ސުޕްރީމް ކޯޓުގެ ފަނޑިޔާރުން ކުރެއްވި އުނދަގޫ ސުވާލުތަކަށް ދައުލަތުން ސާފު ޖަވާބެއް ނުދެވުނު

ސުޕްރީމް ކޯޓުގެ ފަނޑިޔާރު، ހުސްނުއްސުއޫދު -- ފޮޓޯ: ވީޑިއޯ ސްނެޕްޝޮޓް

ސުޕްރީމް ކޯޓުގެ ފަނޑިޔާރު، ހުސްނުއްސުއޫދު -- ފޮޓޯ: ވީޑިއޯ ސްނެޕްޝޮޓް

ސިޔާސީ ޕާޓީއަކުން ވަކިކޮށްފި ނަމަ ނުވަތަ ވަކިވެއްޖެ ނަމަ ރައްޔިތުންގެ މަޖިލީހުގެ ގޮނޑި ގެއްލޭ ގޮތަށް ގާނޫނުއަސާސީއަށް ގެނައި އިސްލާހު، އަސާސީއާ ހިލާފުވުމުގެ އިތުރުން އެއީ ރިޔާސީ ނިޒާމުގެ ސިފައެއް ވެސް ނޫން ކަމަށް އެ ބަދަލުތައް ބާތިލު ކުރަން ސުޕްރީމް ކޯޓަށް ހުށަހެޅި މައްސަލައިގެ ފުރަތަމަ އަޑުއެހުމުގައި ފަނޑިޔާރުން ކުރިމަތި ކުރި އުނދަގޫ ސުވާލުތަކަށް ސާފު ޖަވާބެއް ދިނުމަށް ދައުލަތް ނުކުޅެދިއްޖެ އެވެ.

އެ މައްސަލަ ކޯޓަށް ހުށަހެޅީ ކެންދޫ ދާއިރާގެ ކުރީގެ މެންބަރު އަލީ ހުސެއިންނެވެ. އަލީ ހުސެއިން ހުށަހެޅި މައްސަލައިގައި އެދިފައި އޮތީ ގާނޫނުއަސާސީއަށް ގެނައި އިސްލާހު ބާތިލު ކޮށްދިނުމަށެވެ.

ނަމަވެސް ދައުލަތުން ވަކާލާތު ކުރީ ގާނޫނުއަސާސީއަށް ގެނައި އިސްލާހުގެ މައްސަލަ ދުސްތޫރީ މައްސަލައެއްގެ ގޮތުގައި ސުޕްރީމް ކޯޓަށް ނުބެލޭނެ ކަމަށް ބުނެ އެވެ. އެގޮތުން ދައުލަތުގެ ވަކީލު، ފާތިމަތު ހަލީމް ވަކާލާތު ކުރެއްވީ ގާނޫނުއަސާސީގެ 174 ވަނަ މާއްދާގެ ހ. ގައި ބަޔާން ކުރާ ދުސްތޫރީ މައްސަލައިގެ ތައުރީފުގެ ތެރެއަށް މި މައްސަލަ ނުފެތޭ ކަމަށް ވިދާޅުވެ އެވެ.

Advertisement

"ދުސްތޫރީ މައްސަލަތަކުގެ ތެރޭގައި މި ހިމެނެނީ ގާނޫނުއަސާސީ މާނަ ކުރުމާ ގުޅޭ މައްސަލަތަކާއި ގާނޫނެއް ނުވަތަ ގާނޫނެއްގެ ބައެއް ނުވަތަ ގަވާއިދެއް ނުވަތަ ގަވާއިދެއްގެ ބައެއް ގާނޫނުއަސާސީއަށް ހިލާފުވާ ކަމަށް ބުނެ ހުށަހަޅާ މައްސަލަތަކާއި ދައުލަތުގެ އިދާރާއަކުން ނެޜ އަމުރެއް ގާނޫނުއަސާސީއާ ހިލާފުވާ ކަމަށް ބުނެ ހުށަހަޅާފައިވާ މައްސަލަތައް،" ދައުލަތުގެ ފަރާތުން ވަކާލާތު ކުރައްވާ، ފާތިމަތު ހަލީމް ވިދާޅުވި އެވެ.

އެ ދިފާއުއާ ގުޅިގެން އެ މައްސަލަ ބައްލަވާ ފަނޑިޔާރުންގެ ފަރާތުން ގިނަ ސުވާލުތަކެއް ދައުލަތް ތަމްސީލު ކުރަން ވަޑައިގެން ތިއްބެވި ގާނޫނީ ވަކީލުންނާ ކުރިމަތި ކުރެއްވި އެވެ. ނަމަވެސް އޭގެތެރެއިން ގިނަ ސުވާލުތަކަށް އެޓާނީ ޖެނެރަލް އޮފީހުގެ ވަކީލުންނަށް ސާފު ޖަވާބެއް ނޭރުވުނެވެ.

އެގޮތުން ސުޕްރީމް ކޯޓުގެ ފަނޑިޔާރު، ހުސްނުއްސުއޫދު ދައުލަތުގެ ވަކީލާ ސުވާލު ކުރެއްވީ ސިޔާސީ ޕާޓީއަކުން ވަކިވުމުން މެންބަރުންގެ މެންބަރުކަން ގެއްލޭ އިސްލާހުގެ މައްސަލަ ސުޕްރީމް ކޯޓަށް ނުބެލޭނެ ކަމަށް ދައުލަތުން ވަކާލާތު ކުރާ ސަބަބު ސާފު ކޮށްދެއްވުމަށް އެދި އެވެ.

އެ ސުވާލުގެ ޖަވާބުގައި ދައުލަތުގެ ވަކީލު ވިދާޅުވީ ދުސްތޫރީ މައްސަލައެއްގެ ގޮތުގައި ޝަރީއަތުން ބެލޭނީ ގާނޫނުއަސާސީއާ ހިލާފަށް ހަދާ ގާނޫނުތަކުގެ މައްސަލަ ކަމަށެވެ. ނަމަވެސް ހުށަހެޅިފައިވާ މައްސަލައަކީ ގާނޫނުއަސާސީގެ ބައެއް ގާނޫނުއަސާސީގެ އަނެއް ބަޔާ ހިލާފު ކަމަށް ބުނެ ހުށަހަޅާފައިވާ މައްސަލައެއް ކަމަށް ފާތިމަތު ވިދާޅުވި އެވެ.

"އިއްޒަތްތެރި ފަނޑިޔާރު އަޅުގަނޑުމެން މައްސަލަ ހުށަހެޅި ފަރާތުން އެ މާނަކުރާ ގޮތަށް މިއީ ގާނޫނެއް ކަމަށް ބަލައިގެން ކުރިއަށް ދާނަމަ އޭގައި ވަރަށް ބޮޑެތި އިޖުރާއީ މައްސަލަތަކެއް ވެސް އެބަ ދިމާވޭ، އެއީ އެއް ކަމަކަށް ބަލާނަމަ މިސާލަކަށް ދެވަނަ ބާބުގައި މި ބަޔާން ކުރާ ހައްގަކަށް މި ގެންނަ އިސްލާހަކީ ވެސް އޭގެ ޒާތުގައި ގާނޫނެއްގެ ގޮތުގައި ނުވަތަ ގާނޫނުއަސާސީގައި ދެ ދަރަޖައެއްގެ ގާނޫނުއަސާސީއެއްގެ މާއްދާތަކެއް ހުންނަ ކަމަށް ބަލައިގެން ކުރިއަށް ދާ ކަމުގައި ވާނަމަ، ކޮން ހިސާބަކުންތޯ ދެން އެ ތައާރަޒުވާނީ ފަހުން ހަދާ ގާނޫނަކާ، މިކަހަލަ ބައެއް ޕްރެކްޓިކަލް މައްސަލަތައް ވެސް އެބަ ދިމާވޭ ތި ވިދާޅުވާ ގޮތަށް މާނަ ކުރައްވައިފި ކަމުގައިވަންޏާ،" ފާތިމަތު ވިދާޅުވި އެވެ.

ދައުލަތުގެ އެ ވާހަކަތަކާ ގުޅިގެން ފަނޑިޔާރު ސުޖޫން ސުވާލު ކުރެއްވީ ގާނޫނުއަސާސީގެ ބައެއް ގާނޫނުއަސާސީއާ ހިލާފުވާ ހާލަތުގައި އެ މައްސަލަ ދެން ބެލޭނީ ކޮން ކޯޓަކުންތޯ އެވެ. ނުވަތަ އެފަދަ ހާލަތެއްގައި ދެން ނިޔާއެއް ކަނޑައަޅައިދޭން އެދި ދާނީ ކޮން ތަނަކަށްތޯ ސުޖޫން ސުވާލު ކުރެއްވި އެވެ.

ފަނޑިޔާރުގެ އެ ސުވާލަށް ދައުލަތުން ސާފު ޖަވާބެއް ނުދެވުނެވެ.

އެއަށްފަހު އަނެއްކާވެސް ފަނޑިޔާރުން ސުވާލު ކުރެއްވީ ގާނޫނުއަސާސީއަށް އިސްލާހެއް ގެނައުމުގައި ނުވަތަ ގާނޫނެއް ފާސްކުރުމުގައި އިޖުރާއީ ހަމައިން ބޭރުން އަމަލު ކުރާ ހާލަތެއްގައި އެ މައްސަލައެއް ސުޕްރީމް ކޯޓަށް ބެލިދާނެ ކަމަށް ދައުލަތުން ގަބޫލު ނުކުރޭތޯ އެވެ. އަދި އެފަދަ ހާލަތެއް އުފަންވެއްޖެ ނަމަ އެކަމުގައި ހައްލެއް ހޯދަން ދާން ޖެހޭނީ ކޯޓަކަށްތޯ އެވެ.

އެ ސުވާލަށް ވެސް އެކަށީގެންވާ ޖަވާބެއް ދައުލަތަށް ނުދެވުނެވެ. ދައުލަތުގެ ވަކީލު ވިދާޅުވަމުން ގެންދެވީ ގާނޫނުއަސާސީގެ ބައެއް މާއްދާތައް އެހެން މާއްދާތަކަށްވުރެ ބުރަދަން ހުރި ކަމަށް ގަބޫލުކޮށްފި ނަމަ އޭގެ ސަބަބުން މައްސަލަތަކެއް ނުކުންނާނެ ކަމަށެވެ.

ސުޕްރީމް ކޯޓަށް މިހާރު ހުށަހެޅިފައިވާ މައްސަލައާ ގުޅިގެން އެ ކޯޓުން ހުކުމް ކުރާ ގޮތެއްގެ ސަބަބުން އެ ކޯޓުގެ އިމްތިޔާޒުތައް ހަނިވެގެން ހިނގައިދާނެކަން ފާހަގަކުރައްވައި ފަނޑިޔާރު ހުސްނުއްސުއޫދު ސުވާލު ކުރެއްވީ ދިވެހިރާއްޖޭގެ ދީނަކީ އިސްލާމް ދީންކަމަށް ގާނޫނުއަސާސީގައި ބަޔާން ކޮށްފައި އޮތް މާއްދާ އުވައިލާ ހާލަތުގައި، އެ މާއްދާއެއް ވެސް ގާނޫނުއަސާސީގެ ބައެއްގެ ގޮތުގައި ވެގެންދާނެ ކަމަށެވެ. ނަމަވެސް އެފަދަ ހާލަތެއްގައި ދެން ހައްލު ހޯދުމަށް ދާން ޖެހޭނީ ކޮން ކޯޓަކަށްތޯ ތަކުރާރުކޮށް ފަނޑިޔާރު ހުސްނުއްސުއޫދު އާއި ފަނޑިޔާރު ސުޖޫން ސުވާލު ކުރެއްވި އެވެ.

އެހެންނަމަވެސް އެ ސުވާލުތަކަށް ދައުލަތުން އެކަށީގެންވާވަރުގެ ފުރިހަމަ ޖަވާބެއް ނުދެވުނެވެ.

މިއަދުގެ އަޑުއެހުން ނިންމައިލީ، އެ މައްސަލައިގެ ތެރެއަށް ތަދައްހުލުވެފައިވާ އެމްޑީޕީއަށް ފުރުސަތު ދިނުމަށް މާދަމާ އިތުރު އަޑުއެހުމެއް ބާއްވާނެކަން އިއުލާނު ކުރުމަށްފަހު އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox