އެމެރިކާގެ ކުރީގެ ރައީސް ޖިމީ ކާޓާ ނިޔާވުމުން، ރައީސް ޑރ. މުހައްމަދު މުއިއްޒު ތައުޒިޔާ ވިދާޅުވެއްޖެ އެވެ.
ރައީސް މުއިއްޒު "އެކްސް" ގައި ކުރެއްވި ޕޯސްޓެއްގައި ވިދާޅުވީ ކާޓާ ނިޔާވުމަކީ ލިބުނު ހިތާމައެއް ކަމަމަށެވެ.
އެގޮތުން ރައީސް މުއިއްޒު ވިދާޅުވީ މި ހިތާމަވެރި ދަނޑިވަޅުގައި ރާއްޖޭގެ ސަރުކާރާއި ދިވެހި ރައްޔިތުންގެ ނަމުގައި އެމެރިކާ ސަރުކާރުގެ އިތުރުން ކާޓާގެ އާއިލާއަށް ތައުޒިޔާ ވިދާޅުވާ ކަމަށެވެ.
ކާޓާ ސެންޓަރުން ބުނީ އޭނާ ނިޔާވީ އެމެރިކާގެ ޖޯޖިއާގެ ޕްލެއިންސްގެ ގެކޮޅުގައި ހުންނަވަނިކޮށެވެ. ނަމަވެސް އޭނާގެ މަރާ ގުޅޭ އެއްވެސް ތަފްސީލެއް ކާޓާ ސެންޓަރުން ހާމައެއް ނުކުރެ އެވެ.
ކާޓާ ނިޔާވުމާ ގުޅިގެން އެމެރިކާގެ ރައީސް ޖޯ ބައިޑެން އަދި އިންތިހާބީ ރައީސް ޑޮނަލްޑް ޓްރަމްޕް ވަނީ ތައުޒިޔާ ވިދާޅުވެފަ އެވެ.
ކާޓާ ދިޔައީ ފާއިތުވި ދެ އަހަރު އޭނާ ދިޔައީ ގެކޮޅުގައި ސްކިން ކެންސަރަށް ފަރުވާ ހޯދަމުންނެވެ. މިދިޔަ އޮކްޓޯބަރު މަހު ކާޓާގެ 100 އަހަރުގެ އުފަން ދުވަސް ކުލަގަދަކޮށް ފާހަގަކުރި އެވެ.
އެމެރިކާގެ ރައީސްކަން 1977 އިން 1981 އަށް ފުރުއްވި ކާޓާ ވަނީ 2002 ގައި ނޯބަލް ސުލްހައިގެ އިނާމު ވެސް ހާސިލު ކުރައްވާފަ އެވެ.
