ފަނޑިޔާރުންގެ ސަސްޕެންޝަން ވަގުތުން އުވާލައި، ޖުޑިޝަރީގެ މިނިވަންކަމަށް އިހުތިރާމް ކުރަން އެމްޑީޕީއިން ގޮވާލައިފި

Apr 16, 2025, 5:53 AM
އެމްޑީޕީއިން ބޭއްވި އެއްވުމެއްގައި އެ ޕާޓީގެ ޗެއާޕާސަން ފައްޔާޒް އިސްމާއިލް ވާހަކަ ދައްކަވަނީ: އެ ޕާޓީއިން ގޮވާލީ ޖުޑިޝަރީގެ ދިފާއުގައި ހުރިހާ ސިޔާސީ ޕާޓީތަކާއި ޖަމިއްޔާތަކާއި އަމިއްލަ ފަރާތްތަކުން ވެސް ތެދުވުމަށް -- ފޮޓޯ: މިރާޝް ނާޝިމް / އަދަދު

އެމްޑީޕީއިން ބޭއްވި އެއްވުމެއްގައި އެ ޕާޓީގެ ޗެއާޕާސަން ފައްޔާޒް އިސްމާއިލް ވާހަކަ ދައްކަވަނީ: އެ ޕާޓީއިން ގޮވާލީ ޖުޑިޝަރީގެ ދިފާއުގައި ހުރިހާ ސިޔާސީ ޕާޓީތަކާއި ޖަމިއްޔާތަކާއި އަމިއްލަ ފަރާތްތަކުން ވެސް ތެދުވުމަށް -- ފޮޓޯ: މިރާޝް ނާޝިމް / އަދަދު

ސުޕްރީމް ކޯޓު ޕެރެލައިޒްކޮށްފައި އޮތުން ނިމުމަކަށް ގެނެސް، އެ ކޯޓުގެ ފަނޑިޔާރުންގެ ސަސްޕެންޝަން އުވާލައި ޖުޑިޝަރީގެ މިނިވަންކަމަށް އިހުތިރާމް ކުރުމަށް އިދިކޮޅު މޯލްޑިވިއަން ޑިމޮކްރެޓިކް ޕާޓީ އިން ގޮވާލައިފި އެވެ.

އެމްޑީޕީއިން މިއަދު ނެރުނު ބަޔާނެއްގައި ބުނީ ސުޕްރީމް ކޯޓުގެ މަސައްކަތްތައް ހުއްޓުވައިގެން އުޅެނީ، ރައްޔިތުންގެ މަޖިލީހުގެ މެންބަރުން މަގާމުން ވަކި ކުރުމުގެ ބާރު ސިޔާސީ ޕާޓީތަކަށް ދިން ގާނޫނުއަސާސީގެ އިސްލާހު ބާތިލް ކުރަން ހުށަހެޅި މައްސަލައަށް ނުފޫޒު ފޯރުވަން ކަމަށެވެ.

"މިއީ ހަމައެކަނި ސުޕްރީމް ކޯޓުގެ ސިޔާސީ ކޮންޓްރޯލް ހޯދުމަށް ސަރުކާރުން ރާވައިގެން ކޮށްފައިވާ ކަމެއް ކަމަށް ދިވެހިރައްޔިތުންގެ ޑިމޮކްރެޓިކް ޕާޓީއިން ދެކެން. އަދި މިއީ އަދުލު އިންސާފުގެ ނިޒާމަށް އަމާޒުކޮށްފައިވާ ސީދާ ހަމަލާއެއް،" އެ ބަޔާނުގައި ބުނެފައިވެ އެވެ.

ސިޔާސީ ޕާޓީތަކަށް މެންބަރުންގެ ގޮނޑި ގެއްލުވައިލެވޭ މައްސަލައިގެ ޝަރީއަތަށް ހުރަސްއެޅޭ ގޮތަށް ސަސްޕެންޑު ކުރީ ފަނޑިޔާރު އަޒްމިރާލްދާ ޒާހިރާއި ހުސްނުއްސޫދު އާއި މަހާޒް އަލީ ޒާހިރެވެ. އޭގެ ތެރެއިން ފަނޑިޔާރު ސުއޫދު ވަނީ އިސްތިއުފާ ދެއްވައިފަ އެވެ. އޭގެ ފަހުން ޖުޑީޝަލް ސާވިސް ކޮމިޝަނުން ގެންދަނީ މަހާޒް އާއި އަޒްމިރާލްދާގެ މައްސަލަތަކެއް ތަހުގީގު ކުރަމުންނެވެ.

އެމްޑީޕީގެ ބަޔާނުގައި ބުނީ ފަނޑިޔާރުންގެ މައްސަލަތައް ތަހުގީގު ކުރަމުންދަނީ އިންސާފުވެރިކޮށް ނޫން ކަމަށެވެ.

"މި ދެ ފަނޑިޔާރުންގެ މައްޗަށް ދޮގު ތުހުމަތުތަކެއްކޮށް، ސަރުކާރުގެ ފުރިހަމަ ކޮންޓްރޯލް އޮތް ޖުޑީޝަލް ސާވިސް ކޮމިޝަނުން، ހާއްސަ ކޮމިޓީއެއް ހަދައިގެން މައްސަލަ ބަލާއިރު އެ މައްސަލައިގައި އިޖުރާއީ އިންސާފުވެރިކަމެއް ވެސް ނެތްކަން ދިވެހިރައްޔިތުންގެ ޑިމޮކްރެޓިކް ޕާޓީއިން ވަރަށް ކަންބޮޑުވުމާއެކު ފާހަގަކުރަން،" އެ ބަޔާނުގައިވެ އެވެ.

ފަނޑިޔާރުންނަށް ދިފާއުވުމުގެ ހައްގު ނުދިނުމާއި ފަނޑިޔާރުން ހުށަހަޅާ ހެކިން ބަލައިނުގަތުމުގެ މައްސަލަ އެމްޑީޕީއިން ހާއްސަކޮށް ފާހަގަކޮށްފައިވެ އެވެ.

"ފަނޑިޔާރުންނަށް ދިފާއުވުމުގެ ހައްގު ނުދޭކަމާއި، ފަނޑިޔާރުން ހުށަހަޅާ ހެކިން ބަލައިނުގަންނަކަމާއި، ވަކީލުންގެ ފުރުސަތު ވެސް ނުދޭކަން ހިތާމަޔާއެކު ފާހަގަކުރަން. މިއީ ދިވެހިރާއްޖޭގެ ގާނޫނުއަސާސީ އާއި ބައިނަލްއަގުވާމީ މިންގަނޑުތަކުން ކަށަވަރުކޮށްދީފައިވާ އަސާސީ ހައްގުތަކާ ވެސް ހިލާފަށް، އެ ފަނޑިޔާރުންނަށް ސީދާ ގޮތުން ކުރާ އަނިޔާއެއް،" އެ ބަޔާނުގައި ބުނެފައިވެ އެވެ.

އޭގެ އިތުރުން އެމްޑީޕީގެ ބަޔާނުގައި ބުނެފައި ވަނީ ސަރުކާރުން ޖުޑިޝަރީއަށް ނުފޫޒު ފޯރުވާތީ ރާއްޖޭގެ ޑިމޮކްރަސީއަށް އިއާދަ ނުކުރެވޭނެ ގެއްލުންތަކެއްވަމުންދާ ކަމަށެވެ.

"ބާރުތައް ވަކިވެފައި އޮތުމުގެ އުސޫލާ މުޅިން ހިލާފަށް ސަރުކާރުން ހިންގަމުންދާ މި އަމަލުތަކަކީ، ރާއްޖޭގެ ޑިމޮކްރަސީއަށް އިއާދަނުކުރެވޭ ގެއްލުންތަކެއް ލިބިގެންދާނެ ކަންކަން،" އެމްޑީޕީއިން ބުންޏެވެ.

އެމްޑީޕީއިން ގޮވާލީ ސަރުކާރާއި ޖުޑީޝަލް ސާވިސް ކޮމިޝަނުން ފަނޑިޔާރުންގެ މައްސަލަތައް ކުރިއަށްގެންދާ ގޮތް ރައްޔިތުންގެ މަޖިލީހުން ގާތުން ބެލުމަށެވެ. އަދި ޖުޑިޝަރީގެ ދިފާއުގައި ހުރިހާ ސިޔާސީ ޕާޓީތަކާއި ޖަމިއްޔާތަކާއި އާންމުން ވެސް ތެދުވުމަށް އެމްޑީޕީން ގޮވާލި އެވެ.

"ރާއްޖޭގައި ޑިމޮކްރަސީ ދެމެހެއްޓުމާއި ޝަރުއީ ދާއިރާގެ މިނިވަންކަން ކަށަވަރުކުރުމަކީ ހަމައެކަނި ވަކި ޕާޓީއެއްގެ ޒިންމާއެއް ނޫން. މިއީ ހުރިހާ ދިވެހި ރައްޔިތުންގެ ޒިންމާއެއް. އެހެންކަމުން، ޝަރުއީ ދާއިރާގެ މިނިވަންކަން ހިމާޔަތްކުރުމަށް ކުރެވޭ މަސައްކަތުގެ މި މުހިންމު ދަނޑިވަޅުގައި އެންމެހައި ރައްޔިތުންނާއި، ސިޔާސީ ޕާޓީތަކާއި މަދަނީ ޖަމިއްޔާތަކާއި، އަދި ބައިނަލްއަގުވާމީ ޖަމާއަތްތައް ވެސް ބައިވެރިވުމަށް ގޮވާލަން،" އެ ބަޔާނުގައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox