ކުޑަކުދިން ބަންދު ކުރާ ސެންޓަރު ތަރައްގީ ކުރާނެ ބަޔަކު ހޯދަނީ، ބަދަލުގައި ލިބެނީ ވާނީ އާއި ދެ ފަޅު

Apr 20, 2025, 6:47 PM
ހޯމް މިނިސްޓަރު އަލީ އިހުސާން: ކުށުގެ ޒިންމާ އުފުލަންޖެހޭ އުމުރު 12 އަށް ތިރި ކުރަން ވެސް ސަރުކާރުން ބޭނުންވޭ -- ފޮޓޯ: އަދަދު ފައިލް

ހޯމް މިނިސްޓަރު އަލީ އިހުސާން: ކުށުގެ ޒިންމާ އުފުލަންޖެހޭ އުމުރު 12 އަށް ތިރި ކުރަން ވެސް ސަރުކާރުން ބޭނުންވޭ -- ފޮޓޯ: އަދަދު ފައިލް

ކުޑަކުދިން ބަންދުކޮށް އަދި ރިހެބިލިޓޭޓު ކުރަން އުތުރުތިލަފަޅުގައި "ހޯޕް އައިލެންޑް" ގެ ނަމުގައި އަޅަން ނިންމި ސެންޓަރު ތަރައްގީކޮށްދޭނެ ބަޔަކު ހޯދަން ހޯމް މިނިސްޓްރީ އިން މިރޭ އިއުލާނުކޮށްފި އެވެ.

ހޯމް މިނިސްޓްރީ އިން ގެޒެޓު ކުރި އިއުލާނުގައި ބުނެފައި ވަނީ ދ. ވާނީ އާއި އެ ރަށް ކައިރީގައި އޮންނަ ދެ ފަޅު ލިބޭ ގޮތަށް ސެންޓަރު ތަރައްގީ ކުރެވިދާނެ ކަމަށެވެ. ނަމަވެސް އެއިރުން އުތުރުތިލަފަޅު ހިއްކުމާއެކު މުޅި ސެންޓަރު ބިނާ ކުރަންޖެހޭނެ އެވެ. ހިއްކަން ޖެހެނީ 15 ހެކްޓަރެވެ.

ދެ ވަނަ ގޮތަކީ، އުތުރުތިލަފަޅު ހިއްކުން ނުހިމެނޭ ގޮތަށް ކުޑަކުދިންގެ ސެންޓަރުގެ ހުރިހާ ބިނާއެއް އެޅުމެވެ. އެއިރުން ލިބޭނީ ވާނީ ކައިރީގައި އޮންނަ ދެ ފަޅު އެކަންޏެވެ. ތިން ވަނަ ގޮތަކީ އުތުރުތިލަފަޅުން އެއް ބައި ހިއްކުމާއެކު ސެންޓަރުގެ އެއް ބައި ބިނާ ކުރުމެވެ. އެއިރުން ފަޅު ލިބޭނީ ވިޔަފާރިއަށް ބޭނުން ކުރުމަށެވެ.

ކުޑަކުދިންގެ ސެންޓަރަށް އިންވެސްޓު ކުރެވިދާނެ ހަތަރު ވަނަ ގޮތެއް ވެސް ހޯމް މިނިސްޓްރީން ދެއްކި އެވެ. އެއީ ސެންޓަރުގެ ބައެއް ބައިތައް މެނޭޖް ކުރުމެވެ. އޭގެ ބަދަލުގައި ލިބޭނެ އެއްޗެއް މިނިސްޓްރީ އިން ނުބުނެ އެވެ.

ސެންޓަރު އަޅާ ބަޔަކަށް ދޭން ނިންމި ވާނީއަކީ، ކުޑަކުދިން ބަންދު ކުރާ ސެންޓަރު ކުރިން އަޅަން ނިންމި ރަށެވެ. ނަމަވެސް އެ ތަން އުތުރުތިލަފަޅަށް ބަދަލު ކުރަން ނިންމީ މިދިޔަ މާޗު މަހުގެ ތެރޭގަ އެވެ.

ކުޑަކުދިންގެ ސެންޓަރު ހަދަނީ އެތަނުގައި މަސައްކަތް ކުރާނެ މުވައްޒަފުން ހިމަނައިގެން 700 މީހުންނަށް ދިރިއުޅެވޭ ގޮތަށެވެ. ކުޑަކުދިން ބަންދު ކުރާނެ ތަންތަނާއި ދިރިއުޅޭނެ ތަންތަނާއި ޕާކުތަކާއި މިސްކިތަކާއި އާއިލާއިން ޒިޔާރަތް ކުރާއިރު ބައްދަލު ކުރާނެ ތަންތަނާއި ސިނަމާއަކާއި ފުޓުބޯޅަ ކުޅޭ ތަނަކާއި ސްކޫލެއް އެތަނުގައި އަޅާނެ އެވެ.

އެ މަސައްކަތާ ހަވާލުވާ ބަޔަކު، މަދުވެގެން ހަތް މަސްދުވަސް ތެރޭގައި މަސައްކަތް ފަށަންޖެހެ އެވެ. ނަގަންޖެހޭ ހުއްދަތައް ނެގުމަށްފަހު ހަ މަސްދުވަސް ތެރޭގައި ފަޅު ހިއްކައި ނިންމަންޖެހެ އެވެ. އަދި މުޅި ޕްރޮޖެކްޓު އޮކްޓޯބަރު، 2027، އަށް ނިންމައި ސަރުކާރާ ތަން ހަވާލު ކުރަންޖެހެ އެވެ.

ޕްރޮޖެކްޓު ހަވާލު ކުރާނެ ބަޔަކު ބަލަނީ މާލީ ގާބިލް ކަމާއި ޕްރޮޖެކްޓު ނިންމޭނެ ކަމަށް ލަފާ ކުރެވޭ މުއްދަތާއި ޕްރޮޖެކްޓު ކުރިއަށްގެންދަން ރާވާ ގޮތުގެ މައްޗަށެވެ. އެންމެ ގިނަ މާކްސް ލިބެނީ މާލީ ގާބިލްކަން ހުރި މިންވަރަށެވެ. އެއީ 50 ޕޮއިންޓެވެ. އަނެއް ދެ ބަޔަށް ލިބެނީ ކޮންމެ ބަޔަކަށް 25 ޕޮއިންޓެވެ.

ސަރުކާރުން ކުރިން ބުނެފައި އޮތީ ކުޑަކުދިން ބަންދު ކުރާ ސެންޓަރުގައި ތިބޭ ކުދިންނަށް 18 އަހަރުވުމުން އަސްކަރީ ހިދުމަތަށް ނުވަތަ ފުލުހުންގެ ހިދުމަތަށް ނެރޭނެ ކަމަށެވެ. އަދި ކުށުގެ ޒިންމާ އުފުލަންޖޭ އުމުރު 12 އަހަރަށް ތިރި ކުރަން ވެސް ސަރުކާރުން ބޭނުންވެ އެވެ.

ކުޑަކުދިން ބަންދު ކުރާ ސެންޓަރުގެ އިތުރުން، އުތުރުތިލަފަޅުގައި ބޮޑު ޖަލެއް އަޅަން ވެސް ސަރުކާރުން ބޭނުންވެ އެވެ. ޖަލު އަޅަނީ 30 ހެކްޓަރު އުތުރުތިލަފަޅުން ހިއްކައިގެންނެވެ. އަދި އުތުރުތިލަފަޅަކީ މީހުން ދިރިއުޅެން ވެސް ތަރައްގީ ކުރަން ނިންމާފައި އޮތް ތަނެކެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox