އެޓާނީ ޖެނެރަލް އަހުމަދު އުޝާމް ކަރުގެ އޮޕަރޭޝަނެއް ކުރެއްވުމަށްފަހު ފަރުވާ ހޯއްދަވަމުން ގެންދާ ކަމަށް ވިދާޅުވެއްޖެ އެވެ.
ސިންގަޕޫރުގައި ހުންނަވާ މެސެޖުގެ ޒަރިއްޔާއިން މި ނޫހާ ވާހަކަ ދައްކަވަމުން އުޝާމް ވިދާޅުވީ މިއީ ފުދޭވަރަކަށް ދުވަސް ވަންދެން ޕްލޭންކޮށްގެން ކުރި ސާޖަރީއެއް ކަމަށެވެ.
ބަންޑާރަނައިބުގެ މަގާމާ ހަވާލުވުމުގެ ކުރިން މަޖިލިސް މެންބަރުކަމުގައި ހުންނެވިއުރުވެސް މިކަން ކުރަން ރޭވި ނަމަވެސް އެކި މަސައްކަތްތަކާހުރެ އެކަމަށް ވަގުތު ދެވިފައި ނުވަނީ ކަމަށް އޭޖީ ވިދާޅުވި އެވެ.
އުޝާމް ސާޖަރީ ކުރެއްވީ ޑިސެމްބަރު 21، 2024 ގަ އެވެ. އޮޕަރޭޝަނަށް 10 ވަރަކަށް ދުވަސްވެފައިވާއިރު މިހާރު ގެންދަވަނީ ސާޖަރީއިން ރިކަވާވަމުންނެވެ. އެނބުރި މާލެ ވަޑައިގަންނަވާނެ ދުވަހެއް ވިދާޅެއް ނުވެ އެވެ.
މި ސަރުކާރުގެ އޭޖީގެ މަގާމު އަދާކުރެއްވުމުގެ ކުރިން އުޝާމް ވަނީ 19 ވަނަ މަޖިލީހުގައި ވިލިމާލެ ދާއިރާގެ މެންބަރުކަން ކުރައްވާފަ އެވެ. އޭނާ އަކީ އެމްއެންޕީ ގެ މެންބަރެކެވެ.
