ހަރަދު ކުޑަކުރުން އަދިވެސް ކަރުދާހުގައި، ހަތް ބިލިއަން ސަލާމަތްވާނެ ކަމާ މެދު ސުވާލު

މި އަހަރުގެ ބަޖެޓު ފޮތް މަޖިލިސް މެންބަރަކު ވިދާޅުވަނީ: ހަރަދު ކުޑަނުކުރާނަމަ ޖުމްލަ ހަރަދު ބޮޑުވެ ޑެފިސިޓު އިތުރުވާނެ ކަމަށް ފިނޭންސުން ލަފާކުރޭ -- ފޮޓޯ: ރައްޔިތުންގެ މަޖިލިސް

މި އަހަރުގެ ބަޖެޓު ފޮތް މަޖިލިސް މެންބަރަކު ވިދާޅުވަނީ: ހަރަދު ކުޑަނުކުރާނަމަ ޖުމްލަ ހަރަދު ބޮޑުވެ ޑެފިސިޓު އިތުރުވާނެ ކަމަށް ފިނޭންސުން ލަފާކުރޭ -- ފޮޓޯ: ރައްޔިތުންގެ މަޖިލިސް

ދައުލަތުގެ ހަރަދުތައް ކުޑަކުރަން މި އަހަރުގެ ތެރޭގައި އަޅަން ރާވާފައިވާ ފިޔަވަޅުތައް ތަންފީޒުނުކުރާތީ، މި އަހަރުގެ ބަޖެޓުން ސަލާމަތްވާނެ ކަމަށް އަންދާޒާކޮށްފައިވާ 7.7 ބިލިއަން ރުފިޔާ ސަލާމަތްކުރެވިދާނެ ކަމާ މެދު ސުވާލު އުފެދިއްޖެ އެވެ.

ހަރަދު ކުޑަކުރުމުގެ ފިޔަވަޅުތައް ތަންފީޒުނުވުމާ ގުޅޭ ކަންބޮޑުވުންތައް ފެންމަތިވީ، މާލީ ކަންކަން ހަރުދަނާ ކުރުމަށާއި އިގުތިސޯދީ ހާލަތު ރަނގަޅު ކުރުމަށް ރިފޯމް އޮފީހުން މިހާތަނަށް ކޮށްފައިވާ މަސައްކަތްތަކާ ގުޅޭ ގޮތުން ފޮނުވި ކަރުދާހަކާ ގުޅޭ ގޮތުން ރައްޔިތުންގެ މަޖިލީހުގެ މާލިއްޔަތު ކޮމިޓީގައި އިއްޔެ ކުރި މަޝްވަރާތަކުގެ ތެރެއިންނެވެ.

އެ ބައްދަލުވުމުގައި، ކޮމިޓީގައި އިންނަވާ ހުޅުމާލޭ ދެކުނު ދާއިރާގެ މެންބަރު ޑރ. އަހުމަދު ޝަމްހީދު (އެމްޑީޕީ) ވިދާޅުވީ ދައުލަތުގެ މާލީ ކަންކަން ހަރުދަނާކުރަން އަޅާ ފިޔަވަޅުތަކުގެ ތެރެއިން މިހާތަނަށް ނިމިފައި ހުރީ ހަމައެކަނި ރައްޔިތުންގެ މަޖިލީހުން ނިންމާފައި ހުރި މަސައްކަތްތައް އެކަނި ކަމަށެވެ.

Advertisement

"ސިނގިރޭޓުގެ ޑިއުޓީ އާއި ޓީޖީއެސްޓީ ރޭޓު ބޮޑު ކުރުމާއި ގްރީން ޓެކްސްއަށް ގެނައި ބަދަލުތަކާއި، މިކަންތައްތައް މީގައި، މަޖިލިސް ތެރެއިން އަޅުގަނޑުމެން ކުރި މަސައްކަތްތަކަކީ އެއީ ހަމައެކަނި ނިމުނު ކަންތައްތައް ކަމަށް މައުލޫމާތު ޝީޓުގައި ހިމަނާފައި މިވަނީ،" އޭނާ ވިދާޅުވި އެވެ.

ހަރަދު ކުޑަކުރުމުގެ ތެރޭގައި ހިމެނެނީ ޑައިރެކްޓް ސަބްސިޑީ އުވާލުމާއި އާސަންދަ ރިފޯމް ކުރުމާއި ބައެއް ކުންފުނިތައް އުވާލުުމާއި އެއްކޮށްލުމުގެ އިތުރުން ތަރައްގީގެ މަޝްރޫއުތަކުގެ ތެރެއިން އިސްކަންދޭނެ މަޝްރޫއުތަކެއް ކަނޑައެޅުމާއި ވެލްފެއާ ނިޒާމު ޓާގެޓުކުރުމާއި ސަރުކާރުގެ އިދާރީ ހަރަދުތައް ކުޑަކުރުމެވެ. މީގެ ތެރެއިން ޑައިރެކްޓް ސަބްސިޑީ އުވާލުން އޮތީ މި މަހުގެ ފުރަތަމަ ދުވަހުން ފެށިގެންނެވެ.

ޝަމްހީދު ވިދާޅުވީ މި ހުރިހާ ފިޔަވަޅުތަކެއް ހުރީ ކުރިއަށްދާ ކަންތައްތަކުގެ ގޮތުގައި ކަމަށާއި ރިފޯމް އޮފީހުން ހުށަހެޅި ކަރުދާހުގައި ވެސް ހުރީ ބަޖެޓުގައި ހުރި ވާހަކަތައް ކަމަށެވެ. އޭނާގެ ކަންބޮޑުވުމަކަށްވީ، ބުނި ތާރީހަށް މި ފިޔަވަޅުތައް ނޭޅި، އާމްދަނީ އިތުރުކުރަން ރާވާފައިވާ މަސައްކަތްތައް ވެސް ނުހިނގާތީ ބަޖެޓު އިތުރަށް ޑެފިސިޓު ވެގެން ދިޔުމެވެ.

"އިފެކްޓިވްލީ އިތުރު އާމްދަނީ ޕްލަސް ސޭވިންސްއާ އެއްކޮށް ވީ އާ ޓޯކިން އެބައުޓް 14 ބިލިއަނެއްހާ ރުފިޔާ ވާހަކަ. މީގެ އެއްވެސް ކަމެއް ނުކޮށް ނެޓް އިފެކްޓަކީ 14 ބިލިއަން ރުފިޔާ އިތުރަށް ބަޖެޓު ޑެފިސިޓު ވެގެން ދިޔުން،" ޝަމްހީދު ވިދާޅުވި އެވެ.

ބަޖެޓު ޑެފިސިޓާ ގުޅިގެން ހުރި ކަންބޮޑުވުންތައް ހިއްސާކުރައްވަމުން ޝަމްހީދު ވަނީ ކުރިއަށް އޮތް ތަނުގައި އެ ސިޔާސަތުތައް ތަންފީޒުކުރާނެތޯ ސާފުކުރަން ޖެހޭ ކަމަށް ވިދާޅުވެފަ އެވެ. އެއީ މީގެ ސަބަބުން ބަޖެޓަށް ކުރާނެ އަސަރުތައް ދެނެގަނެ، އެކަމަށް ތައްޔާރުވާން ޖެހޭ ކަމަށް އޭނާ ވިދާޅުވި އެވެ.

ޝަމްހީދުގެ މި ވާހަކަތަކަށް ރައްދު ދެއްވަމުން، ހެންވޭރު އުތުރު ދާއިރާގެ މެންބަރު އަހުމަދު އައިފާން (ޕީއެންސީ) ވިދާޅުވީ ސަރުކާރުން އެ ފިޔަޅުތައް ނާޅާ ގޮތަށް ދޭހަވާ ގޮތަށް ޝަމްހީދު ދެއްކެވީ މުޅިއަކުން ރަނގަޅު ވާހަކައެއް ނޫން ކަމަށެވެ. އަދި ރިފޯމް އޮފީހުން ހުށަހަޅާފައި ކަރުދާހުގައި ވެސް އެކަންކަން ކުރަމުންދާ ކަމަށް ބަޔާންކޮށްފައިވާ ކަމަށް އޭނާ ވިދާޅުވި އެވެ.

އެ ގޮތުން ކުންފުނިތައް ރިފޯމް ކުރުމުގެ މަސައްކަތް ވެސް ކުރިއަށްދާ ކަމާއި ވެލްފެއާ ނިޒާމު ހަރުދަނާކޮށް އެންމެ ބޭނުންޖެހިފައިވާ މީހުންނަށް ދޭ ގޮތަށް ބަދަލުކުރުމުގެ މަސައްކަތްތައް ކުރިއަށްދާ ކަމަށް އައިފާނު ވިދާޅުވި އެވެ. މިހެން ވިދާޅުވި ނަމަވެސް، އޭނާ ވެސް ވަނީ އެ މަސައްކަތްތަކުގެ ތަފުސީލުތައް ކޮމިޓީއާ ހިއްސާނުކުރާ ކަމާއި ޓައިމްލައިނާ އެއްގޮތަށް މަސައްކަތް ކުރިއަށް ނުދާ ކަމަށް އެއްބަސްވެވަޑައިގެންފަ އެވެ.

"[ކުންފުނިތައް ރިފޯމްކުރުމުގެ] މަސައްކަތް ކުރިއަށްދާ ކަމަށް މީގައި މިއޮތީ. މީގެ އިތުރުން ހަމަ އަޅުގަނޑު ސޯޝަލް ރަޖިސްޓްރީއެއް ގާއިމުކުރުމުގެ މަސައްކަތް، މިއާ ގުޅޭ މަސައްކަތްތައް ވެސް ދަނީ ކުރެވެމުން... ދެންމެ އިއްޒަތްތެރި މެންބަރު ފާހަގަކުރި ގޮތަށް އެއްބައި މަސައްކަތްތައް ޓައިމްލައިންގަ ހުރި ގޮތަކަށް ނޫން އެ މަސައްކަތްތައް ކުރިއަށް ދަނީ" އޭނާ ވިދާޅުވި އެވެ.

ސަރުކާރުން މި އަހަރުގެ ބަޖެޓު ހުށަހެޅިއިރުގައި، ރިފޯމް އެޖެންޑާގައި ހިމެނޭ ހަރަދު ކުޑަކުރުމުގެ ފިޔަވަޅުތައް ނާޅާ ކޮންމެ މަހެއްގައި ހަރަދުތައް ބޮޑުވެ ޑެފިސިޓު އިތުރުވާނެ ކަމަށް ބުނެފައިވެ އެވެ. މި ގޮތުން ސަބްސިޑީ އާއި އާސަންދަ އާއި ވެލްފެއާ ހަަރަދުތަކަށް ކޮންމެ މަހެއްގައި 254 މިލިއަން ރުފިޔާ އިތުރަށް ހަރަދު ކުރަން ޖެހޭނެ ކަމަށް ފިނޭންސުން އޭރު އަންދާޒާކުރި އެވެ.

މިއާ އެކީ، ޖުމްލަ ހަރަދު 51.4 ބިލިއަން ރުފިޔާއަށް އިތުރުވެ، 2.3 ބިލިއަން ރުފިޔާ އިތުރަށް ހޯދަން ޖެހޭނެ ކަމަށް ވެސް ފިނޭންސުގެ ލަފާކުރުންތަކުން ދައްކަ އެވެ. އަދި ބަޖެޓު ފާސްކުރިއިރު 9.3 ބިލިއަން ރުފިޔާގައި ހުރި ބަޖެޓު ޑެފިސިޓު 11.7 ބިލިއަން ރުފިޔާއަށް އަރާނެ ކަމަށް ވެސް ފިނޭންސުން ބުނެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox