ރާއްޖޭގައި ކުށްކޮށްގެން ފައިސާ ހޯދައި، ލޯންޑާކުރާ 30 ކުންފުންޏެއް

Jan 1, 2025, 4:53 AM
ރާއްޖޭގައި ކުށްކޮށްގެން ފައިސާ ހޯދައި، ލޯންޑާކުރާ 30 ކުންފުންޏެއް

ކުށްކޮށްގެން ހޯދާ ފައިސާގެ އަސްލު އޮޅުވައިލުމަށްޓަކައި އުފައްދައި ހިންގާ ކަމަށް ތުހުމަތުކުރާ ވިޔަފާރިތަކުގެ ލިސްޓެއް އެކުލަވާލައި، ސަރުކާރުގެ އެއްވެސް ކުންފުންޏަކުން އެ ވިޔަފާރިތަކާ މުއާމަލާތެއް ނުކުރަން އަންގައިފި އެވެ.

ފިނޭންސް މިނިސްޓްރީގެ އެންގުމަށް، ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ސަރުކާރުގެ ހުރިހާ ކުންފުނިތަކަކަށް އިއްޔެ ފޮނުވި ސިޓީއާއެކު، 30 ވިޔަފާރިއެއްގެ ނަން ހިމެނޭ ލިސްޓެއް ފޮނުވާފައިވެ އެވެ.

އެ ސިޓީ އާއި ހޯމްލޭންޑް ސެކިއުރިޓީމް އެކުލަވާލާފައިވާ "ޕޭޕާ ކުންފުނިތަކުގެ" ލިސްޓު އަދަދު ނޫހަށް ލިބިފައިވެ އެވެ.

Advertisement

ޕީސީބީގެ ސިޓީގައި ބުނެފައި ވަނީ ދިވެހިރާއްޖޭގެ ކުށުގެ ވެށީގައި އެކި ނަންނަމުގައި ހަރަކާތްތެރިވަމުންދާ ގޭންގުތަކުން ކުށްކޮށްގެން ހޯދާ ފައިސާ، ލޯންޑަކޮށް އެ ފައިސާ ދައުރުކުރުމަށްޓަކައި ޕޭޕާ ކުންފުނިތަކެއް ހަދައިގެން މުއާމަލާތުކުރާ ކަމަށް ހޯމް ލޭންޑް ސެކިއުރިޓީން އަންގާފައިވާ ކަމަށެވެ.

"[އެފަދަ] ކުންފުނިތަކާއެކު ސަރުކާރު ހިއްސާވާ ކުންފުނިތަކުން މުއާމަލާތް ކުރަމުންދާކަން ވަނީ ފާހަގަކޮށްފަ އެެވެ. މިކަމަކީ ގޭންގުތަަކަށް ދައުލަތުގެ ތެރެއިން ފައިސާ ލިބި އެ ގޭންގުތަކަށް އިތުރު ބާރުވެރިކަން ލިބުމަށް މަގުފަހިވެގެންދާ ކަމެކެވެ،" ސިޓީގައިވެ އެވެ.

ސަރުކާރުގެ ކުންފުނިތަކުން، އެ ފަދަ ޕޭޕާ ކުންފުނިތަކާއެކު ވިޔަފާރީގެ މުއާމަލާތް ކުރަމުން ދިޔުމަކީ އެ ކުންފުނިތަކުން ކުރަމުންގެންދާ މުއާމަލާތްތައް ސައްހަ ކަމަށް ފެންނާނެ ކަމެއް ކަމަށް ޕީސީބީން ބުނެފައިވެ އެވެ.

އެހެންވެ، އެފަދަ ކުންފުނިތަކާއެކު ކުރިއަށް އޮތްތަނުގައި މުއާމަލާތް ކުރާ ސަރުކާރުގެ ކުންފުނިތާމެދު ފިޔަވަޅު އެޅުމަށް ފިނޭންސް މިނިސްޓަރީން އަންގާފައިވާ ކަމަށް ވެސް އެ ސިޓީގައި ބުނެފައިވެ އެވެ.

ކުށްކޮށްގެން ފައިސާ ހޯދައި، ލޯންޑާކުރާ ކަމަށް ތުހުމަތުކުރާ ކުންފުނިތައް

  1. ބީސީސީޖީ ޕްރައިވެޓް ލިމިޓެޑް
  2. ލަކްސް ބިލްޑިން ކޯ ޕްރައިވެޓް ލިމިޓެޑް
  3. އޯލްޑް ޓައުން އޮޓޯ ސާވިސް
  4. އާމާލް ހޯލްޑިންސް ޕްރައިވެޓް ލިމިޓެޑް
  5. ސޮލިޓަޔާ އެންޓަޕްރައިޒަސް ޕްރައިވެޓް ލިމިޓެޑް
  6. އެސް އެންޑް އެލް ރިއަލްއެސްޓޭޓު ޕްރައިވެޓް ލިމިޓެޑް
  7. ގްރީން އެންޓަޕްރައިޒަސް
  8. ޓްވައިލައިޓް މޯލްޑިވްސް ޕްރައިވެޓް ލިމިޓެޑް
  9. މެގްނެޓޯ ޕްރައިވެޓް ލިމިޓެޑް
  10. ގޯލްޑެން އީރާ ޕްރައިވެޓް ލިމިޓެޑް
  11. ހައިވް އެންޓަޕްރައިޒަސް ޕްރައިވެޓް ލިމިޓެޑް
  12. އައިއެސް ކޮމްޕެނީ ޕްރައިވެޓް ލިމިޓެޑް
  13. ފްރެޝްކޯ
  14. ސީ ކޮއިން ޕްރައިވެޓް ލިމިޓެޑް
  15. ޒީރޯ ކޫލް ޕްރައިވެޓް ލިމިޓެޑް
  16. ގޯލްޑު ބްރިކްސް ކޮންސްޓަރަކްޝަން ޕްރައިވެޓް ލިމިޓެޑް
  17. ގޯލްޑް ބްރިކްސް
  18. އައި ސަޕްލައި ޕްރައިވެޓް ލިމިޓެޑް
  19. މޮނާކޯ މޯލްޑިވްސް ޕްރައިވެޓް ލިމިޓެޑް
  20. މެޖިސްޓިކް ހޯލްޑިންސް ޕްރައިވެޓް ލިމިޓެޑް
  21. ރޯޔަލް އެލްމިނިއަމް އެންޑް ގްލާސް ޕްރައިވެޓް ލިމިޓެޑް
  22. ސީ އެސްޓާ ޓްރެވަލްސް ޕްރައިވެޓް ލިމިޓެޑް
  23. ބިގް ގޭޓްސް ޕްރައިވެޓް ލިމިޓެޑް
  24. އެކޯ އެއާ ކޫލިން ސާވިސް
  25. މޮނާކޯ އިންވެސްޓްމެންޓު
  26. އުޑުމަތި
  27. އެވިނެކްސް މޯލްޑިވްސް ޕްރައިވެޓް ލިމިޓެޑް
  28. އެސް.އެސް.އޭ ކޮމްޕެނީ ޕްރައިވެޓް ލިމިޓެޑް
  29. ސީ ފްލޯޓް ޕްރައިވެޓް ލިމިޓެޑް
  30. ހީޓަން މޯލްޑިވްސް ޕްރައިވެޓް ލިމިޓެޑް

މީގެ ބައެއް ވިޔަފާރިތައް ހުރީ އުވާލުމުގެ މަރުހަލާގަ އެވެ.

މާލޭގައި ހަރަކާތްތެރިވާ ގޭންގުތަކުން ބޮޑެތި ކުށްތަކަށް އަރައިގަނެ، އިންތިޒާމު ވެގެން ކުށްކުރަމުންދާ މައްސަލަތައް ގިނަވަމުން އަންނަ ކަމަށް ތަފާސްހިސާބުތަކުން ދައްކަ އެވެ. އެފަދަ ބައެއް ގޭންގުތަކާއި، ގޭންގުތަކަށް ނިސްބަތްވާ ފަރާތްތަކުގެ ވިޔަފާރުތައް އާދައިގެން ފިހާރައިން ފެށިގެން، ގެސްޓުހައުސް، އަދި ސަފާރީއާ ހަމައަށް ފުޅާވެފައިވާ ކަމަށް، އެކަމުގެ މައުލޫމާތު އެނގޭ ބައެއް ފަރާތްތަކުން ބުނެފައިވެ އެވެ.

"މިފަދަ ބައެއް ފަރާތްތަކުން އެތައް މިލިއަން ރުފިޔާއެއް ދައުރުކޮށްފައި އެބަ ހުރި،" ނަން ނުޖެހުމަށް ޝަރުތުކޮށް މީހަކު ބުންޏެވެ.

ގޭންގު ކުށްތަކަށް ދާއިމީ ނިމުން ގެނައުމަށް ގާނޫނުތައް އިސްލާހުކޮށް އެންމެ ހަރުކަށި ފިޔަވަޅު އަޅާނެ ކަމުގެ އިންޒާރު ހޯމްލޭންޑު ސެކިއުރިޓީ މިނިސްޓަރު އަލީ އިހުސާން މިދިޔަ ނޮވެމްބަރު މަހު ދެއްވާފައިވެ އެވެ.

ހިޔާ 9 ވަނަ ޓަވަރުގެ އެޕާޓްމެންޓެއްގައި ރަހީނުކޮށްގެން ގެންގުނު ދިވެއްސަކު ސަލާމަތްކޮށް، 12 މީހަކު ހައްޔަރުކުރުމަށް ފަހު، އިހުސާން ވިދާޅުވީ ކުށްކުރާ ފަރާތްތަކާ ދޭތެރޭގައި ގާނޫނުގެ ތެރެއިން އެޅެން އޮތް އެންމެ ހަރުކަށި ފިޔަވަޅު އަޅާނެ ކަމަށެވެ.

ގޭންގު ހަަދައިގެން އެކިއެކި ކުށްތައް ކުރުން ހުއްޓުވުމަށް ހާއްސަ ބިލެއް ސަރުކާރުން އޮތީ ޑްރާފްޓުކޮށްފަ އެވެ. އެ ބިލުގައި ގޭންގުތަކުން ކޮންޓްރޯލް ކުރާ ނުވަތަ އެމީހުން އާންމުކޮށް އެކަކު އަނެކަކާ ބައްދަލުކޮށް ހަދާ ތަންތަނަށް ކޯޓު އަމުރަކާ ނުލައި ވަދެ އެތަންތަނަށް އެއްވެސް މީހަކަށް ވަދެ ނުނިކުމޭ ގޮތަށް ބަންދު ކުރުމުގެ ބާރު ފުލުހުންނަށް ދޭން ހިމަނާފައިވެ އެވެ.

ހަމަ އެހެންމެ، ގޭންގުތަކުން ގޭންގު އަމަލުތައް ހިންގުމަށް ބޭނުން ކުރާ ދުއްވާ އުޅަނދުފަހަރު ކޯޓު އަމުރަކާ ނުލައި އެ އުޅަނދެއް ތިން މަސްދުވަހަށް ޓޯ ކުރުމުގެ ބާރު ފުލުހުންނަށް ދޭން ހިމަނާފައިވެ އެވެ. އެ ބިލު ގާނޫނަކަށް ވުމަށް ފަހު ގޭންގަކަށް ނިސްބަތްވާ މީހެއް ކަމުގައި ކަނޑައަޅާ މީހުންގެ ތެރެއިން މީހެއްގެ މައްސަލައެއް ފުލުހުން ތަހުގީގު ކުރަން ފަށައިފި ނަމަ އެ މީހެއްގެ ނަން މަތީގައި ހުރި ވިޔަފާރިތަކާއި ބޭންކު އެކައުންޓުތައް ތަހުގީގު ނިމެންދެން ހިފެހެއްޓުމުގެ ބާރު ވެސް ފުލުހުންނަށް ދޭން ހިމަނާފައިވެ އެވެ.

ގޭންގުތަކަށް ނިސްބަތްވާ މީހުންނަށް އިންތިހާބީ އެއްވެސް މަގާމަކަށް ކުރިމަތި ނުލެވޭ ގޮތަށާއި އިންތިހާބީ މަގާމުތަކުގައި ތިބި ގޭންގު މީހުންގެ މަގާމު ގެއްލޭ ކަމަށް ވެސް ބިލްގައިވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox