ފެކްޓް ޗެކް: މުޅީން އާ އެއްޗެއް ކަމަށް ހީނާ ވިދާޅުވީ 14 އަހަރު ހަމަވެފައިވާ ބޯޓަކަށް

މޯލްޑިވިއަނަ/ށް އިއްޔެ ގެނައި ވައިޑް ބޮޑީ މަތިންދާބޯޓު، ވެލާނާ އިންޓަނޭޝަނަލް އެއާޕޯޓަށް ޖައްސަން އައި ވަގުތު -- ފޮޓޯ: މިރާޝް ނާޝިމް / އަދަދު

މޯލްޑިވިއަނަ/ށް އިއްޔެ ގެނައި ވައިޑް ބޮޑީ މަތިންދާބޯޓު، ވެލާނާ އިންޓަނޭޝަނަލް އެއާޕޯޓަށް ޖައްސަން އައި ވަގުތު -- ފޮޓޯ: މިރާޝް ނާޝިމް / އަދަދު

ގައުމީ އެއާލައިން، މޯލްޑިވިއަންގެ ފުރަތަމަ ވައިޑް ބޮޑީ މަތިންދާބޯޓު ރާއްޖެއަށް ގެނެސް އެކަން ރަސްމީކޮށް ފާހަގަކުރީ އިއްޔެ އެވެ.

އެކަމަކީ ތާރީހީ ކަމަކަށްވެފައި، ގައުމަށް ލިބުނު ފަހުރަކަށް ވާތީ ވައިޑް ބޮޑީ މަތިންދާބޯޓު ރާއްޖެއަށް ގެނައުމާ ގުޅޭގޮތުން ސަރުކާރުގެ ތަރުޖަމާނު، ހީނާ ވަލީދު މިއަދު ހެނދުނު އެކްސްގައި ޕޯސްޓުތަކެއް ކުރެއްވި އެވެ.

ރާއްޖެއަށް ވައިޑް ބޮޑީ މަތިންދާބޯޓެއް ގެނައުމަށް ކެބިނެޓުން ނިންމި ތާރީހާއި އެ މަތިންދާބޯޓުގެ ތަފުސީލާއެކު މިއަދު ހެނދުނު 6:23 ގައި މިއަދު ހެނދުނު ކުރެއްވި ޕޯސްޓުގައި ހީނާ ވިދާޅުވީ އިއްޔެ ރާއްޖެއަށް ގެނައީ މުޅީން އާ ބޯޓެއް ކަމަށެވެ.

"2000 ވަނަ އަހަރުން ފެށިގެން 2008 ވަނަ އަހަރު ބައިނަލްއަގުވާމީ ފުރަތަމަ ދަތުރު ކުރުމާ ހަމައަށް މޯލްޑިވިއަނުން ވަނީ ބޮޑެތި ކުރިއެރުންތަކެއް ހޯދާފައި، މިއަދު، 24 މަތިންދާބޯޓުގެ ފްލީޓަކާއެކު އޮޕަރޭޓު ކުރާ ހަތަރު އެއާޕޯޓުން ކޮންމެ އަހަރަކު ހިދުމަތް ދޭ އެއް މިިލިއަން ފަސިންޖަރުންނާއި މުޅީން އާ އޭ-330 ވައިޑް-ބޮޑީ މަތިންދާބޯޓަކާ އެކު އަޅުގަނޑުމެންގެ ހިދުމަތްތައް މިވަނީ އިހުނަށް ވުރެ އެތައް ގުނައަކުން ފުޅާވެފައި،" ހީނާގެ ޕޯސްޓުގައި ލިޔުއްވާފައިވެ އެވެ.

މޯލްޑިވިއަންއިން ގެނައި މަތިންދާބޯޓަކީ މުޅީން އާ ބޯޓެއް ކަމަށް ވިދާޅުވެ ސަރުކާރުގެ ތަރުޖަމާނުގެ ރަސްމީ އެކްސް އެކައުންޓުން ކޮށްފައިވާ ޕޯސްޓް
މޯލްޑިވިއަންއިން ގެނައި މަތިންދާބޯޓަކީ މުޅީން އާ ބޯޓެއް ކަމަށް ވިދާޅުވެ ސަރުކާރުގެ ތަރުޖަމާނުގެ ރަސްމީ އެކްސް އެކައުންޓުން ކޮށްފައިވާ ޕޯސްޓް

މޯލްޑިވިއަންއިން ގެނައި މަތިންދާބޯޓަކީ މުޅީން އާ ބޯޓެއް ކަމަށް ވިދާޅުވެ ސަރުކާރުގެ ތަރުޖަމާނުގެ ރަސްމީ އެކްސް އެކައުންޓުން ކޮށްފައިވާ ޕޯސްޓް

ހީނާ އެހެން ވިދާޅުވި ނަމަވެސް މޯލްޑިވިއަނުން އިއްޔެ ގެނައި މަތިންދާބޯޓަކީ މުޅީން އާ ބޯޓެއް ނޫނެވެ.

ފުރަތަމަ ބޭނުންކުރީ 2010 ގައި، ފާއިތުވި 14 އަހަރު ވެސް ބޭނުންކުރި ބޯޓެއް

މޯލްޑިވިއަނުން އިއްޔެ ގެނައި ވައިޑް ބޮޑީ މަތިންދާބޯޓަކީ އާ ބޯޓެއް ކަމަށް މޯލްޑިވިއަނުން ވެސް ނުބުނެ އެވެ. އެ ބޯޓު އެ ކުންފުނިން ގެނައީ ވެސް ކުއްޔަށެވެ.

އިއްޔެ ރާއްޖެއަށް ގެނައި އޭ330 މަރުކާގެ މަތިންދާބޯޓު (މެނުފެކްޗަރާ ސީރިއަލް ނަންބަރު:1161) އަކީ 2010 ވަނަ ހިދުމަތަށް ނެރެ ނެދަލެންޑްސްގެ ގައުމީ އެއާލައިން، ކޭއެލްއެމް ރޯޔަލް ޑަޗް އެއާލައިންސް އިން ބޭނުން ކުރަން ފެށި ބޯޓެކެވެ. އެ ކުންފުނިން އެ ބޯޓު ބޭނުން ކުރީ ޕީއެޗް-އޭއޯއެމް ކޯޑުގަ އެވެ.

މެނުފެކްޗަރާ ސީރިއަލް ނަންބަރު: 1161 ބޯޓު ކޭއެލްއެމުން ބޭނުންކުރި އިރުގެ ފޮޓޯޢެއް
މެނުފެކްޗަރާ ސީރިއަލް ނަންބަރު: 1161 ބޯޓު ކޭއެލްއެމުން ބޭނުންކުރި އިރުގެ ފޮޓޯޢެއް

މެނުފެކްޗަރާ ސީރިއަލް ނަންބަރު: 1161 ބޯޓު ކޭއެލްއެމުން ބޭނުންކުރި އިރުގެ ފޮޓޯޢެއް

ދުނިޔޭގެ އެކިކަންކޮޅުގައި ބޭނުންކުރާ ސިވިލް މަތިންދާބޯޓުތަކުގެ ތަފުސީލު ހާމަކޮށްފައި ހުންނަ އެއާފްލީޓްސް.ނެޓް އިން އެނގޭ ގޮތުގައި އިއްޔެ ރާއްޖެއަށް ގެނައި ބޯޓުގެ ފުރަތަމަ ދަތުރު ކޮށްފައި ވަނީ ސެޕްޓެމްބަރު، 17، 2010 ގަ އެވެ. ކޭއެލްއެމުން އެބޯޓު 10 އަހަރު ވަންދެން ބޭނުން ކުރި އެވެ.

އެއަށްފަހު ދެން އެ ބޯޓު ބޭނުން ކުރީ ދެކުނު އެމެރިކާގެ ގައުމެއް ކަމަށްވާ، ސުރިނާމްގެ ގައުމީ އެއާލައިން، ސުރިނާމް އެއާވޭސްއިންނެވެ. އެ އެއާލައިނުން އެ ބޯޓު ބޭނުން ކުރީ 9އެޗް-ޕީއޭއެކްސް ކޯޑުގަ އެވެ.

ސުރިނާމް އެއާވޭސްއިން އެ ބޯޓު ބޭނުން ކުރީ ސެޕްޓެމްބަރު، 2022 އިން ޖެނުއަރީ، 2023 ގެ ނިިޔަލަށެވެ. އެ ސުރިނާމް އެއާވޭސްގެ ދިދައިގައި އެ ބޯޓު އެންމެ ފަހުން ދަތުރު ކުރި ކަމަށް ރެކޯޑުތަކުން ފެންނާން އޮތީ ޖެނުއަރީ، 7، 2023 އެވެ.

މޯލްޑިވިއަނަށް އެ ބޯޓު ގެނައީ އެދުވަހުން ފެށިގެން ސްޓޯ ކޮށްފައި ބޭއްވުމަށް ފަހު އެވެ.

އިއްޔެ ރާއްޖެއަށް ގެނައި ވައިޑް ބޮޑީ މަތިންދާބޯޓުގައި 264 ސީޓު ހިމެނެ އެވެ. އެ ބޯޓުގެ ފުރަތަމަ ދަތުރުތައް ކުރުމަށް ހަމަޖެހިފައި ވަނީ ޗައިނާގެ ބެއިޖިން އާއި ޝެންހާއީ އާއި ޗެންޑޫއަށެވެ. މި އެއާކްރާފްޓުގައި ބިޒްނަސް ކްލާހާއި, ޕްރީމިއަމް އިކޮނޮމީ ކްލާހާއި އިކޮނޮމީ ކްލާހުގެ ގޮނޑިތައް ހިމެނެ އެވެ.

މޯލްޑިވިއަންއިން މި މަތިންދާ ބޯޓު ކުއްޔަށް ނެގީ ނެދަލޭންޑްސްގެ ޓްރޫނޯޑު ކުންފުނިންނެވެ. އެ ކުންފުންޏާއެކީ މި އެއްބަސްވުމުގައި ސޮއިކުރީ މިދިޔަ އަހަރުގެ ޖުލައި މަހުގެ ތެރޭގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox