ޕީއެންއެފްގެ ބަޔަކު ޕީއެންސީއަށް ވެއްދުމުން 3000 ހަމަނުވި, ޒޭން އާއި މަލީހުގެ އަނބިކަނބަލުން ހިމެނޭ

ކުރީގެ ރައީސް އަބްދުﷲ ޔާމީނު އަދި އެމަނިކުފާނުގެ ދަރިކަލުން، ޕީއެންސީގެ ރައީސް ޒެއިން ޔާމީން: އޭނާގެ އަނބިކަނބަލުންގެ ނަން ވެސް މިހާރު އޮތީ ޕީއެންސީގެ މެންބަރެއްގެ ގޮތުގައި ރަޖިސްޓްރީކޮށްފައި --- ފޮޓޯ: އަދަދު

ކުރީގެ ރައީސް އަބްދުﷲ ޔާމީނު އަދި އެމަނިކުފާނުގެ ދަރިކަލުން، ޕީއެންސީގެ ރައީސް ޒެއިން ޔާމީން: އޭނާގެ އަނބިކަނބަލުންގެ ނަން ވެސް މިހާރު އޮތީ ޕީއެންސީގެ މެންބަރެއްގެ ގޮތުގައި ރަޖިސްޓްރީކޮށްފައި --- ފޮޓޯ: އަދަދު

ކުރީގެ ރައީސް އަބްދުﷲ ޔާމީނު އިސްވެ ހުންނަވާ އުފެއްދެވި ޕީޕަލްސް ނޭޝަނަލް ފްރޮންޓު (ޕީއެންއެފް) ގެ އިސް މެންބަރުންތަކެއްގެ ޒާތީ މައުލޫމާތު ވަގަށް ނަގައިގެން ވެރިކަންކުރާ ޕީއެންސީއަށް ވެއްދުމުން، ގާނޫނުން ލާޒިމުކުރާ އަދަދަށް ވުރެ ޕީއެންއެފްގެ މެންބަރުންގެ އަދަދު މަދުވެއްޖެ އެވެ.

ގާނޫނު ބުނާގޮތުން ސިޔާސީ ޕާޓީއެއްގެ މަދުވެގެން 3،000 މެންބަރުން ތިބެން ޖެހެ އެވެ. އިލެކްޝަންސް ކޮމިޝަން (އީސީ) އިން އާންމުކޮށްފައިވާ ތަފާސްހިސާބުތަކަށް ބަލާއިރު މިދިޔަ އަހަރުގެ ނިޔަލަށް ޕީއެންއެފްގެ މެންބަރުންގެ ގޮތުގައި ތިބީ 2،822 މީހުންނެވެ.

މިކަމާ ގުޅިގެން މި ނޫހުން ސުވާލުކުރުމުން ޕީއެންއެފްގެ ލީޑަޝިޕުގައި ހިމެނޭ ކުރީގެ މިނިސްޓަރު މަލީހު ޖަމާލް "އަދަދު" ނޫހާ ވާހަކަދައްކަމުން ވިދާޅުވީ މިއީ ހައްސަ އަދަދުތަކެއް ނޫން ކަމަށާއި އެ ޕާޓީގެ ގިނަ ބަޔެއްގެ ނަން މަތީ ވަގު ފޯމު ފުރައިގެން ޕީއެންސީއަށް ވައްދާފައިވާ ކަމަށެވެ.

Advertisement

"މިހާރު އިލެކްޝަނުން ކުރަން ޖެހޭ ކަމަކީ [ވަގު ފޯމު ފުރި މައްސަލާގެ] ތަހުގީގު ކުރަންވީ. ޕީޕީއެމް އާ އެހެން ޕާޓީތަކުން ވަރަށް ގިނަ ރައްޔިތުންތަކެއް ޕީއެންސީއަށް ވައްދާ އެކަން އިއުލާނުކޮށްފަ،" މަލީހު ވިދާޅުވި އެވެ.

އެގޮތުން، އެ ޕާޓީގެ ރައީސް ޒޭން ޔާމީން އަދި މަލީހުގެ އަނބިކަނބަލުންނާއި ޕީއެންއެފްގެ ސެނެޓުގެ ގިނަ މެންބަރުންތަކެއްގެ ނަމުގައި ވަގު ފޯމު ފުރާ ޕީއެންސީއަށް ވައްދާފައިވާ ކަމަށް އޭނާ ވިދާޅުވި އެވެ.

"ހަމައެކަނި ރައީސް ޔާމީނުގެ ފޯމު ފިޔަވާ އެހެން ހުރިހާ ފޯމެއް އެބޭފުޅުން އެހެރީ ޕްރޮސެސް ކޮށްފަ ޕީއެންސީއަށް ވައްދާފަ،" މަލީހު ވިދާވި އެވެ.

މިއީ ސީދާ ގާނޫނަށް ގޮންޖެހުން ކަމަށާއި މި މައްސަލައިގެ ފުރިހަމަ ތަހުގީގެއްކޮށް ފިޔަވަޅު އަޅަންޖެހޭ ކަމަށާއި އެ ތަހުގީގު ނުނިމެނީސް ދައުލަތުގެ ބަޖެޓުން އެއްވެސް ޕާޓީއަކަށް ފައިސާ ދޫކޮށްގެން ނުވާނެ ކަމަށްވެސް މަލީހު ވިދާޅުވި އެވެ.

އޭޕްރިލް 10، 2024 ގައި ޕީއެންއެފް އުފެއްދީ ޖުމްލަ 3،060 މެންބަރުންނާއެކު އެވެ. އެ ފަހުން ޕީއެންއެފް އަށް މެންބަރުން އިތުރުވެސް ކުރި އެވެ. ނަމަވެސް އަހަރު ނިމުނުއިރު އެ ޕާޓީ އުފެއްދިއިރަށްވުރެ 238 މެންބަރުން ވަނީ މަދުވެފަ އެވެ.

ޕީއެންސީއަށް ވަގަށް މީހުން ވެއްދުމުގެ މަސައްކަތުގެ ބޮޑު ބައެއް ކޮށްފައި ވަނީ ޑިޕާޓްމަންޓް އޮފް ނެޝިނަލް ރެޖިސްޓްރޭޝަން ހިންގާ އޮފީހުގެ ތެރޭގައި ސަރުކާރުގެ މުވައްޒަފުންނެވެ. ވަގު ފޯމު ފުރުމުގެ މަސައްކަތް އެތަނުގައި ކުރިއަށްދިޔައިރު، އިސްކޮށް ހުންނެވީ ހޯމް މިނިސްޓަރު އަލީ އިހުސާނެވެ.

އަންގާރަ ދުވަހު ބޭއްވި ނޫސްވެރިންގެ ބައްދަލުވުމެއްގައި ޑީއެންއާރުގެ ވެރިންގެ، އަބްދުލްމަޖީދު އަދި އަހުމަދު އާލީ ވަނީ އެ ހުރިހާ ކަމަކަށް އެއްބަސްވެފަ އެވެ.

ފޯމު ފުރުމުގެ މަސައްކަތް ކުރިއިރު ޕާޓީއަށް ވަންނަން އެދޭ އެއްވެސް މީހަކު އެތަނަކު ނުހުރެ އެވެ. ނަމަވެސް ފޯމުތަކުގައި ހެކިންގެ ގޮތުގައި ސޮއިކޮށް، އިނގިލީގެ ނިޝާން ޖަހާ މީހުން އެތަނުގައި ތިބެ އެވެ. ޕީއެންސީއަށް މީހުން ވައްދާ ފޯމުގެ އިގުރާރުގައި ބުނަނީ، ހެކިވެރިޔާ ސޮއި ކުރަނީ ޕާޓީއަށް ވަންނަން އެދޭ މީހާގެ ހާޒިރުގައި ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox