ޔާމީން ރަޝީދު މަރާލި މައްސަލައިގެ ތަހުގީގީ ހޯދުންތައް ހާމަކުރަންވީ ވައުދު ފުއްދަން ގޮވާލައިފި

Apr 23, 2025, 3:18 PM
މަރާލާފައިވާ ބްލޮގަރު ޔާމީން ރަޝީދު: އޭނާ މަރާލި މައްސަލައިގައި ދެ މީހަކު ތިބީ އުމުރު ދުވަހުގެ ޖަލު ހުކުމެއްގައި --- އަދަދު ފައިލް ފޮޓޯ

މަރާލާފައިވާ ބްލޮގަރު ޔާމީން ރަޝީދު: އޭނާ މަރާލި މައްސަލައިގައި ދެ މީހަކު ތިބީ އުމުރު ދުވަހުގެ ޖަލު ހުކުމެއްގައި --- އަދަދު ފައިލް ފޮޓޯ

މީގެ އަށް އަހަރު ކުރިން ވަރަށް އަނިޔާވެރިކޮށް މަރާލި ބްލޮގަރު ޔާމީން ރަޝީދުގެ މައްސަލައިގައި ތަހުގީގީ ހޯދުންތައް ހާމަކުރަން ރައީސް ޑރ. މުހައްމަދު މުއިއްޒު ވެވަޑައިގެންނެވި ވައުދު ފުއްދުމަށް ގުޅިފައިވާ މަދަނީ ޖަމިއްޔާތަކަކުން ސަރުކާރަށް ގޮވާލައިފި އެވެ.

ޔާމީންގެ މަރަށް އަށް އަހަރު ފުރުމާ ގުޅިގެން، ހަތް ޖަމިއްޔާއެއް ގުޅިގެން ނެރުނު ނޫސް ބަޔާނެއްގައި ވަނީ މަރުތަކާއި ގެއްލުވާލާފައިވާ މީހުންގެ މައްސަލަ ބެލުމަށް އުފެއްދި ކޮމިޝަން (ޑީޑީކޮމް) ގެ ތަހުގީގުގެ ހޯދުންތައް އާއިލާތަކާއި އާންމުންނަށް ހާމަކޮށްދޭން ވައުދުވީ ކަމަށެވެ. އެ ވައުދު ފުއްދެވުމަށް ރައީސް ޑރ. މުހައްމަދު މުއިއްޒު އާއި ބަންޑާރަނައިބު އަހުމަދު އުޝާމަށް ޖަމިއްޔާތަކުން ގޮވާލާފައިވެ އެވެ.

މި ވައުދު ފުއްދަން ގޮވާލުމުގެ އިތުރުން އެ ޖަމިއްޔާތަކުން ވަނީ އެ ގަތުލުގެ މައްސަލައިގައި އިންސާފަށް ހުރަސްއެޅި މީހުންގެ މައްސަލަ ތަހުގީގުކޮށް، އެ މީހުންނަށް ގާނޫނީ ފިޔަވަޅު އެޅުމަށް ވެސް ސަރުކާރަށް ގޮވާލާފަ އެވެ.

ޑީޑީކޮމްއިން ބެލި މައްސަލަތަކާ ގުޅޭ ގޮތުން ޖަމިއްޔާތަކުން ބުނި ގޮތުގައި، ޔާމީން ރަޝީދުގެ ގަތުލުގެ މައްސަލަ ހިމެނޭހެން އެ ކޮމިޝަނާ 27 މައްސަލަ ހަވާލުކުރި ނަމަވެސް އެއްވެސް މައްސަލައެއްގައި ވެސް އެއްވެސް މީހަކު އިންސާފުގެ ކުރިމައްޗަށް ނުގެނެވެ އެވެ.

އޭގެ އިތުރުން މިދިޔަ އަހަރު ރައީސްގެ އެންގުމަށް އެ ކޮމިޝަންގެ ދައުރު ނިންމާލިއިރު، އަނިޔާ ލިބުނު މީހުންގެ އާއިލަތަކާއި ޖަމިއްޔާތަކަށް ކޮމިޝަންގެ ހޯދުންތައް ހާމަކުރަން އިންކާރުކުރި ކަމަށް ވެސް އެ ބަޔާނުގައި ބުނެފައިވެ އެވެ. ނަމަވެސް ސަރުކާރުން އެ ކޮމިޝަންގެ ރިޕޯޓުތައް އާންމުކުރާނެ ކަމުގެ ޔަގީންކަން އާންމުންނަށް ދިން ކަަމަށް ޖަމިއްޔާތަކުން ބުނެފައިވެ އެވެ.

ސަރުކާރުތަކުންނާއި ސިޔާސީ ފަރާތްތަކުން ވަނީ ޔާމީން ރަޝީދުގެ ގަތުލާއި އަހުމަދު ރިލްވާން އަބްދުﷲ ގަދަކަމުން ގެއްލުވައިލި މައްސަލަތަކުގެ ނާޖާއިޒު ސިޔާސީ ފައިދާއިން އިންތިހާބުތަކުގައި ވޯޓު ހޯދުމަށް އެ މައްސަލަތައް ބޭނުންކޮށްފަ. ފާއިތުވީ އަށް އަހަރު ދުވަހު މަދަނީ ޖަމާއަތްތަކުން އެދިފައިވާ ކަންތައްތައް ތަކުރާރުކުރަމުން ކުށް ކުރި މީހުން އިންސާފުގެ ކުރިމައްޗަށް ގެނައުމަށް ގޮވާލަން،" އެ ބަޔާނުގައިވެ އެވެ.

ޔާމީން ރަޝީދު މާލޭގައި ދިރިއުޅުނު ގޭގެ ސިޑި ކައިރީގައި ގަތުލުކުރި ކަމުގެ ދެ މީހެއްގެ މައްޗަށް ސާބިތުވެ، އެ މީހުން ތިބީ އުމުރު ދުވަހުގެ ޖަލު ހުކުމެއްގަ އެވެ. އެ މައްސަލައިގައި ކުށް ސާބިތުވީ މ. އަންނާރުމާގޭ، އިސްމާއީލް ހައިޝަމް ރަޝީދު އަދި މ. އިރާސްމިކުގޭ، އަހުމަދު ޒިހާން އިސްމާއީލްގެ މައްޗަށެވެ.

މި މައްސަލައިގައި ދައުލަތުން ދައުވާ ކުރި އަނެއް ހަތަރު މީހުންގެ މައްޗަށް ކުށް ސާބިތެއް ނުވާކަމަށް ކޯޓުން ކަނޑައެޅި އެވެ. އެއީ، މ. ތާއިފް، އިސްމާއީލް ރަޝީދާއި މ. ކޮޅުފުށީ އީސްޓް، ހުސައިން ޒިޔާދާއި މ. ކުދެހިގޭ، ހަސަން ޝިފާޒާއި ގދ. ގައްދޫ، ސިންދުބާދުގޭ، މުހައްމަދު ދިފްރާނެވެ.

ޔާމީންގެ މަރުގެ މައްސަލައިން ސަލާމަތްވީ މީހުންގެ ތެރެއިން އިސްމާއިލް ރަޝީދާއި މުހައްމަދު ދިފްރާނުގެ މައްސަލަ ވަނީ ހައި ކޯޓުގައި އިސްތިއުނާފުކޮށްފަ އެވެ. އެ މައްސަލައިގައި ދެން ތިބި ދެ މީހުންގެ މައްސަލަ އިސްތިއުނާފުނުކުރީ އެކަށީގެންވާ ހެކި ނެތުމުން ކަމަށް ޕްރޮސެކިއުޓާ ޖެނެރަލް އޮފީހުން އޭރު ބުނެފައިވެ އެވެ.

މި ގަތުލުގައި އަމަލީ ގޮތުން ބައިވެރިވީ މީހުންގެ އިތުރުން، އެހެން ތިން މީހަކަށް ވެސް މި ކުށުގައި ބައިވެރިވުމުގެ ތުހުމަތު ކުރެވުނެވެ. އެ ތިން މީހުން ވެސް ވަނީ އެކަަށީގެންވާ ހެކި ނެތިގެން ކަމަށް ބުނެ ދޫކޮށްލާފަ އެވެ. އެ ތިން މީހުންނަކީ އިސްމާއިލް އަބްދުއްރަހީމް އާދަމް (އިސޫ) އާއި އަހުމަދު އިސްމާއިލް (ބުރު އަހަނދު) އަދި އަހުމަދު މުއާޒް (ގަޓް މުއާ) އެވެ.

މި ތިން މީހުންނަކީ ޑީޑީކޮމްއިން ތައްޔާރުކުރި ރިޕޯޓުތަކުގެ މައްޗަށް ބިނާކޮށް ކުށުގެ ތުހުމަތުކުރެވުނު މީހުންނެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox