އުރީދޫގެ އެމް-ފައިސާ މެދުވެރިކޮށް އުރީދޫގެ ކަސްޓަމަރުންނަށް ފިތުރު ޒަކާތް ރާއްޖޭގެ ކޮންމެ ހިސާބަކުންވެސް، ފަސޭހަ ކަމާއި ރައްކާތެރިކަމާއެކު ދެއްކޭނެ ކަމަށް އެ ކުންފުނިން ބުނެފި އެވެ.
އުރީދޫ މެދުވެރިކޮށް ފިތުރު ޒަކާތް ދައްކާނެ ގޮތް:
1️ . ޕޯޓަލް މެދުވެރިކޮށް އެމް-ފައިސާއަށް ލޮގިންވުން.
2. ޒަކާތުގެ ބާވަތާއި އަދަދު އިހްތިޔާރުކުރުން.
3. ތަފްސީލުތައް ޖެހުން.
4. ޕޭމަންޓް މެތަޑްގެ ގޮތުގައި އެމް-ފައިސާ އިހްތިޔާރުކޮށް ވޮލެޓް ނަންބަރު ޖެހުން.
5. ޕޭމަންޓް ކަށަވަރު ކުރުމަށް އޯޓީޕީ ވެރިފައި ކުރުން.
އެމް-ފައިސާ މެދުވެރިކޮށް އުރީދޫ މޯލްޑިވްސް އިން ދަނީ ކޮންމެ ދުވަހަކު ކުރާ ފައިސާގެ މުއާމަލާތްތައް އިތުރަށް ފަސޭހަކޮށްދީ ޑިޖިޓަލް ހިދުމަތްތަކަށް މުޖުތަމައުތައް ބާރުވެރި ކުރުވަމުންނެވެ.
މިއީ ޑިޖިޓަލް މޯލްޑިވްސްގެ އެ ކުންފުނީގެ ތަސައްވުރާ އެއްގޮތްވާ ގޮތުގެ މަތިން، ޒަރޫރީ މާލީ ހިދުމަތްތައް އެންމެންނަށް ވެސް ލިބެން ހުންނާނެ ކަން ކަށަވަރުކުރުން ކަމަށް އުރީދޫ އިން ބުންޏެވެ.
ރާއްޖޭގެ މަޝްހޫރު ޑިޖިޓަލް ވޮލެޓެއް ކަމަށްވާ އެމް-ފައިސާ އަކީ މަނީ ޓްރާންސްފާ، ޔުޓިލިޓީ ބިލް ޕޭމަންޓް އަދި މާޗަންޓް ޓްރާންސެކްޝަންފަދަ މާލީ ގިނަ ހިދުމަތްތަކެއް ފޯރުކޮށްދޭ ވޮލެޓެކެވެ.
