އެމެރިކާގެ ރައީސްކަން 1977 އިން 1981 އަށް ފުރުއްވި ޖިމީ ކާޓާ އުމުރުން 100 އަހަރުގައި ނިޔާވެއްޖެ އެވެ.
ކާޓާ ސެންޓަރުން ބުނީ ކާޓާ ނިޔާވީ އެމެރިކާގެ ޖޯޖިއާގެ ޕްލެއިންސްގެ ގެކޮޅުގައި ހުންނަވަނިކޮށެވެ. ނަމަވެސް އޭނާގެ މަރާ ގުޅޭ އެއްވެސް ތަފްސީލެއް ކާޓާ ސެންޓަރުން ހާމައެއް ނުކުރެ އެވެ.
"އަހަރުމެންގެ ފައުންޑަރު އެމެރިކާގެ ކުރީގެ ރައީސް ޖިމީ ކާޓާ މިއަދު މެންދުރުގެ ވަގުތެއްގައި ޖޯޖިއާގެ ޕްލެއިންގައި ހުންނަވަނިކޮށް ވަނީ ނިޔާވެފައި،" ކާޓާ ފައުންޑޭޝަނުން ބުންޏެވެ.
ކާޓާ ނިޔާވުމާ ގުޅިގެން އެމެރިކާގެ ރައީސް ޖޯ ބައިޑެން އަދި އިންތިހާބީ ރައީސް ޑޮނަލްޑް ޓްރަމްޕް ވަނީ ތައުޒިޔާ ވިދާޅުވެފަ އެވެ.
ކާޓާ ދިޔައީ ފާއިތުވި ދެ އަހަރު އޭނާ ދިޔައީ ގެކޮޅުގައި ސްކިން ކެންސަރަށް ފަރުވާ ހޯދަމުންނެވެ. މިދިޔަ އޮކްޓޯބަރު މަހު ކާޓާގެ 100 އަހަރުގެ އުފަން ދުވަސް ކުލަގަދަކޮށް ފާހަގަކުރި އެވެ.
ކާޓާގެ އަނބިކަނބަލުން ރޯސަލީން ކާޓާ މަރުވީ މިދިޔަ އަހަރުގެ ނޮވެމްބަރު މަހުގެ ތެރޭގަ އެވެ. ކާޓާ ވަނީ 2002 ގައި ނޯބަލް ސުލްހައިގެ އިނާމު ހާސިލް ކޮށްފަ އެވެ.
