މެތު އިންޖެކްޓް ކުރުން ކަންބޮޑުވާ މިންވަރަށް އިތުރުވެއްޖެ: އަދީބު

އާޓް ވޯކް: އިސްމާއިލް އިމްދާދު

އާޓް ވޯކް: އިސްމާއިލް އިމްދާދު

ނުރައްކާތެރި ޑްރަގެއް ކަމަށްވާ މެތަމްފެޓަމިން (މެތު) ބޭނުންކޮށް އިންޖެކްޓް ކުރާ މީހުން ކަންބޮޑުވާ މިންވަރަށް އިތުރުވެފައިވާ ކަމަށް މަސްތުވާތަކެއްޗާ ދެކޮޅަށް މަސައްކަތް ކުރުމުގައި 16 އަހަރު ހޭދަކޮށްފައިވާ އަލީ އަދީބު ވިދާޅުވެއްޖެ އެވެ.

"އަދަދު" އިން ކުރި ސުވާލަކަށް ޖަވާބު ދެއްވަމުން އަދީބު ވިދާޅުވީ މެތު އޯވާޑޯޒްގައި މަރުވާ މީހުންގެ އަދަދާއި އިންޖެކްޓް ކުރާ މީހުންގެ އަދަދު އިތުރުވެފައިވާއިރު، މެތުގައި އޯވާޑޯޒްވާ މީހުން ވެސް ކަންބޮޑުވާ ދަރަޖައަކަށް އިތުރުވެފައިވާ ކަމަށެވެ.

"މެތަމްފެޓަމިން ބޭނުންކުރުން ވަރަށް ބޮޑަށް އިތުރުވެފައިވާއިރު، އޯވަޑޯޒްގެ ސަބަބުން މަރުވާ މީހުން އިތުރުވެ، އިންޖެކްޝަން ޖަހައިގެން މަސްތުވާތަކެތި ބޭނުންކުރާ މީހުންގެ ތެރޭގައި މަސްތުވާތަކެތި ބޭނުންކުރާ މިންވަރު ފާހަގަކޮށްލެވޭ ގޮތުގައި އިތުރުވެއްޖެ،" އަދީބު ވިދާޅުވި އެވެ.

އެ އިތުރުވުމަކީ ކަންބޮޑުވާ ކަމެއްކަން ފާހަގަކުރައްވާ އަދީބު ވިދާޅުވީ ހާއްސަކޮށް މެތު ބޭނުން ކުރާ މީހުން އިންޖެކްޝަން ހިއްސާ ކުރުމާއި އިންފެކްޝަންތަކުގެ ނުރައްކާ އިތުރުވުންފަދަ ރިސްކް ބޮޑު ސުލޫކުތަކަށް ދާކަން ވެސް ފާހަގަ ކުރެވޭ ކަމަށެވެ.

މީގެ އިތުރުން މެތު ބޭނުން ކުރުމުން ފަރުވާ ދިނުމަށް ބޭނުންވާ ހިދުމަތްތަކާއި ވަސީލަތްތަކުގެ ދަތިކަން ވަރަށް ބޮޑަށް ހުރި ކަމަށް ވެސް އަދީބު ވިދާޅުވި އެވެ.

އެގޮތުން އަދީބު ވިދާޅުވީ އެންޑީއޭގެ އެއްވެސް ހިދުމަތަކަށް އެދިފުރާ ފޯމްއެއްގާ މެތައެމްފެޓަމިން ނެތުމަކީ މިހާލަތަށް ތައްޔާރުވެފައި ނުވާކަމުގެ ހެއްކެއް ކަމަށެވެ.

"އަޅުގަނޑުގެ ކަންބޮޑުވުންތައް ސާބިތުކަމާއެކު ފާޅުކުރި ނަމަވެސް، ބޮޑުވަމުން އަންނަ މި މުސީބާތަށް އެކަށީގެންވާ ކަންބޮޑުވުމަކާއި ރައްދު ދިނުމަށް ކަމާބެހޭ ފަރާތްތަކުން ދައްކާފައި ނުވާތީ، ހާލަތު އިތުރަށް ގޯސްވަމުން އެބަދޭ،" އޭނާ ވިދާޅުވި އެވެ.

އަދީބު މިގޮތަށް ފާހަގަ ކުރެއްވީ ފާއިތުވި 24 ގަޑިއިރު ތެރޭގައި މާލެއިން މަރުވެފައި އޮތް ދެ މީހަކު ފެނިފައިވާ ދަނޑިވަޅެއްގަ އެވެ. މި މަހު އެކަނި ވެސް މިހާތަނަށް މާލޭ ގެއެއް ތެރެއިން މަރުވެފައި އޮއްވާ ތިން މީހަކު ފެނިގެން ރިޕޯޓު ކުރި ކަމަށް ފުލުހުން ބުންޏެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox