ގޯލްޑަން ފުޓްސަލް ޗެލެންޖް 2025 ގެ ޕްލެޓިނަމް ޕާޓްނަރެއް ގޮތުގައި އުރީދޫ މޯލްޑިވްސް، ގޯލްޑަން ފުޓްސަލްއާ ގުޅިއްޖެ އެވެ.
މިއީ 2015 އިން ފެށިގެން ކޮންމެ އަހަރަކު ވެސް ބާއްވަމުން އަންނަ ގޯލްޑަން ފުޓްސަލް ޗެލެންޖުގެ ޕްލެޓިނަމް ޕަޓްނަރެއްގެ ގޮތުގައި އުރީދޫ މޯލްޑިވްސް އިން ބައިވެރިވާ ތިންވަނަ އަހަރެވެ.
އުރީދޫއިން ބުނީ އެހެން އަހަރުތަކެކޭ އެއްގޮތައް މި އަހަރުވެސް ގޯލްޑަން ފުޓްސަލް ޗެލެންޖުގައި ބައިވެރިވާ ޓީމުތަކަށާއި ބެލުންތެރިނަށް ހާއްސަ ހަރަކާތްތަކެއް ރޭވިފައިވާ ކަމަށެވެ.
މިއަދުން ފެށިގެން ފެބްރުއަރީ، 25 ގެ ނިޔަލަށް ކުރިއަށްދާ ގޯލްޑަން ފުޓްސަލް ޗެލެންޖުގައި ރާއްޖޭގެ އެކި ރަށްރަށުން 130 ޓީމެއް ބައިވެރިވާއިރު، ޖުމްލަ 320 މެޗު ކުޅުމަށް ވަނީ ހަމަޖެހިފަ އެވެ.
މުބާރާތް މިރޭ ފެށުމަށް ހަމަ ޖެހިފައިވަނީ 2023 ގެ ޗެމްޕިއަން ލ. ގަން އަދި 2024 ގެ ޗެމްޕިއަން އޭދަފުށީގެ ފޯރިގަދަ ޗެރިޓީ ޝީލްޑް މެޗުންނެވެ. މުބާރާތުގެ މެޗުތައް ކުޅޭނީ ހުޅުމާލޭ ޓާފް ސްޓޭޑިއަމްގަ އެވެ.
