްޓްރީން އެންގި ކަންކަން 30 ދުވަހުގެ ތެރޭ ރަނގަޅުކޮށް މިނިސްޓްރީއަށް ރިޕޯޓު ހުށަހެޅި ކަމަށާއި އޭގެ ފަހުން މިނިސްޓްރީން މިދިޔަ މަހު އިތުރު ދަތުރެއް ކުރި ކަމަށްވެ އެވެ. މި ދަތުރުގައި ސިވިލް ސާވިސް މުވައްޒަފުން ގެންދަން އޮތް އޮތުން ބަދަލުކޮށް ތިން ސިޔާސީ މުވައްޒަފުން ފޮނުވިކަން އައްބާސް ވަނީ ފާހަގަކުރައްވާފަ އެވެ.

"ދެންނެވުނު ސިޔާސީ ފަރާތްތަކުން ނ. މިނާވަރު އިންސްޕެކްޓްކޮށް، ރިޕޯޓެއް ތައްޔާރުކޮށްފައި ވާކަމަށާއި، އެ ރިޕޯޓުގައި ރަށުގެ އެއްބަސްވުމާއި އެއްގޮތަށް ކުރަން ޖެހޭ ކަންކަން ފުރިހަމަ ކޮށްފައި ހުރިހާ ކަމަށާއި، ރަށުގެ ހާލަތާއި މަސައްކަތް ވެސް ވަރަށް ރަނގަޅުކަމަށް ބަޔާންކޮށްފައިކަން ވަނީ ރިޕޯޓްގައި ބަޔާންކޮށްފަ،" އައްބާސްގެ ބަޔާނުގައި ވިދާޅުވެފައިވެ އެވެ.

އޭނާ ރިއާޔަތްކުރި ރިޕޯޓުގެ ކޮޕީއެއް މި ނޫހުގެ ނޫސްވެރިން ބެލިއިރު، އެ ދަތުރުގައި ބައިވެރިވީ ސިޔާސީ މުވައްޒަފުން ކަމާއި ރަށުގެ މަސައްކަތް އެއްބަސްވުމާ އެއްގޮތަށް ކުރިއަށްދާ ކަމަށް ބުނެފައިވާކަން ވަނީ ކަށަވަރުވެފަ އެވެ.

އައްބާސްގެ ބަޔާނުގައި އިތުރަށް ވިދާޅުވެފައި ވަނީ މިނާވަރު އަތުލުމަށް ސަރުކާރުން ކުރި މަސައްކަތުގައި ސަރުކާރުން ގާނޫނާ ހިލާފާށް ކޮށްފައިވާ ކަންކަމެވެ. އެ ގޮތުން އެއްބަސްވުމާ އެއްގޮތަށް މަސައްކަތް ކުރިއަށް ނުދާނަމަ ކަނޑައެޅިފައިވާ ހަމައަކީ 20،000ރ. އަށްވުރެ ބޮޑު ނޫން ޖޫރިމަނާއެއް ކުރުން ކަން އޭނާ ފާހަގަކުރައްވާފައިވެ އެވެ.

"ރަށް އަނބުރާ ނެގޭނެ އެއްވެސް ގާނޫނީ ހަމައެއް މިނިސްޓްރީއަށް ލިބިގެން ނުވާކަން ފާހަގަ ކުރަން. މީ ކަޑައެޅިގެން ހެދި ބޮޑު ދޮގެއް. އުސޫލާއި އިންސާފުން ބޭރުން އޮޅުވާލި އޮޅުވާލުމެއް،" އޭނާ ވިދާޅުވި އެވެ.

މީގެ އިތުރުން، މިނާވަރު އިންސްޕެކްޓްކުރަން ދިޔަ ސިޔާސީ މުވައްޒަފުން ހާޒިރުކޮށް އެ ރަށް އަތުލަން ރައީސް އޮފީހުން ބޭނުންވާކަން އެގްރިކަލްޗާ މިނިސްޓަރު ޑރ. މަރިޔަމް މާރިޔާ ދެންނެވި ކަމަށް ވެސް އައްބާސް ތުހުމަތުކުރައްވާފައިވެ އެވެ.

ފަޅު ރަށްރަށާ ބެހޭ ގާނޫނަށް ހަވާލާދީ އައްބާސްގެ ބަޔާނުގައި ބުނެފައި ވަނީ އެ ގާނޫނުގެ ދަށުން ކުއްޔަށް ދީފައިވާ ރަށެއް، މުއްދަތު ހަމަވުމުގެ ކުރިން އަތުލެވޭނީ ދެ އަހަރުގެ ނޯޓިސް އެއް ދިނުމަށްފަހު ކަމަށެވެ.

ބަޔާން ނިންމާލަމުން ވެސް އައްބާސް ވިދާޅުވީ، މިއީ ވަކި ފަރާތަކަށް އަމާޒުކޮށް އަޅާ ބޭއިންސާފު ފިޔަވަޅެއް ކަމަށާއި ސަރުކާރުގެ މި އަމަލަކީ ހުދުމުހުތާރުކަމާއެކު ހިންގާފައިވާ ބޭއިންސާފުގެ އަމަލެއް ކަމަށެވެ.

ފާހަގަކޮށްލެވޭ ގޮތުގައި ސަރުކާރުން މިފަދަ ނިންމުމެއް ނިންމާފައި މިވަނީ، ޕީޕަލްސް ނެޝަނަލް ކޮންގްރެސް (ޕީއެންސީ) ސަރުކާރުގެ ކޯލިޝަނުގައި ސިޔާމުގެ އެމްޑީއޭ ނެތް ކަމަށް ރައީސް ޑރ. މުހައްމަދު މުއިއްޒު ވިދާޅުވިތާ ދެ ދުވަސް ފަހުންނެވެ.

ހޮނިހިރު ދުވަހު ބޭއްވި ނޫސްވެރިންގެ ބައްދަލުވުމުގައި ރައީސް މުއިއްޒު ވިދާޅުވީ މި ވަގުތު ސަރުކާރުގައި އޮތީ އެ ޕާޓީ އެކަނި ކަމަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox