ރައީސް މުއިއްޒު، ނައިބު ރައީސް ހުސެއިން އާއި މަޖިލީހުގެ ނައިބު ރައީސް ނާޒިމްއާ ބައްދަލުކުރައްވައިފި

ރައީސް މުއިއްޒު އާއި ނައިބު ރައީސް ހުސެއިން އަދި މަޖިލީހުގެ ނައިބު ރައީސް ނާޒިމް: މި ތިން ބޭފުޅުން ބައްދަލުކުރެއްވީ މަޖިލީހުގެ ރައީސް ކަމުން އަބްދުއްރަހީމް ވަކިކުރުމުގެ މަސައްކަތް ފަށާފައިވާ ކަމުގެ އަޑުއަރާފައިވާ ދަނޑިވަޅެއްގައި -- ގްރެފިކްސް: އިސްމާއިލް އިމްދާދު/އަދަދު

ރައީސް މުއިއްޒު އާއި ނައިބު ރައީސް ހުސެއިން އަދި މަޖިލީހުގެ ނައިބު ރައީސް ނާޒިމް: މި ތިން ބޭފުޅުން ބައްދަލުކުރެއްވީ މަޖިލީހުގެ ރައީސް ކަމުން އަބްދުއްރަހީމް ވަކިކުރުމުގެ މަސައްކަތް ފަށާފައިވާ ކަމުގެ އަޑުއަރާފައިވާ ދަނޑިވަޅެއްގައި -- ގްރެފިކްސް: އިސްމާއިލް އިމްދާދު/އަދަދު

ރައީސް ޑރ. މުހައްމަދު މުއިއްޒު، ނައިބު ރައީސް ހުސެއިން މުހައްމަދު ލަތީފު އަދި ރައްޔިތުންގެ މަޖިލީހުގެ ނައިބު ރައީސް އަހުމަދު ނާޒިމް އާ ބައްދަލުކުރައްވައިފި އެވެ.

މި ތިން ބޭފުޅުން އިއްޔެގެ ވަގުތެއްގައި މުލިއާގޭގައި ބައްދަލުކުރިކަން ތަފާތު އެކި މަސްދަރުތަކުން "އަދަދު" އަށް ވަނީ ޔަގީންކޮށްދީފަ އެވެ. މައުލޫމާތު ލިބުނު ގޮތުގައި މި ބައްދަލުވުން ކުރިއަށް ގޮސްފައިވަނީ ނައިބު ރައީސް ހުސެއިން ޔޫއޭއީއަށް ފުރާވަޑައިގަތުމުގެ ކުރިންނެވެ.

ރައީސް އާއި އެމަނިކުފާނުގެ ނައިބު އަދި މަޖިލީހުގެ ނައިބު ރައީސް ބައްދަލުކުރައްވާފައި މިވަނީ ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އާއި ރައީސް މުއިއްޒުއާ ގުޅުން ގޯސްވެފައިވާ ދަނޑިވަޅެއްގަ އެވެ.

އެ ގޮތުން، ރައީސް އާއެކު އޮތް ގުޅުން ރަނގަޅު ނޫން ކަމަށް އަބްދުއްރަހީމް ވަނީ މި ފަހުން ރާއްޖޭގެ ނޫހަކާ ވާހަކަދައްކަވަމުން ވިދާޅުވެފަ އެވެ. އެމަނިކުފާނު މިފަދައިން ވިދާޅުވީ ޓޫރިޒަމް މިނިސްޓަރުގެ މަގާމުން ދަރިކަލުން އިބްރާހިމް ފައިސަލް ވަކިކުރަން، ރައީސް މުއިއްޒު ނިންމެވުމާ ގުޅިގެންނެވެ.

މި ނުތަނަސްވަކަމުގެ ތެރެއިން، ވެރިކަންކުރާ ޕީއެންސީގެ ހިންގުމާއި ކެމްޕޭން ހަރަކާތްތަކުން އަބްދުއްރަހީމް ވަނީ އެކަހެރިކޮށްފަ އެވެ. އަދި، ސަރުކާރާއި އެސްއޯއީތަކުގައި ތިއްބެވި އަބްދުއްރަހީމްގެ އަރިސް ބޭފުޅުންތަކެއް ވެސް ވަނީ މަގާމުން ދުރުކޮށްފަ އެވެ.

މަޖިލީހުގެ ރައީސް ކަމުން އަބްދުއްރަހީމް ދުރުކުރަން ޕީއެންސީގެ ތެރެއިން މަސައްކަތްތަކެއް ކުރަމުންދާ ކަމުގެ އަޑުތައް ވަނީ އަރާފަ އެވެ.

ނަމަވެސް މިހާތަނަށް މިކަމާ ގުޅޭ ގޮތުން ޕީއެންސީން ރަސްމީކޮށް އެއްޗެއް ނުބުނެ އެވެ. އަދި ރައްޔިތުންގެ މަޖިލީހަށް މައްސަލަ ހުށަހަޅަން ސޮއި ހޯދަމުންދާ ކަމުގެ މައުލޫމާތެއް ވެސް އަދި ނުލިބެ އެވެ.

އަބްދުއްރަހީމް ވަކިކުރާ ހާލަތެއްގައި ނާޒިމް އަކީ މަޖިލީހުގެ ރައީސްގެ މަގާމަށް ގެންނަން ރައީސް މުއިއްޒު ބޭނުންވާ އެކަކު ކަމަށް ވަނީ މައުލޫމާތު ލިބިފަ އެވެ. އެ ނޫން ބައެއް މެންބަރުން ވެސް މަޖިލީސް ރައީސްކަމަށް އަންނަން ބޭނުންވެގެން ރައީސްއަށް ދަންނަވާފައިވާ ކަމަށް ވެސް މި ނޫހަށް މައުލޫމާތު ދިން މަސްދަރުތަކުން ބުނެފައިވެ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox