ޝަރުތު ހަމަނުވާތީ އެޗްޑީސީގެ ސީއެފްއޯ ވަކިކުރަން ޕީސީބީން އަންގައިފި

އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދު (ކ) އާއި ސީއެފްއޯ އަބްދުﷲ ފާއިދު: ޕީސީބީން ކަނޑައަޅާފައި ހުރި ޝަރުތުތައް ހަމަނުވާ ކަމަށް ވިދާޅުވީ ފަޒުލް -- ފޮޓޯ: މިރާޝް ނާޝިމް/އަދަދު

އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދު (ކ) އާއި ސީއެފްއޯ އަބްދުﷲ ފާއިދު: ޕީސީބީން ކަނޑައަޅާފައި ހުރި ޝަރުތުތައް ހަމަނުވާ ކަމަށް ވިދާޅުވީ ފަޒުލް -- ފޮޓޯ: މިރާޝް ނާޝިމް/އަދަދު

ދައުލަތުގެ ކުންފުނިތަކުގައިި ތިބޭ ޗީފް ފައިނޭންޝަލް އޮފިސަރު (ސީއެފްއޯ) އިންގެ ހުންނަން ޖެހޭ އަސާސީ ޝަރުތުތައް ހަމަނުވާތީ ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ސީއެފްއޯ އަބްދުﷲ ފާއިދު ވަކިކުރަން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން އަންގައިފި އެވެ.

އެޗްޑީސީގެ ސީއެފްއޯ ފާއިދުގެ، އެ މަގާމަށް ބޭނުންވާ ހުރިހާ ސެޓްފިކެޓެއް ހަމަނުވާ ކަން ހާމަކުރެއްވީ މި މަހު ކުރީކޮޅު ބޭއްވި މާލިއްޔަތު ކޮމިޓީގެ ބައްދަލުވުމެއްގައި އެ ކުންފުނީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދެވެ. އޭނާ އެ ދުވަހު ވިދާޅުވީ ލިބެން ޖެހޭ އެއް ސެޓިފިކޭޝަން ހޯދަން އަންނަ މާޗުގައި އޭނާ އިމްތިހާނުގައި ބައިވެރިވާނެ ކަމަށެވެ.

"އެއް ސެޓިފިކޭޝަން އެބައޮތް [ނުލިބޭ]. އެ ހާސިލު ކުރަން އެގްޒަމިނޭޝަންގައި ސިޓު ކުރަން, މި އަންނަ އަހަރުގެ މާޗު މަހުގެ ތެރޭގައި ސިޓު ކުރާނެ ކަމަށް މައުލޫމާތު ލިބިފައި އޮތީ," ފަޒުލް ވިދާޅުވި އެވެ.

ނަމަވެސް ޕީސީބީން ވަނީ އެ ބޯޑުން ކަނޑައަޅާފައިވާ ޝަރުތުތައް ހަމަނުވާތީ އޭނާއަށް މަގާމުގައި ނުހުރެވޭނެ ކަން އެޗްޑީސީއަށް އަންގާފަ އެވެ. މިކަމާ ގުޅޭ ގޮތުން ޕީސީބީގެ ރަސްމީ ބަހެއް ނުލިބުނު ނަމަވެސް އިތުބާރު ހުރި މަސްދަރުތަކުން ވަނީ މިކަން "އަދަދު" އަށް ކަށަވަރުކޮށްދީފަ އެވެ.

ޕީސީބީން ވަކިކުރަން އެންގި އަބްދުﷲ ފާއިދަކީ ކުރިން އެ ކުންފުނީގެ ޕްރޮޖެކްޓް މެނޭޖުމަންޓު އެންޑް ޑިވެލޮޕްމަންޓް ޑިރެކްޓަރެވެ. އޭނާ ސީއެފްއޯއަކަށް ހަމަޖެއްސީ ކުރިން އެ މަގާމުގައި ހުރި އަހުމަދު ޝާމް އޮކްޓޫބަރު މަހުގެ ތެރޭގައި އެ މަގާމުން އިސްތިއުފާ ދިނުމުންނެވެ.

އެޗްޑީސީއަކީ ސަރުކާރު ކުންފުނިތަކުގެ ތެރެއިން އެންމެ ބޮޑު އެސެޓު ޕޯޓްފޯލިއޯ އޮތް ކުންފުންޏެވެ. އަދި ބޮޑު އާމްދަނީއެއް ކޮންމެ އަހަރަކު ވެސް އެ ކުންފުންޏަށް ވަދެ އެވެ. އެ ކުންފުނީގެ މިލްކުވެރިކަމުގައި ހުރި ތަންތަނުގެ ތެރޭގައި ހުޅުމާލެ އާއި ތިލަފުއްޓާއި ގުޅީފަޅުގެ އިތުރުން ފުށިދިއްގަރުފަޅާއި ގަލުފަޅާއި މާގިރިފަޅު ހިމެނެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox