ސަރުކާރަށް ފައިސާ ނުލިބޭތީ މިހާރު ފައިސާ ޗާޕު ކުރަން ފަށާފައިވާ ކަމަށް ޔާމީން ވިދާޅުވެއްޖެ

Apr 11, 2025, 7:47 AM
ކުރީގެ ރައީސް ޔާމީން: ވިދާޅުވީ ޗާޕު ކުރާ ފައިސާ ސަރުކާރުން ބޭނުން ކުރަނީ މުސާރަ ދިނުމާއި އެފަދަ ބައެއް ހަރަދުތައް ހަމަޖައްސަން ކަމަށް -- ފޮޓޯ: އަދަދު ފައިލް

ކުރީގެ ރައީސް ޔާމީން: ވިދާޅުވީ ޗާޕު ކުރާ ފައިސާ ސަރުކާރުން ބޭނުން ކުރަނީ މުސާރަ ދިނުމާއި އެފަދަ ބައެއް ހަރަދުތައް ހަމަޖައްސަން ކަމަށް -- ފޮޓޯ: އަދަދު ފައިލް

ސަރުކާރަށް ފައިސާ ނުލިބޭތީ މިހާރު ފައިސާ ޗާޕު ކުރަން ފަށާފައިވާ ކަމަށް ކުރީގެ ރައީސް އަބްދުﷲ ޔާމީން ރޭ ވިދާޅުވެއްޖެ އެވެ.

އެމަނިކުފާނުގެ ޕާޓީ ޕީޕަލްސް ނެޝަނަލް ފްރަންޓުން ބޭއްވި ބައްދަލުވުމެއްގައި ވާހަކަ ދައްކަވަމުން ޔާމީން ވިދާޅުވީ ސަރުކާރަށް ފައިސާ ނުލިބޭތީ މޯލްޑިވްސް މަނިޓަރީ އޮތޯރިޓީއިން ފައިސާ ނަގަން ފަށާއިވާ ކަމަށެވެ. އެގޮތަށް، އިގްތިސާދުގައި ދައުރުނުވާ ފައިސާ ނަގައިގެން ބޭނުން ކުރުމަކީ ފައިސާ ޗާޕު ކުރުން ކަމަށް ވެސް ޔާމީން ވިދާޅުވި އެވެ.

"ޒުވާނަކަށް ލޯނެއް ލިބޭނީ ކިހިނަކުންތޯއޭ، ޕްރައިވެޓް ކެޕިޓަލް މިހާރު އެހުރީ ޑްރައިވެން ފްރޮމް ބޭންކިން ސިސްޓެމް. ސަރުކާރުން ވަދެގެން ސަރުކާރަށް ލޯނު ނަގަނީ. ސަރުކާރަށް މިހާރު ފައިސާ ނުލިބޭތީ އެމްއެމްއޭގެ ތެރެއިން ފައިސާ ނަގަނީ. އެމްއެމްއޭގެ ތެރެއިން ފަސާ ނެގުމަކީ ހަމަ ފައިސާ ޗާޕްކުރުން،" ޔާމީން ވިދާޅުވި އެވެ.

Advertisement

ހުޅުމާލެއިން ބޮޑު ބިމެއް ގަތުމުގެ ނަމުގައި އެމްއެމްއޭއިން ވަނީ ދާދިފަހުން 15 ބިލިއަނެއްހާ ރުފިޔާ ޗާޕު ކުރަން ނިންމައިފަ އެވެ. ނަމަވެސް އެ މައުލޫމާތު މަރުކަޒީ ބޭންކު އަދި ސަރުކާރުން ދަނީ ސިއްރު ކުރަމުންނެވެ. ފައިސާ ޗާޕު ކުރަން ނިންމާފައިވާތީ އެމްއެމްއޭ ބޯޑުގެ ބައެއް މެންބަރުން ވަނީ އިސްތިއުފާ ވެސް ދެއްވައިފަ އެވެ.

ޔާމީން ވިދާޅުވީ ޗާޕު ކުރާ ފައިސާ ސަރުކާރުން ބޭނުން ކުރަނީ މުސާރަ ދިނުމާއި އެފަދަ ބައެއް އެހެން ހަރަދުތައް ހަމަޖެއްސުމަށް ކަމަށެވެ. އެކަމަކު، ކޮންމެ ގޮތަކަށް ބޭނުން ކުރިޔަސް އެއީ ހަމަ ފައިސާ ޗާޕު ކުރުން ކަމަށް އެމަނިކުފާނު ވިދާޅުވި އެވެ.

"ކޮންމެ ގޮތެއް ހަދާފައި އަދި ރިއަލްސްޓޭޓަށް އެމްއެމްއޭ ދާންވެގެން ހުޅުމާލެއިން ބިމެއް ގަނެފައި، އޭގެ އަގު އެޗްޑީސީއަށް ދީފައި، އެ ފައިސާކޮޅު މުއިއްޒު ނަގައިގެން މުސާރަ ދިނުމާއި މިކަން ކުރިއަސް މިއީ ހަމަ ޗާޕްކުރާ ފައިސާ،" އެމަނިކުފާނު ވިދާޅުވި އެވެ.

ފައިސާ ޗާޕު ނުކުރާނެ ކަމަށް ރައީސް މުހައްމަދު މުއިއްޒު އަދި ސަރުކާރުން ވިދާޅުވަމުންދިޔަ ނަމަވެސް އެ ވައުދާ ހިލާފުވެފައިވާ ކަމަށް ޔާމީން ތަކުރާރުކޮށް ވިދާޅުވި އެވެ.

"މަނީ ސޭކިއުލޭޝަނުން ބޭރުގައި ހުރި ފައިސާ މަނީ ސާކިއުލޭޝަންގެ ތެރެއަށް ވެއްދުމަކީ ފައިސާ ޗާޕްކުރުން،" ޔާމީން ވިދާޅުވި އެވެ.

މަރުކަޒީ ބޭންކު އަދި އެ ބޭންކުގެ ގަވަރުނަރު އަހުމަދު މުނައްވަރު ފައިސާ ޗާޕު ކުރަން ނިންމީ ގާނޫނާ ހިލާފަށް ކަމަށް ވެސް ޔާމީން ވިދާޅުވި އެވެ. އެކަންތައް އެމަނިކުފާނު ސިފަ ކުރެއްވީ ޖަރީމާއެއްގެ ގޮތުގަ އެވެ.

"މުނައްވަރު ވެސް މިކަމަށް ނޫނެކޭ ބުނާނެ ކަމެއް ނެތް އަދި އަމުދުން މުއިއްޒު ބުނާނެ ކަމެއް ނެތް މިއީ އެމްއެމްއޭގެ ދައުރެެއް ނޫން. އެމްއެމްއޭ ކޮށްގެން ނުވާނެ. އެމްއެމްއޭ ހިންގަނީ ޖަރީމާއެއް. އެމްއެމްއޭގެ ބޯޑަކުން ވެސް ފާހެއް ނުކުރެވޭނެ މިކަން ކުރާކަށް. އެމްއެމްއޭއަކީ މިގޮތަށް ލެންޑުކުރަން އޮތް ތަނެއް ނޫން. އެ މީހުން ގޮސް ރިއަލް ސްޓޭޓުން ގަނެފައި، މަނީ ލޯންޑާކޮށްފައި، ނޫނީ ކުރި މުއަމާލާތް ރީތިކޮށްލާފައި ބަހައްޓާފައި ސަރުކާރަށް ލާރިދޭން ކުރާ ކަމެއް މިއީ،" ޔާމީން ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox