ފޮއްތެޔޮ ފަޅު ދޫކުރުން ހުއްޓުވަން ކުރި ދައުވާ ކުރިއަށް ނުގެންދެވޭނެ ކަމަށް ނިންމައިފި

ޮފޮއްތެޔޮ ފަޅު: ވ. އަތޮޅު ކައުންސިލުން ހުށަހެޅި މައްސަލަ ކޯޓުން ވަނީ ބޭރުކޮށްލާފަ  -- ފޮޓޯ: ގޫގުލް އާތު

ޮފޮއްތެޔޮ ފަޅު: ވ. އަތޮޅު ކައުންސިލުން ހުށަހެޅި މައްސަލަ ކޯޓުން ވަނީ ބޭރުކޮށްލާފަ -- ފޮޓޯ: ގޫގުލް އާތު

ކްރޮސް ސަބްސިޑީގެ ގޮތުގައި ވ. ފޮއްތެޔޮ ފަޅު (ދިއްގަރު ފަޅު) ކުއްޔަށް ދިނުން ހުއްޓުވަން ވ. އަތޮޅު ކައުންސިލުން ކުރި ދައުވާ ކުރިއަށް ނުގެންދެވޭނެ ކަމަށް ސިވިލް ކޯޓުން ނިންމައިފި އެވެ.

ސަރުކާރުން މި ފަޅު ކުއްޔަށް ދޫކުރަނީ އެއާޕޯޓުތައް ތަރައްގީކުރަން ކްރޮސް ސަބްސިޑީގެ ގޮތުގަ އެވެ. މި ފަޅަށް އިންވެސްޓުކުރަނީ މަތީ ފަންތީގެ ގިނަ ރިސޯޓުތަކެއް ހިންގާ އަމަން ރިސޯޓްސް އިންނެވެ.

ވ. އަތޮޅު ކައުންސިލުން މި މައްސަލަ ކޯޓަށް ހުށަހެޅީ ފޮއްތެޔޮ ފަޅު ވިއްކަނީ އެ ކައުންސިލުގެ ރުހުން ނެތި، ލާމަރުކަޒީ ގާނޫނާ ހިލާފަށް ކަމަށް ބުނެ އެވެ. ފަޅު ކުއްޔަށް ދިނުން ހުއްޓުވުމަށް ކޯޓު އަމަރުކަށްވެސް އެދުނެވެ. ނަމަވެސް ކޯޓުން ނިންމީ އަމުރު ނުދިނުމަށެވެ.

މި މައްސަލާގައި ދައުލަތުން ކޯޓުގައި ބުނީ، މައްސަލަ ކުރިއަށް ގެންދެވޭނެ ޖާގައެއް ނެތް ކަމަށެވެ. ސަރުކާރުން ނެގި ނުކުތާއަކީ، އަތޮޅު ކައުންސިލުން މައްސަލަ ހުށަހެޅީ ނުބައި އުސޫލެއްގެ ދަށުން ކަމަށެވެ. ކައުންސިލުން މައްސަލަ ހުށަހެޅީ އިހްތިލާފު އޮންނަ ބާވަތުގެ މައްސަލައެއްގެ ގޮތުގަ އެވެ. ދައުލަތުން ބުނީ މި މައްސަލާގައި ކުރަން ޖެހޭނީ ޖުޑީޝަލް ރިވިއުގެ ދައުވާއެއް ކަމަށެވެ.

ސިވިލް ކޯޓުން މި މައްސަލައިގައި މިދިޔަ ހަފުތާގައި ކުރި ހުކުމް އޮތީ ދައުލަތުން ހުށަހެޅި ނުކުތާތަކާ އެއްގޮތަށެވެ. ކޯޓުން ބުނީ މި މައްސަލަ މިހާރު ހުށަހެޅިފައި އޮތްގޮތުން މައްސަލަ ކުރިއަށް ގެންދެވެން ނެތް ކަމަށް ނިންމައި ދައުވާ ފޯމު ބާތިލުކޮށްފައިވާ ކަމަށެވެ.

އަމަން ރިސޯޓްސްއިން މި ފަޅުގައި ތަރައްގީކުރާ ރިސޯޓު ހިންގަން ވަކިން އޮންނަ 27 ރަށެއް ހިއްކަން މާސްޓާ ކޮންސެޕްޓް ޕްލޭނެއް ވަނީ ހުށަހަޅާފަ އެވެ.

ޓޫރިޒަމް މިނިސްޓްރީން ހުއްދަ ދީފައިވާ މާސްޓާޕްލޭން ކޮންސެޕްޓުގެ ދަށުން، އަމަން ރިސޯޓްސްއިން ހިއްކާ ރަށްތައް ހުންނާނީ ކަނޑުގައި އުޅޭ ދިރުންތައް ސިފަވާ ގޮތަށެވެ. އޭގެ ތެރޭގައި، ރާއްޖެ އަންނަ ޓޫރިސްޓުން އެންމެ ގިނައިން ބަލާހިތްވާ ދިރުންތަކުގެ ތެރޭގައި ހިމެނޭ އެންމަޑި ސިފަވާ ގޮތަށް ފަރުމާކޮށްގެން ހިއްކާ ރަށްތައް ވެސް ހިމެނެ އެވެ.

އެ ރިސޯޓު ޑިޒައިންކުރީ ސިންގަޕޫރުގެ މަޝްހޫރު ކެރީ ހިލް އާކިޓެކްޓްސް (ކޭއެޗްއޭ) އިންނެވެ. ގިނަ އެވޯޑުތަކެއް ހޯދާފައިވާ ކޭއެޗްއޭއަކީ އަމަންގެ އެހެން ރިސޯޓުތަކާއި ވަން އެންޑް އޮންލީ އާއި ކޯމޯގެ ރިސޯޓުތައް ފަރުމާކޮށްފައިވާ އާކިޓެކްޓުންތަކެކެވެ. އެ މީހުންގެ ޑިޒައިންތަކުގައި އެންމެ ހާއްސަ އެއް ސިފައަކީ ތަނެއްގެ ވަށައިގެންވާ މާހައުލުގައި ހިމެނޭ ސިފަތަކަށް ބިނާކޮށް އިމާރާތްތަކާއި ތަންތަން ފަރުމާކުރުމެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox