ބަޔާން، ލެވަކޫސަން އަދި ޑޯޓްމަންޑަށް ވެސް ނާކާމިޔާބު

Mar 8, 2025, 7:48 PM
ބަޔާން، ލެވަކޫސަން އަދި ޑޯޓްމަންޑަށް ވެސް ނާކާމިޔާބު

މިއުނިކް (މާޗް 9) - ޖަރުމަނު ލީގުގެ ވަރުގަދަ ތިން ބާރު ކަމަށްވާ ބަޔާން މިއުނިކާއި ބަޔާ ލެވަކޫސަން އަދި ބޮރޫޝިއާ ޑޯޓްމަންޑުން މިރޭ ކުޅުނު މެޗުތަކުން ބަލިވެއްޖެ އެވެ.

މިއީ، މި ތިން ޓީމު ޖަރުމަނު ލީގުގެ އެއް ހަފްތާގެ މެޗު ދުވަހެއްގައި، މިދިޔަ 18 އަހަރު ދުވަސް ތެރޭ ބަލިވި ފުރަތަމަ ފަހަރެވެ. އެންމެ ފަހުން މި ތިން ޓީމު އެއް މެޗުޑޭއެއްގައި ބަލިވީ، 2006/2007 ވަނަ ލީގު ސީޒަނުގަ އެވެ.

ބަޔާނުން މެޗުގެ ބޮޑުބައި އެއް ކުޅުންތެރިއަކު މަދުކޮށް ކުޅެން ޖެހުނުއިރު، ބޮކުމް އަތުން ބަލިވީ 3-2 އިންނެވެ. އަމިއްލަ ދަނޑުގައި ލެވަކޫސަނުން ވާޑާ ބްރެމަން އަތްދަށުވީ 2-0 އިންނެވެ. އަދި، ޑޯޓްމަންޑުން ކުޅުނު މެޗުގައި އޮއުސްބާގް އަތުން ބަލިވީ 1-0 އިންނެވެ.

Advertisement

ލީގުގެ އެއް ވަނައިގައި ބަޔާން އޮތީ 25 މެޗުން 61 ޕޮއިންޓާ އެކު އެވެ. ދެ ވަނައިގައި އޮތް ލެވަކޫސަނަށް 25 މެޗުން ލިބިފައިވަނީ، 53 ޕޮއިންޓެވެ.

ބަޔާނުން 125 ވަނަ އަހަރީ ދުވަސް ފާހަގަކުރާ މުނާސަބަތާ ގުޅުވައިގެން ހަރަކާތްތަަކެއް ބާއްވައި ކުޅުނު މެޗުގައި ދެ ގޯލުގެ ލީޑެއް ނެގި އެވެ. މެޗުގެ ފުރަތަމަ 28 މިނިޓް ތެރޭ ބަޔާންގެ ދެ ގޯލު ވެސް ޖެހީ ޕޯޗުގީސް ފުލްބެކް، ރަފައެލް ގަރޭރޯ އެވެ.

މެޗުގެ ތެރެއަށް އެނބުރި ވަނުމަށް ބޮކުމް އިން ފުރަތަމަ ގޯލު ޖެހީ މެޗުގެ 31 ވަނަ މިނިޓްގަ އެވެ. މިއީ، ޖަކޯވް މެޑިކް ކާމިޔާބުކުރި ގޯލެކެވެ. މިއީ، އޭނާ މި ސީޒަނުގައި ލީގުގައި ޖެހި ފުރަތަމަ ގޯލެވެ.

ބަޔާނަށް މައްސަލަ ދިމާވީ މެޗުގެ 42 ވަނަ މިނިޓްގައި އެ ޓީމުގެ މިޑްފީލްޑަރު، ޖޮއާއޯ ޕަލީނިއާ އަށް ސީދާ ރަތް ކާޑެއް ދެއްކުމުންނެވެ. މިއީ، ބޮކުމްގެ ޖީއޯޖަސް މަސޫރާސް އަށް ނުރައްކާތެރި ފައުލެއް ކުރުމުން ޕަލީނިއާ އަށް ދެއްކި ރަތް ކާޑެކެވެ.

މެޗުގައި ބަޔާނުގެ ކުޅުންތެރިއަކު މަދުވުމުގެ ފައިދާނަގައި، ބޮކުމް އިން ނަތީޖާ އަނބުރާލީ ދެ ވަނަ ހާފުގަ އެވެ. މިއީ، އޭރިއާތެރެއިން އިބްރާހިމާ ސިސޯކޯ ބޮލުން ކާމިޔާބުކުރި ގޯލެކެވެ. އެ ޓީމު މޮޅުވި ގޯލު ޖެހީ މަޓޫސް ބެރޯ އެވެ.

މިއީ، މިދިޔަ 34 އަހަރު ތެރޭ ބަޔާން ދަނޑުގައި ބޮކުމް އިން ހޯދި ފުރަތަމަ މޮޅެވެ. އަދި، މިދިޔަ ޑިސެމްބަރު މަހު 14 ގެ ފަހުން ލީގުގެ މެޗެއްގައި ބަޔާން ބަލިވި ފުރަތަމަ ފަަހަރެެވެ.

ލެވަކޫސަން ކޮޅަށް މެޗުގެ ހަތް ވަނަ މިނިޓްގައި ބްރެމަން އަށް ލީޑުނަގައިދިނީ، ރޮމާނޯ ޝްމިޑްޓް އެވެ. އަދި މެޗުގެ އިތުރު ވަގުުތުގައި ބްރެމަންގެ ދެ ވަނަ ގޯލު ޖެހީ ޖަސްޓިން ނިޖްމާ އެވެ.

ޑޯޓްމަންޑް އަތުން އޮއުސްބާގް މޮޅުކޮށްދިން ގޯލު ޖެހީ، ޖެފްރޭ ގޯވީލޫ އެވެ. މި މެޗުގައި ލަނޑު ޖަހަން ޑޯޓްމަންޑުން ގިނަ ފުރުސަތުތަކެއް ތަނަވަސްކުރި ނަމަވެސް ކާމިޔާބުކުރެވޭ ގޮތެއްނުވި އެވެ. މި މެޗުން ބަލިވި ޑޯޓްމަންޑް އޮތީ 25 މެޗުން 35 ޕޮއިންޓާ އެކު، ލީގުގެ 10 ވަނައިގަ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox