ސްކޫލް ކުދިންގެ ތުނބުޅި ބާލަން މަޖުބޫރު ކުރުން ހުއްޓުވަން ހުސެއިން ޝަރީފު ގޮވާލައިފި

ހުޅުމާލެ އުތުރު ދާއިރާގެ ޕީއެންސީ މެންބަރު، ހުސެއިން ޝަރީފް: މެންބަރު ވިދާޅުވީ ބައެއް ސްކޫލްތަކުގެ ކުދިންގެ ތުނބުޅި ބާލަން އަންގާ ކަމަށް -- ފޮޓޯ: މިރާޝް ނާޝިމް / އަދަދު

ހުޅުމާލެ އުތުރު ދާއިރާގެ ޕީއެންސީ މެންބަރު، ހުސެއިން ޝަރީފް: މެންބަރު ވިދާޅުވީ ބައެއް ސްކޫލްތަކުގެ ކުދިންގެ ތުނބުޅި ބާލަން އަންގާ ކަމަށް -- ފޮޓޯ: މިރާޝް ނާޝިމް / އަދަދު

ދިވެހިރާއްޖޭގެ ސްކޫލްތަކުގައި ކިޔަވާ ދަރިވަރުންގެ ތުނބުޅި ބާލަން މަޖުބޫރުކުރާ ކުރުން ހުއްޓުވަން ޖެހޭ ކަމަށް ހުޅުމާލެ އުތުރު ދާއިރާގެ މަޖިލިސް މެންބަރު، ހުސެއިން ޝަރީފް ވިދާޅުވެއްޖެ އެވެ.

މެންބަރު ހުސެއިން މިހެން ވިދާޅުވީ ރިސޯޓުތަކާއި ހޮޓާތަކުގެ މުވައްޒަފުން ތުނބުޅި ބެހެއްޓުމާއި ބުރުގާ އެޅުން ފަދަ ކަންކަން ކުރުމަށް ހުރި ހުރަސްތައް ނައްތާލަން ގޮވާލައި މަޖިލީހަށް ހުށަހެޅި ގަރާރުގެ ބަހުސްގަ އެވެ. އޭނާ ވިދާޅުވި ގޮތުގައި އިންސާނާ ބޭނުން ނުވާ ކަމެއް އޭނާ ލައްވައި ކުރުވުމަކީ ހައްގެއް ނިގުޅައިގަތުމެވެ.

"އެއްވެސް މަޖުބޫރުކަމެއް ރާއްޖޭގެ މި މާހައުލުގައި ޓޫރިޒަމް ދާއިރާ، ވަކި ދާއިރާއެއް ނޫން، ސްކޫލްތަކަށް ވަންނަ ކުދިންނަށް ވެސް މަޖުބޫރު އެބަ ކުރުވާ، އެކަން އެބަ ޖެހޭ ހުއްޓުވަން، އެ ކުދިން މިވެނި އުމުފުރާއަކަށް ހަމަ ބޮޑުވާއިރަށް އެބަ ބުނޭ، ހަމަ ކޮންމެ ދުވަހަކު އަންނަ އިރަށް ލީޑިން ޓީޗަރު ބުނާނެ އޭތް ތުނބުޅި ބާލައިގެން އާދޭ، މިކަން އެބަޖެހޭ ހުއްޓުވަން އަޅުގަނޑުމެން ގައުމުން،" ހުސެއިން ވިދާޅުވި އެވެ.

Advertisement

ތުނބުޅި ބާލަން މަޖުބޫރު ކުރުވުން އެއީ މާ ކުރީ ޒަމާނެއްގައި އޮތް ސަގާފަތެއް ނަމަވެސް މިހާރަށް އެކަން ނުފެތޭ ކަމަށް ހުސެއިން ވިދާޅުވި އެވެ. އަދި ފިރިހެނުން ތުނބުޅި ބޭލުމަކީ އެއީ މިހާރުގެ ޒުވާނުން ބޭނުންވާ ކަމެއް ނޫން ކަމަށް ވެސް އޭނާ ވިދާޅުވި އެވެ.

"އަޅުގަނޑުމެން ހިނގާ މުޅި ދުނިޔެއަށް ޖެހިލަމާ، މުޅި ދުނިޔެއަށް ޖެހިލާއިރު، އަދި ދީން ގަބޫލު ކުރާ ނުކުރާ އެޔެއް ބަލާނެ ކަމެއް ނެތް، މުޅި ޒުވާނުންގެ މެދުގައި ވެސް އެންމެ މަގުބޫލު ޓްރެންޑެއްގެ ގޮތުގައި އޮތީ މިއަދު އެމީހުން ހަމަ ފުރާވަރަށް އަރައިގެން އަންނަ ގޮތަށް ރީތިކޮށް ތުނބުޅި ރީތިކޮށް ދިގުކޮށްލާފައި ފިރިހެން ވަންތަކަން ހުރިހާ އެންމެންނަށް ދައްކައިލުން،" ހުސެއިން ވިދާޅުވި އެވެ.

ޓޫރިޒަމް ދާއިރާގައި މަސައްކަތް ކުރާ މުވައްޒަފުންނަށް އެ މީހުންގެ ތުނބުޅި ބަހައްޓައިގެންނާއި ބުރުގާ އަޅާ ޒުވާނުންނަށް ބުރުގާ އަޅައިގެން މަސައްކަތް ކުރެވޭނެ މާހައުލެއް ފަހިކޮށްދޭން އުސޫލެއް ހަދަން ގޮވާލައި މަޖިލީހަށް ހުށަހެޅި ގަރާރު މިއަދު ވަނީ މަޖިލީހުން ބަލައިގެންފަ އެވެ. އެ ގަރާރު އިތުރަށް ދިރާސާކޮށް ގޮތެއް ނިންމާނީ ކަމާބެހޭ ކޮމިޓީންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox