60 މިލިއަން ރުފިޔާ ހަރަދުވާ އައިޔޫއެމްގެ ސަނާބިލް އިމާރާތުގެ ކޮންކްރީޓް މަސައްކަތް ފަށައިފި

އައިޔޫއެމްގެ ސަނާބިލް އިމާރާތުގެ ކޮންކްރީޓް މަސައްކަތް ރައީސް މުއިއްޒު ފައްޓަވައިދެއްވަނީ: މިއީ އައިޔޫއެމްއަށް އާމްދަނީ ހޯދުމުގެ މަގުސަދުގައި ސަރުކާރުން ފެށި މަސައްކަތެއް --- ފޮޓޯ: ރައީސް އޮފީސް

އައިޔޫއެމްގެ ސަނާބިލް އިމާރާތުގެ ކޮންކްރީޓް މަސައްކަތް ރައީސް މުއިއްޒު ފައްޓަވައިދެއްވަނީ: މިއީ އައިޔޫއެމްއަށް އާމްދަނީ ހޯދުމުގެ މަގުސަދުގައި ސަރުކާރުން ފެށި މަސައްކަތެއް --- ފޮޓޯ: ރައީސް އޮފީސް

ބެންކް އޮފް މޯލްޑިވްސް (ބީއެމްއެމްއެލް) އިސްލާމިކުން 60 މިލިއަން ރުފިޔާ އިންވެސްޓުކޮށްގެން ތަރައްގީކުރާ އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް) ގެ ސަނާބިލް އިމާރާތުގެ ކޮންކްރީޓު މަސައްކަތް މިއަދު ފަށައިފި އެވެ.

ކޮންކްރީޓް އެޅުމަށް ބޭއްވި ރަސްމިއްޔާތުގައި މަޝްރޫއުގެ ކޮންކްރީޓް އަޅުއްވައިދެއްވީ ރައީސް ޑރ. މުހައްމަދު މުއިއްޒު އަދި އައިޔޫއެމްގެ ވައިސް ޗާންސެލަރު ޑރ. އަލީ ޒާހިރު އެވެ.

އެ ރަސްމިއްޔާތުގައި އައިޔޫއެމްގެ ޑެޕިއުޓީ ވައިސް ޗާންސެލާ އަހުމަދު އަމީން މުހައްމަދު ވިދާޅުވީ އެ މަޝްރޫއަކީ އެއް މިލިއަން ރުފިޔާގެ މޫނުމަތީ އަގުގެ 60 ސުކޫކް ހިމެނޭހެން ޖުމްލަ 60 މިލިއަން ރުފިޔާ ރެއިޒް ކުރުމަށް ދިވެހިރާއްޖޭގެ ކެޕިޓަލް މާކެޓުގައި ހުޅުވާލުމުން ބީއެމްއެލް އިސްލާމިކުން ފުލްކޮށް ސަބްސްކްރައިބް ކުރި ކަމަށެވެ.

Advertisement

"މި ސުކޫކަކީ 10 އަހަރުގެ ޓެނުއާ މުއްދަތަކަށް ޝަރީއާ ކޮމްޕްލައިންޓް ސުކޫކް އިސްތިސްނާ ކޮންސެޕްޓަށް ފަރުމާކުރެވިފައިވާ ސުކޫކެއް. މި ސުކޫކުގެ ސަބްސްކްރިޕްޝަން ހަމަވިއިރު ރެއިޒްކުރުމަށް ކަނޑައެޅުނު 60 މިލިއަން ރުފިޔާ ދިވެހިރާއްޖޭގެ ގައުމީ ބޭންކު ބޭންކް އޮފް މޯލްޑިވްސްގެ ބީއެމްއެލް އިސްލާމިކުން ފުލްކޮށް ސަބްސްކްރައިބް ކުރިކަން އަޅުގަނޑު އުފަލާއެކު ފާހަގަކޮށްލަން،" އޭނާ ވިދާޅުވި އެވެ.

މަޝްރޫއުގެ އެއްބަސްވުމުގެ ދަށުން ބީއެމްއެލްއަށް ދައްކަން ޖެހޭ ފުރަތަމަ ޕޭމަންޓް ކަމަށްވާ 2.7 މިލިއަން ރުފިޔާ ދައްކައި ނިންމާފައިވާކަން އަހުމަދު އަމީން ފާހަގަކުރެއްވި އެވެ.

ރަސްމިއްޔާތުގައި ޑރ. އަލީ ޒާހިރު ވިދާލުވީ ސަނާބިލް އިމާރާތަކީ އައިޔޫއެމްއަށް އާމްދަނީ ހޯދުމަށް އަޅާ އިމާރާތަކަށްވީ ނަމަވެސް، އެ ޔުނިވާސިޓީއަށް ދިމާވެފައިވާ ޖާގައިގެ ދަތިކަމަށް ކޮންމެވެސް ވަރެއްގެ ހައްލެއް ލިބޭނެ ކަމަށް އުންމީދުކުރައްވާ ކަމަށެވެ.

މަޝްރޫއުގެ މަސައްކަތް ކުރުމަށް އޯކް ޑިވެލޮޕްމަންޓްއާ ހަވާލުކޮށްފައިވާއިރު، މަސައްކަތް ކުރިއަށް އޮތް 18 މަސް ދުވަހުގެ ތެރޭގައި ނިންމާލެވޭނެ ކަމަށް އައިޔޫއެމް އިން ބުންޏެވެ.

ޖުމްލަ ހަތް ފަންގިފިލާއަށް އިމާރާތްކުރާ އައިޔޫއެމް ސަނާބިލް އިމާރާތުގައި އޮފީސް އިމާރާތްތަކާއި ކްލާސްރޫމްތައް އަދި އޮޑިޓޯރިއަމާއި ހޯލްތައް ހިމެނޭއިރު، އެތަންތަން ކުއްޔަަށް ދީގެން އާމްދަނީ ހޯދުމަށް ވަނީ ހަމަޖެހިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox