އުރީދޫ އިން ބޭއްވި ރަމަޟާން އީސްޕޯޓްސް ފެސްޓިވަލް ނިންމާލައިފި

އުރީދޫ ނޭޝަން އާއި ޔޫތު މިނިސްޓްރީ ގުޅިގެން ބޭއްވި ރަމަޟާން އީސްޕޯޓްސް ފެސްޓިވަލް 2ކޭ25 ކުލަގަދަކޮށް ނިންމާލައިފި އެވެ.

އެ ފެސްޓިވަލުގެ ނިންމުމުގެ ރަސްމިއްޔާތުގައި ޔޫތު މިނިސްޓަރު އިބްރާހިމް ވަހީދު (އަސްވާޑު) އަދި އުރީދޫގެ ޗީފް ކޮމާޝަލް އޮފިސާ ހުސައިން ނިޔާޒުގެ އިތުރުން މިނިސްޓްރީ އާއި އުރީދޫގެ އިސް ވެރިން ބައިވެރިވި އެވެ.

ފެސްޓިވަލްގައި ހިމެނޭ މުބާރާތްތައް ކަމަށްވާ އީއޭއެފްސީ، ޕަބްޖީ މޯބައިލް އަދި ޓެކެން ހިމެނޭ ގޮތަށް 30،000ރ. ގެ ޕްރައިޒް ޕޫލަކާ އެކުގަ އެވެ.

އުރީދޫ އިން ބުނީ އެ ހަރަކާތަކީ ކުރިއަރަމުން އަންނަ ލޯކަލް ގޭމިން ކޮމިއުނިޓީގެ ހުނަރު ދައްކާލައި، އެކުވެރިކަމާއި ވާދަވެރިކަމާ އެކު ގޭމް ކުޅޭ ފަރާތްތަކާ ގުޅުން ބަދަހިކޮށް ހުރިހާ އުމުރު ފުރާ އަކަށް ހުޅުވާލައިގެން ކުރިއަށްދިޔަ ފެސްޓިވަލެއް ކަމަށެވެ.

މުބާރާތުގައި ވަނަވަނައަށް ހޮވުނު މީހުން:

• ޕަބްޖީ މޯބައިލް: ތިންވަނަ ސިންޑިކޭޓް (2،000ރ.)، ދެވަނަ އެސްޑީއެމްޒެޑް (3،000ރ.) އަދި ޗެމްޕިއަން އެލްއެފް ސްކައިފޯސް (5،000ރ.).
• ޓެކެން: ތިންވަނަ އަޝްވާން (2،000ރ.)، ދެވަނަ ޔޫހް (3،000ރ.) އަދި ޗެމްޕިއަން ތާބިޝް (5،000ރ.).
• އީއޭއެފްސީ 25: ތިންވަނަ ޒަޔާން/އަލްޔާން (2،000ރ.)، ދެވަނަ އިނާން/ޖަނާން (3،000ރ.) އަދި ޗެމްޕިއަން ނައްސާމް/ޔޫމަން (5،000ރ.)