އިންޓަ ބަލިކޮށް މިލާނުން ސުޕަ ކަޕް ކާމިޔާބުކޮށްފި

Jan 6, 2025, 9:18 PM
އިންޓަ ބަލިކޮށް މިލާނުން ސުޕަ ކަޕް ކާމިޔާބުކޮށްފި

ރިޔާދު، ސައުދީ އަރަބިއްޔާ (ޖެނުއަރީ 7) - އިތުރު ވަގުތުގައި ޓަމީ އަބްރަހަމް ޖެހި ގޯލުން ފަހަތުން އަރައި، 3-2 އިން އިންޓަ މިލާން ބަލިކޮށް، އޭސީ މިލާނުން އަށް އަހަރު ފަހުން އިޓާލިއަން ސުޕަ ކަޕްގެ ޗެމްޕިއަންކަން ހޯދައިފި އެވެ.

މިލާނުން އެންމެ ފަހުން ސުޕަ ކަޕް ކާމިޔާބުކުރީ 2016 ވަނަ އަަހަރު އެވެ. އެއީ، ޕެނަލްޓީ ޖަހައިގެން ޔުވެންޓަސް ބަލިކޮށްގެންނެވެ. އޭގެ ފަހުން، 2018 ވަނަ އަހަރު ފައިނަލުގައި ޔުވެންޓަސް އަތުން ބަލިވިއިރު، 2022 ވަނަ އަހަރުގެ ފައިނަލުގައި އިންޓަ އަތުން 3-0 އިން ބަލިވި އެވެ.

ފޯރިގަދަވި މި ފަހަރުގެ ސުޕަ ކަޕް ފައިނަލުން މޮޅުވެ، މިލާނުން މުބާރާތް ކާމިޔާބުކުރިއިރު، މިއީ ހަަތަރު ޓީމުގެ ފޯމެޓަށް ކުޅެން ފެށި ފަހުން މިލާނުން މި ތަށި ހޯދި ފުރަތަމަ ފަހަރެވެ.

ޖުމްލަ އެކު، މިލާނުން ވަނީ، އަށް ފަހަރު ސުޕަ ކަޕް ކާމިޔާބުކޮށްފަ އެވެ. އަދި އިންޓަ އިން ވެސް އަށް ފަހަރު ތަށި ހޯދާފައިވެ އެވެ. އެންމެ ގިނައިން ސުޕަ ކަޕް ކާމިޔާބުކުރި ޔުވެންޓަސް އަށް ވަނީ ނުވަ ތަށި ލިބިފަ އެވެ.

ކިންގް ސައުދު ޔުނިވާސިޓީ ސްޓޭޑިއަމްގައި ކުޅުނު މެޗުގައި، ފުރަތަމަ ހާފުގެ އިތުރު ވަގުތުގައި އިންޓަ އަށް ލީޑުނަގައިދިނީ ލައުޓާރޯ މާޓިނޭޒް އެވެ. އަދި ދެ ވަނަ ހާފުގެ ދެ ވަނަ މިނިޓްގައި އިރާނުގެ ފޯވާޑް މަހުދީ ތަރޭމީ ވަނީ އިންޓަގެ ލީޑުފުޅާކޮށްދީފަ އެވެ.

މިލާނުގެ ފުރަތަމަ ލަނޑު 52 ވަަނަ މިނިޓްގައި ޖެހީ ތެއޯ ހެނާންޑޭޒް އެވެ. އަދި މެޗުގެ 80 ވަނަ މިނިޓްގައި ކްރިސްޓިއަން ޕުލިސިޗް ވަނީ މިލާނުން އެއްވަރުކުރި ގޯލު ޖަހައިދީފަ އެވެ. އަދި މެޗުގެ އިތުރު ވަގުތުގެ ތިން ވަނަ މިނިޓްގައި ރަފައެލް ލެއާއޯ ދިން ބޯޅައަަކަށް އަރައި، އަބްރަހަމް ވަނީ މިލާނަށް ސުޕަ ކަޕް ކާމިޔާބުކޮށްދިން ގޯލު ޖަހައިފަ އެވެ.

މިލާނުގެ ކޯޗަކަށް ހަމަޖެއްސި ޕޯޗުގަލްގެ ސާޖިއޯ ކޮންސެސާއޯ ހަވާލުވިތާ ދެ ވަނަ މެޗުގައި އެ ޓީމުން މި ވަނީ ތަށްޓެއް ހޯދައިފަ އެވެ. މިލާނުގެ ކޯޗުކަމުން ޕައޮލޯ ފޮންސޭކާ ވަކިކުރުމަށް ފަހު، ކޮންސެސާއޯ ކޯޗަކަށް ހަމަޖެއްސި ފަހުން އެ ޓީމުން ކުޅުނީ ސުޕަ ކަޕްގެ ދެ މެޗެވެ. ސުޕަ ކަޕް ސެމީ ފައިނަލުގައި މިލާނުން ޔުވެންޓަސް ބަލިކުރީ ކޮންސެސާއޯގެ ފުރަތަމަ މެޗުގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox