އެމެރިކާއިން ޓެރިފް ބޮޑުކުރި 60 ގައުމު ޓްރަމްޕް އިއުލާންކޮށްފި

ޑޮނަލްޑް ޓްރަމްޕް: ޓެރިފް ބޮޑުކުރި ގައުމުތައް ވަނީ އިއުލާން ކުރައްވާފައި -- ފޮޓޯ: ރޮއިޓާސް

ޑޮނަލްޑް ޓްރަމްޕް: ޓެރިފް ބޮޑުކުރި ގައުމުތައް ވަނީ އިއުލާން ކުރައްވާފައި -- ފޮޓޯ: ރޮއިޓާސް

އެމެރިކާއަށް އެތެރެކުރާ މުދަލުން ޓެރިފް ބޮޑުކުރާ 60 ގައުމުގެ ލިސްޓު އެ ގައުމުގެ ރައީސް ޑޮނަލްޑް ޓްރަމްޕް އިއުލާން ކުރައްވައި، އެކަން ތަންފީޒުކުރާ އަމުރުގައި ސޮއިކުރައްވައިފި އެވެ.

ޓެރިފް ބޮޑުކުރާ ގައުމުތަކުގެ ލިސްޓު އިއުލާންކުރަން ވައިޓް ހައުސްގެ ރޯސް ގާޑަންގައި ބޭއްވި ރަސްމިއްޔާތުގައި ޓްރަމްޕް ވިދާޅުވީ އެމެރިކާއަށް މުދާ އެތެރެކުރާ ގައުމުތަކަށް ޓެރިފް ބޮޑުކުރުމަކީ އެ ގައުމުގެ ތާރީހުގައި ފާހަގަކޮށްލެވޭނެ ދުވަހަކަށް ވާނެ ކަމަށެވެ.

އެގޮތުން އެޕްރިލް 2، އަކީ ގައުމަށް އައު އުންމީދުތަކެއް ގެނެސް އަމިއްލަ ފައިމައްޗަށް ތެދުވާން ލިބުނު ފުރުސަތަކަށް ވެގެންދާނެ ކަމަށް ވެސް ޓްރަމްޕް ވިދާޅުވި އެވެ.

"މީގެ ސަބަބުން ވަޒީފާތަކާއި ފެކްޓްރީތައް އެމެރިކާއަށް އަންނާނެ. މިއީ އެމެރިކާގެ ރަން ދުވަސްތައް އަނބުރާ ގެންނަން ލިބޭ ފުރުސަތެއް. އަހަރުމެން އެނބުރި އަންނާނީ ވަރުގަދަކޮށް،" އޭނާ ވިދާޅުވި އެވެ.

ޓެރިފް ބޮޑުކުރި ބައެއް ގައުމުތައް ޕަސަންޓާ އެކު:

  • ޗައިނާ - 34 ޕަސަންޓު
  • އިންޑިއާ - 26 ޕަސަންޓު
  • ދެކުނު ކޮރެއާ - 25 ޕަސަންޓު
  • ޖަޕާން - 24 ޕަސަންޓު
  • ޓައިވާން - 32 ޕަސަންޓު
  • އިނގިރޭސިވިލާތް - 10 ޕަސަންޓު
  • ވިއެޓްނާމް - 46 ޕަސަންޓު
  • ސްވިޒަލޭންޑް - 31 ޕަސަންޓު
  • ކެމްބޯޑިއާ - 49 ޕަސަންޓު
  • ދެކުނު އެފްރިކާ - 30 ޕަސަންޓު
  • އިންޑޮނީޝިއާ - 32 ޕަސަންޓު
  • ބްރެޒިލް - 10 ޕަސަންޓު
  • ސިންގަޕޫރު - 10 ޕަސަންޓު

ޓްރަމްޕް ވިދާޅުވީ ޓެރިފް ބޮޑުކުރި ގައުމުތަކަށް އެމެރިކާގައި އެއްވެސް ޓެރިފަކާއި ނުލައި ތަކެތި އުފެއްދުމުގެ ދޮރު އޮތީ ހުޅުވާލެވިފައި ކަމަށެވެ.

"ޓެރިފް ރޭޓު ސުމެއްގައި ބައިންދަން ބޭނުންވާނަމަ ގައުމުތަކުން އުފައްދާ އުފެއްދުންތައް އެމެރިކާގައި އުފައްދަން ޖެހޭނީ. އޭރުން އެއްވެސް ޓެރިފެއް ނުނަގާނެ،" އޭނާ ވިދާޅުވި އެވެ.

މީގެއިތުރުން ޓްރަމްޕް ވިދާޅުވީ ގައުމުތަކުން ޓެރިފް ކުޑަކުރަން އަތުވެއްޖެނަމަ، އެ ގައުމުތަކުން ކަނޑައަޅާފައި އޮތް ޓެރިފްތައް ޖެހޭނީ އެ ގައުމުތަކުން ކަނޑައަޅާފައި އޮތް ޓެރިފްތައް އުވާލަން ކަމަށެވެ.

ޓްރަމްޕް އިތުރަށް ވިދާޅުވީ އެމެރިކާއަށް އެތެރެކުރާ ހުރިހާ މުދަލަކުން 10 ޕަސަންޓު ޓެރިފް ދައްކަން ޖެހޭނެ ކަމަށާއި އެ އުސޫލު މިހާރު އިއުލާންކުރި 60 ގައުމުގެ ލިސްޓުގެ 50 ގައުމަށް ހިނގާނެ ކަމަށެވެ.

ވީހާވެސް ގިނަ ބިދޭސީން އޮންނަ އުސޫލުގެ ތެރެއިން އެމެރިކާއަށް އައުމަކީ ބޭނުންވާ ގޮތްކަން ފާހަގަކުރައްވާ ޓްރަމްޕް ވިދާޅުވީ ސްޓޮކް މާކެޓް ވެސް ރަނގަޅުވާނެ ކަމަށް ލަފާކުރެވޭ ކަމަށެވެ.

ކޮމެންޓް

ފަހުގެ ޚަބަރު

ދޮންބާސް ދޫކޮށްލައިފިނަމަ ނޭޓޯ މެންބަރުކަން ދިނުމުގެ ހުށަހެޅުމެއް

ޔޫކްރެއިންގެ ދޮންބާސް ސަރަހައްދު ރަޝިއާއަށް ދޫކޮށްލުމުގެ ބަދަލުގައި އެ ގައުމަށް ނޭޓޯގެ މެންބަރުކަން ދިނުމުގެ ހުށަހަޅުމެއް އެމެރިކާގެ މަންދޫބުން ހުށަހަޅާފައިވާ ކަމަށް ރައީސް ޒެލެންސްކީ ވިދާޅުވެއްޖެއެވެ. މިފަދަ އެއްބަސްވުމަކަށް ދާނީ ގައުމުގެ ސަލާމަތާއި އާރާސްތުކުރުމުގެ ފުރިހަމަ ޔަގީންކަން ލިބި، ރައްޔިތުންގެ ފެންނަ ނުފެންނަ ވޯޓަކުން އެކަން ފާސްވެއްޖެނަމަ ކަމަށްވެސް އޭނާ ފާހަގަކުރެއްވިއެވެ.

ޔޫގަންޑާގައި އަސްކަރީ ޖެނެރަލުން ހައްޔަރުކޮށްފި

ޔޫގަންޑާގެ ރައީސް މުސެވެނީގެ ދަރިކަލުން އަދި އަސްކަރިއްޔާގެ ވެރިޔާ ޖެނެރަލް މުހޫޒީ ކައިނޭރުގާބާ، އެ ގައުމުގެ އިސް ޖެނެރަލުންތަކެއް ހައްޔަރުކޮށް ނައިބު ރައީސަށް އިންޒާރު ދެއްވުމާ ގުޅިގެން ސިޔާސީ ނުތަނަވަސްކަން ވަނީ ބޮޑުވެފައެވެ. މުހައްލިލުން ގަބޫލުކުރާ ގޮތުގައި މިއީ ބައްޕައަށް ފަހު ވެރިކަމަށް ވަޑައިގަތުމަށްޓަކައި، އެކަމަށް ހުރަސްއަޅާ ފަރާތްތައް އެއްފަރާތްކުރުމަށް ކައިނޭރުގާބާ ހިންގަވާ ސިޔާސީ ހަރަކާތެކެވެ. މި ހައްޔަރުކުރުންތަކަކީ ކޮރަޕްޝަނާ ދެކޮޅަށް ކުރާ ކަމެއް ކަމަށް އަސްކަރިއްޔާއިން ބުނި ނަމަވެސް، މިއީ ސީދާ ވެރިކަމުގެ ބާރުތައް ހޯދުމަށް ކުރާ ކަމެއްކަމުގެ ތުހުމަތު ވަނީ އަމާޒުވެފައެވެ.

އެމެރިކާގެ ހުރިހާ ފްލައިޓްތަކެއް ހުއްޓުމަކަށް

އެމެރިކާގެ އެއާ ޓްރެފިކް ކޮންޓްރޯލްގެ މުއާސަލާތީ ނިޒާމަށް ދިމާވި މައްސަލައަކާ ގުޅިގެން، އެ ގައުމުގެ ހުރިހާ ފްލައިޓްތަކެއް ހުއްޓުމަކަށް އައިސް ގިނަ އަދަދެއްގެ ދަތުރުތައް ވަނީ ކެންސަލްވެފައެވެ. މިއީ ސައިބާ ހަމަލާއެއް ނޫން ކަމަށާއި، މިއީ ނިޒާމަށް ދިމާވި ފަންނީ މައްސަލައެއް ކަމަށް ކަމާބެހޭ އިދާރާތަކުން ވަނީ ހާމަކޮށްފައެވެ.

ޓްރަމްޕް، ޝީ އަދި ޕުޓިން އަންނަ ހަފުތާގައި ބައްދަލުކުރަނީ

އަންނަ ހަފުތާގައި ޗައިނާގައި ބާއްވާ އޭޕެކް ސަމިޓުގެ ހަވާސާގައި އެމެރިކާ، ޗައިނާ އަދި ރަޝިޔާގެ ރައީސުން ބައްދަލުކުރައްވައި ނިއުކްލިއާ ހަތިޔާރު މަދުކުރުމާ ގުޅޭގޮތުން ތާރީޚީ މަޝްވަރާތަކެއް ބޭއްވުމަށް ވަނީ ހަމަޖެހިފައެވެ. މި ބައްދަލުވުމުގައި ނިއުކްލިއާ މައްސަލައިގެ އިތުރުން އީރާނުގެ މައްސަލައާ ގުޅޭގޮތުން ވެސް ވާހަކަދެއްކުމަށް ހަމަޖެހިފައިވާއިރު، މިއީ މި ތިން ގައުމުގެ އިސްވެރިން އެކުގައި ބާއްވާ މިފަދަ ފުރަތަމަ ބައްދަލުވުމެވެ.

މައިކްރޯސޮފްޓްގެ ހިދުމަތްތަކަށް ބުރޫ އަރައިފި

މައިކްރޯސޮފްޓްގެ އިންފްރާސްޓްރަކްޗާއަށް ބާރުބޮޑުވުމުގެ ސަބަބުން، އައުޓްލުކް އާއި ޓީމްސް ހިމެނޭހެން އެ ކުންފުނީގެ ގިނަ ހިދުމަތްތަކަކަށް ދުނިޔޭގެ އެކި ކަންކޮޅުތަކުގައި ބޮޑެތި ބުރޫތަކެއް އަރައިފިއެވެ. މި މައްސަލަ ހައްލުކޮށް ހިދުމަތްތައް އާންމު ހާލަތަށް ގެނައުމަށްޓަކައި އެ ކުންފުނިން ދަނީ އަވަސް ފިޔަވަޅުތަކެއް އަޅަމުންނެވެ. ބައެއް ސަރަހައްދުތަކަށް މިހާރު ހިދުމަތް ލިބުނު ނަމަވެސް، މައްސަލަ އެއްކޮށް ހައްލުކުރުމުގެ މަސައްކަތް އަދިވެސް ދަނީ ކުރިއަށެވެ.

ގާޒާގެ ހޮސްޕިޓަލަކަށް ހަމަލާދީ ޑޮކްޓަރަކާއި ކުއްޖަކު މަރާލައިފި

ގާޒާގެ ނާސިރު ހޮސްޕިޓަލަށް އިޒްރޭލުން ދިން ވަރުގަދަ ހަމަލާއެއްގައި ޑޮކްޓަރަކާއި ކުޑަކުއްޖަކު ހިމެނޭހެން ހަ މީހަކު ޝަހީދުވެ، 40 މީހުންނަށް އަނިޔާވެއްޖެއެވެ. އެމެރިކާގައި އުފައްދާފައިވާ ބޮން ބޭނުންކޮށްގެން ދިން މި ހަމަލާގައި ހޮސްޕިޓަލުގެ ސާޖަރީ ޔުނިޓަށް ބޮޑެތި ގެއްލުންތަކެއް ލިބިފައިވާއިރު، އިޒްރޭލުން ބުނަނީ މިއީ ހަމާސްގެ ކޮމާންޑަރަކަށް އަމާޒުކޮށް ދިން ހަމަލާއެއް ކަމަށެވެ.

އެންވީޑިއާގެ ސީއީއޯ އިސްތިއުފާ ދެއްވައިފި

އެންވީޑިއާގެ ސީއީއޯ ޖެންސަން ހުއާން ކުއްލި ގޮތަކަށް މަގާމުން އިސްތިއުފާ ދެއްވީ، އޭނާ ބޭއްވި ނަހަމަ ގުޅުންތަކެއްގެ ތެރޭގައި ޗައިނާގެ ޖާސޫސަކު ހިމެނޭ ކަމަށް ތުހުމަތު ކުރެވި ގައުމީ ސަލާމަތަށް ނުރައްކާވުމާ ގުޅިގެންނެވެ. މި ހާދިސާއާ އެކު ކުންފުނީގެ ބާޒާރުގެ އަގުން 550 ބިލިއަން ޑޮލަރު އުނިވެފައިވާއިރު، ވަގުތީ ގޮތުން ކުންފުނި ހިންގުމާ ހަވާލުވެވަޑައިގަތީ ސީއެފްއޯ ކޮލެޓް ކްރެސް އެވެ. އެމެރިކާގެ ގާނޫނު ހަދާ މަޖިލީހުން މިހާރު ދަނީ މި މައްސަލަ ތަހުގީގުކޮށް، ޖެންސަން ކޮންގްރެސްއަށް ހާޒިރުކުރުމަށް މަސައްކަތް ކުރަމުންނެވެ.

Newsletter

Get the latest news delivered straight to your inbox